Amos 4:9 - Ma Zhiklè

⁹ I ga kinè matakwan a hüfa man a ndi dau, a cèɓè a bono ta gedasseda gi dau a gi lak kinè aussa, a wof kslor a wof tsna, dzarai a nʼndeda ma; ko ar haha kin menkada deɓa a sam ga ɓai, Ndo nzi pèc pècèk a gaɗa.

Amos 4:9 ပူးပေါင်းရင်းမြစ်များ

I Rois 8:37

Aman mi a gi a kokwar, a gidiɓèr a zlèzlèmè te kokwar, a vovrom a cèɓè a ngedassa skwai, man dzarai a shkè, man ri ndohi mayamhi a nza ta a gèɗ a ndohi te kokwar ngiɗè, man skwi mwuɗitpa, man matakwan ngiɗè a shkè,

II Chroniques 6:28

Aman mi a gi a kokwar, a gidiɓèr a zlèzlèmè te kokwar, a nvovrom a cèɓè a ngedassa skwai, man dzarai a shkè, man ri ndohi mayamhi a nza ta a gèɗ a ndohi te kokwar ngiɗè man skwi mwuɗitpa, man matakwan ngiɗè a shkè,

Esaie 1:5

Sam man ta ndah kinè a pa di ɓai, a za zhi ɗè? Kinè man kin dè a ma ma te shèwa? Gèɗ kinè tèlèba a dzaha kinè; ndav kinè, ntulè keɗaʼa,

Esaie 50:11

Na haha kin tèlèba, man kin vècè vog-wa, a skwi ntiv vogwa te rai, vo-do a ndev nèʼèn vogwa kinè, a va vogwa man kin tivèʼa! Skwi haha ri ga a nga kinè, a kin da si matakwan.

Esaie 9:12

Aman ndohi ta ngwoda ndav ta a sam Zhiklè man a mbazl ta ɓai, a ta hur ma Zhiklè bi mbiaʼa ɓai.

Jérémie 3:10

Ar haha, Juda, demam na, man nlèɓèslɓai, a nʼngwodko ndav na a deɓa a sam ga tèlè ɓai, a goɗ a deɓa genè Ndo nzi pèc pècèk a gaɗa.

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Osée 11:5

Sèi ta minè a deɓa a kokwar Egypte asaɓai. Aman ndo Assyrie a da gi bi ta, a géɗ man ta woy a ta menkada deɓa a sam ga ɓai.

Joel 1:4

Skwi man mèjèn a njèkeda, meturɗihi ta ndau; skwi man meturɗihi ta jèkeda, wuda a ndau; skwi man wuda a njèkeda, nvovrom a nʼndedama.

Joel 1:7

Ta gedassay gi wof barassa ga, ta berzlay wof kslor ga, ta patay deɓaʼa aussa. Ri wof nengaʼa nʼngurzl na ma.

Joel 2:25

I woy a i menda kinè skwi a deɓa man mèjèn a meturɗi a wuɗa a nvovrom ta ndau, man i pu a ndohi var ga kumba man i zlinda kinè.

Amos 4:6

Ko skwi zlèʼèn i va kinè ɓai te kokwar kinè tèlèba; movar a slra kinè ɓai a sam kinè tèlèba; aman kin menkada deɓa a sam ga ɓai, Ndo nzi pèc pècèk a gaɗa.

Amos 4:8

Kokwar cèw, makar, ta hu a kokwar ngidè staɗ, a ta da si iyam te pa. Aman iyam a ngeza ta ɓai; ko ar haha kin menkada deɓa a sam ga ɓai, Ndo nzi pèc pècèk a gaɗa.

Habakuk 3:17

Aman wof kslor a da wurzhè azɓai, wof nte gi lak a da yi wuda azɓai, wof tsna a da yi wuda azɓai, skwi a da gi a gi dau azɓai, rèwè tambak ba azɓai, zlè a te kuɗom ɓai.

Aggée 2:17

Ko i zlinda cèɓè a bono a va dau kinè, a i gedassaʼa, skwi tèlèba man ri kinè a ngau, ko staɗ te ndev kinè a menkaɗa deɓa a sam ga ɓai, Ndo nzi pèc pècèk a gaɗa.

Mal. 3:11

A i woya ai gedassa skwi nʼndi dau, a gédèshè skwi te gi dau azɓai, a gédèshè skwi te gi lak ba azɓai, Zhiklè bi mbiaʼa a gaɗa.

Deutéronome 28:22

Ndo nzi pèc pècèk a da bazl kinè, lamba man a nde kinè, a pa kinè vogwa a va, a hezi kinè a hai, vogwa a va worworaʼa, halala a ngwoda dau a ma, sawara a gurdzo ta jèke ka azɓai, ha ka zi ngaya.

Deutéronome 28:42

Skwi nʼndi wof a da ndi wof ngaya tèlèba, a nyi herkeda ngaya tèlèba.