Amos 4:10 - Ma Zhiklè

¹⁰ I pra kinè gidiɓèr a va, ara man i gu te kokwar Egypte, i bazl ta golahi kinè a tsakwal, a ta helda plèsh kinè a ma. A sam man kin ɓiceda pa, skwi man a zhkèha kinè dukedukeʼa. Ko ar haha kin menkada deɓa a sam ga ɓai, Ndo nzi pèc pècèk a gaɗa.

Amos 4:10 ပူးပေါင်းရင်းမြစ်များ

II Rois 10:32

Te ndev nasa, Ndo nzi pèc pècèk a nhüno a ntsakaha kokwar Istrael kètè kètè. Hazael a mbazl ta ndohi Israel a ma kuma Israel tèlèba,

II Rois 13:3

A ndza na a ndav Ndo nzi pèc pècèk kumba a géɗ ndohi Israel, a mpe ta a ri a Hazael, bi Syrie, a ri a Ben-Hadad, kra Hazael, pèc pècèk.

II Rois 13:7

Njèkèɗi ndohi nda a sak 10.000 genè. A bi Syrie a nzede ta, a mbatsaha ta a sak ara koskosai.

II Rois 8:12

Hazael a ngaɗa: Bi ga a kuɗi èhèmè? A gada: I sun skwi man amɓaɓi man ka da ga ta ndohi Israel. Kokwarhi nʼngalaʼa te pa, ka da fa na vogwa. Golahi tengaʼa ka da bazl ta a tsakwal, wudahi tengaʼa ka tseda ta gèɗ, ngwozi tengaʼa man ta a hwaɗ, kra tengaʼa ka cizlkoɗauda tʼhwaɗ.

Exode 10:27

Aman Ndo nzi pèc pècèk a nsassaya ndav Pharaon, a Pharaon-a woya a nva ta civèɗ ɓai.

Exode 10:3

A Moise a Aaron to do a sam Pharaon a ta gada na: Ndo nzi pèc pècèk, Zhiklè ndohi Hébreu, a gada: Ta ngèmè ka woy a ka manda gèɗ ngaya a hi azɓai a sam ga? Va ta civèɗ a ndohi ga, a ta da slèbèrdyè!

Exode 14:4

A i woy a i sassaya ndav Pharaon, a nhi a verzi tengaʼa, a i ngreda nʼnjèl ga auda a sam nengaʼa, a sam ndohi var nengaʼa tèlèba. Ndohi Egypte sèi ta da suna, i Ndo nzi pèc pècèk. A ndohi Israel ta gu arsa.

Exode 15:26

A ngaɗa: Aman ka jèjèr ma Ndo nzi pèc pècèk, Zhiklè ngaya, a nlèɓèslè, a ka gi skwi nzuraʼa a sam di nengaʼa, a ka jèjèr ma kita nengaʼa, i woy a i zlindaka ka matakwan man i zlinda a sam ndohi Egypte, azbai. Aman iyè, Ndo nzi pèc pècèk, i ndo madzaf ngaya.

Exode 8:19

I woy a i gia tsaɗ tsaɗ: a sam ndohi ga tsaɗ, a sam ndohi ngaya tsaɗ. Angoslèm i da ngra ka skwi haha.

Exode 9:12

Aman Ndo nzi pèc pècèk a nsassaya ndav Pharaon, a Pharaon a nfa gèɗ a ma tengaʼa ɓai, ara man Ndo nzi pèc pècèk a goɗ a matsa.

Exode 9:17

Ko antanta ka grè gèɗ ngaya, a ka va ta civèɗ a ndohi ga azɓai.

Esaie 34:3

Ndohi tengaʼa man ta bazl ta, ta wushedaussa, nckondohi tengaʼa ta zhkè njhünjhünjhaʼa, pombaz tengaʼa a hakaɗi te za.

Esaie 50:11

Na haha kin tèlèba, man kin vècè vog-wa, a skwi ntiv vogwa te rai, vo-do a ndev nèʼèn vogwa kinè, a va vogwa man kin tivèʼa! Skwi haha ri ga a nga kinè, a kin da si matakwan.

Esaie 9:12

Aman ndohi ta ngwoda ndav ta a sam Zhiklè man a mbazl ta ɓai, a ta hur ma Zhiklè bi mbiaʼa ɓai.

Esaie 9:13

Ndo nzi pèc pècèk a nʼngelama na gèɗ a hutor a Israel, kuza nwuzaɗ a gangar, a pats staɗ.

Esaie 9:17

Aman malai a zlèzlèmè ara vogwa, a ndeda vatak a nkuɗdzari a ma, a nfa na vogwa a wof, a vodzok a ndüzhè dekdekaʼa.

