Amos 4:11 - Ma Zhiklè

¹¹ I zede kinè lèmèlèmè ara man Zhiklè a gu te Sodome a Gomorrhe, a kin nʼngaʼa a gada shègwa nlussoaʼa, man ta ckoɗauda te va vogwa. Ko ar haha kin menkada deɓa a sam ga ɓai, Ndo nzi pèc pècèk a gada.

Amos 4:11 ပူးပေါင်းရင်းမြစ်များ

Esaie 13:19

Skwi haha a da gi te Babylone, kokwar-bi man a fena kokwar-bihi ngiɗè tèlèba. Nʼnjèlè man ndohi Chaldée ta fi va a vna, a da gi lèmèlèmè ara Sodome a Gomorrhe, man Zhiklè a ngedas ta.

Esaie 7:4

Gaɗa na: Gu maya a ka nza tètè, ka gu zlau ɓai, ndav ngaya da gudzu ɓai a géɗ pèmbèzh cèw haha man vodzok a ɗüzhè a pa, a géɗ ndav Retsin a Syrie a kra Remalia, man a vècè ara vogwa.

Esaie 9:12

Aman ndohi ta ngwoda ndav ta a sam Zhiklè man a mbazl ta ɓai, a ta hur ma Zhiklè bi mbiaʼa ɓai.

Jérémie 23:14

I rka skwi horai a sam ndohi nhadka ma te Jérusalem: ta gi mphömè, ta cèkèl ma. Ta ndha ri ndohi malihai, ta woya ndo da menkada deɓa te mali na bai. Ta tèlèba ta ga ara Sodome a sam di ga, lèmèlèmè ara ndohi kokwar Gomorrhe.

Jérémie 49:18

Lèmèlèmè ara Sodome a Gomorrhe a kokwar man a tsagiaʼa, man ta gedas ta, Ndo nzi pèc pècèk a gaɗa, ko ndo staɗ a te pa ɓai, ko staɗ a nzi a pa azɓai.

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Jérémie 50:40

Kita Zhiklè lèmèlèmè ara Sodome, Gomorrhe, a sam man a tsagiaʼa, Ndo nzi pèc pècèk a gaɗa; ndo a da nzi a pa azɓai, ndo azɓai man a da gi gi a pa.

Ezéchiel 24:13

Ka lizhè va ngaya a mphömè. I woy a i pan ka, aman ka pènè azɓai, te skwi man a lizhè ka. Ka lizhè mènè, ha a i rufa ndzoan ga a sam ngaya.

Osée 11:5

Sèi ta minè a deɓa a kokwar Egypte asaɓai. Aman ndo Assyrie a da gi bi ta, a géɗ man ta woy a ta menkada deɓa a sam ga ɓai.

Osée 11:8

Ephraim, i jèke ka èhèmè? Israel, i pre ka èhèmè? I kwol ka ara Adma èhèmè, i ge ka ara Tseboim èhèmè? A mbeɗamay ndav, a ndaramay ndav tʼhwaɗaʼa.

Amos 4:6

Ko skwi zlèʼèn i va kinè ɓai te kokwar kinè tèlèba; movar a slra kinè ɓai a sam kinè tèlèba; aman kin menkada deɓa a sam ga ɓai, Ndo nzi pèc pècèk a gaɗa.

Aggée 2:17

Ko i zlinda cèɓè a bono a va dau kinè, a i gedassaʼa, skwi tèlèba man ri kinè a ngau, ko staɗ te ndev kinè a menkaɗa deɓa a sam ga ɓai, Ndo nzi pèc pècèk a gaɗa.

Zacharie 3:2

Aman gol Ndo nzi pèc pècèk a ngaɗa na Sadan: Ndo nzi pèc pècèk, da ga ka ndzoan, Sadan! A vava, Ndo nzi pèc pècèk man a ngotsko Jérusalem auda, da ga ka ndzoan! Nengaʼa shègwa man a mphkoɗauda te va vogwa ka ɓi ɗè?

Romans 9:29

Ara man Esaie a goɗ halaʼa: Aman a matsa Zhiklè Bi-wuɗai a jèka nga tser nga zlèzlèa ɓai, ar nga lèmèlèmè ara Sodome a Gomorrhe.

1 Corinthians 3:15

Aman ndo man vogwa a ndi mizlinè na, skwi nengaʼa a zi na. Ndo sa a mbél na, aman ara man a mbelkaɗauda te vogwa genè.

Deutéronome 28:24

Ndo nzi pèc pècèk a da zlinda lokotor te di man a iyam, a mberfenèk. A da shkèhi te zhiklè a géɗ ngaya, ha ka gedas ngaya.

Deutéronome 29:23

aman ta da rka skwi mvècè vogwa, a boma, a vogwa man a gedassaʼa; tser azɓai, nyi skwi azɓai, mandi a grè azɓai, ara Sodome a Gomorrhe, Adma a Tseboim, man Ndo nzi pèc pècèk a ngedas ta a ndav a ndzoan nengaʼa –

2 Peter 2:6

Zhiklè a nʼndeda Sodome a Gomorrhe a mèrwèc, a nʼnga na kita a gèɗ man a ngedassaʼa a mèdèp, a nʼngreda ta skwi aranta a ndohi man a ma, man ta da woy civèɗ Zhiklè ɓai.

Jude 1:23

va-ngazlka ta auda te vogwa, va-mbel ta! Tengahi ngiɗè da se kinè te va, aman va-gu zlau; va-gu shèwa a ntétékè tengaʼa man a lizhè ndav ta.

Jude 1:7

Va-hur Sodome a Gomorrhe a kokwarhi man a tsagiaʼa, man ta gu mphömè lèmèlèmè ara golahi Zhiklè, a ta dzodzor ntétékè tsaɗ tsaɗ tʼhai. Ta fa ta kita a gèɗ te vogwa a mèdèp, a ndohi tèlèba ta slaha a ta hèrèʼa.

Apocalypse 9:20

Njèkèɗi ndohi man ta bazl ta ɓai a skwi ngedassa haha, ta ngwode ndav ta ɓai a ta gu skwi ta genè, a ta jèka ntsi ri a bi mazdagi ɓai; ta tsu ri a zhiklèhi man ta gu a guro, a verzhègenè, a züdo, a kwa, a wof, man ta rka di ɓi genè, man ta tsena zlembaɗ ɓai, ta dè a sak azɓai.