Jérémie 11:22

Gar haha Zhiklè a goɗ ar haha: Na haha sèi ta pilèʼa: golahi ta da bèzl ta a tsakwal, wudahi a dalahi tengaʼa ta da tiɗè a mai.

Jérémie 15:3

I da baha ta géɗ matakwan faɗ a géɗ tengaʼa, Ndo nzi pèc pècèk a gaɗa: Tsakwal a nda bazl ta. Kdadihai ta da cizl ta. Ɗiakihai a skwi dak ta da nde ta ma, a ta ndev ta.

Jérémie 16:4

Sèi gidiɓèr da hel ta ma, ndo nda kuɗ ta, ndo nda re ta azɓai. Sèi ta ndi a mogoɓa te gi dau. Tsakwal a da bazl ta, mi a da bazl ta, a ɗiakihai a skwi dak ta da nde ta ma.

Jérémie 18:21

Gar haha gau aman wudahi tengaʼa ta tiɗ ta a mai, tsakwal da bazl ta! Wud ngwozi da bazl ta, ngwozi da nde ta a ngwozi mazai; bakihi tengaʼa, gidiɓèr da hel ta ma, golahi tengaʼa da bazl ta te var!

Jérémie 48:15

Moab ngedas na, vodzok a shkè auda te kokwarhi na, golahi nengaʼa ndaɓaraʼa ta zlama ta daʼai ma. Nasa ma bai, man nzlembaɗ na Zhiklè bi mbiaʼa.

Jérémie 49:26

Golahi nengaʼa ta bazl ta a dai kokwar, a ndohi var nengaʼa ta zi ta a pats nasa, Ndo nzi pèc pècèk a gaɗa.

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Jérémie 6:11

Ndav ga nʼndha a ndzoan Ndo nzi pèc pècèk; i slaha a i gshè a hi ɓai. Sèi i ga na a va kra ngiɗè a civèɗ, a va golahi tè-lèba man ta ɓica va, ko ngurhi a ngwozai, ko babgihai, ko ndohi nhalaʼa, i ga ta a va.

Jérémie 9:22

Goɗa! Ndo nzi pèc pè-cèk a gaɗa: Nckondohi ta zhè zlerzleraʼa ara ksof, ara bak pandar te deɓ ndo ntsi dau, man ndo a ɓicè azɓai.

Osée 11:5

Sèi ta minè a deɓa a kokwar Egypte asaɓai. Aman ndo Assyrie a da gi bi ta, a géɗ man ta woy a ta menkada deɓa a sam ga ɓai.

Joel 2:20

Mayam kinè te civèɗ kozlar iyam i dzamda auda dra a sam kinè, a i zukda a kokwar man iyam a te pa ɓai, man skwi a gi a pa azɓai; ndohi nshèlèkuraʼa a ma iyam mbiaʼa, te civèɗ mvèng pats, ndohi man ta dzadzar ta te deɓa a ma iyam mbiaʼa te civèɗ nkèl pats. A zhkè dukedukeʼa, mblè a zhkè, a géɗ man nengaʼa a gre gèɗ na.

Lèv. 26:16

i ba i gi a sam kinè lèmèlèmè. I da ga kinè skwi mwuɗitpa: zlau a gs kinè, lamba a nde kinè, vogwa a va, di kinè a vatasl a vatasl, nshèffè kinè te ndav te ndav. Kin zleki skwi ambalai, mayamhi kinè ta da ndi skwi man kin ɓicaʼa.

Lèv. 26:25

I bazl kinè a tsakwal, da pulkoy di man a nderzlè-ma ga auda. Aman te deɓaʼa kin hi a kokwar kinè, i pra kinè gidibèr a va, a i va kinè a ri a mayamhi kinè.

Amos 4:6

Ko skwi zlèʼèn i va kinè ɓai te kokwar kinè tèlèba; movar a slra kinè ɓai a sam kinè tèlèba; aman kin menkada deɓa a sam ga ɓai, Ndo nzi pèc pècèk a gaɗa.

Amos 8:3

A pats nasa dalahi ngècè ta da gi wali te gi bi asaɓai. Bi Zhiklè Ndo nzi pèc pècèk a gaɗa; nckondohi kumba ta da wushede ta a dala a sam tèlèba.

Aggée 2:17

Ko i zlinda cèɓè a bono a va dau kinè, a i gedassaʼa, skwi tèlèba man ri kinè a ngau, ko staɗ te ndev kinè a menkaɗa deɓa a sam ga ɓai, Ndo nzi pèc pècèk a gaɗa.

Deutéronome 28:21

Ndo nzi pèc pècèk a da faha ka gidiɓèr, ha a nʼndedama kokwar man ka da dè a pa tèlèba.

Deutéronome 28:22

Ndo nzi pèc pècèk a da bazl kinè, lamba man a nde kinè, a pa kinè vogwa a va, a hezi kinè a hai, vogwa a va worworaʼa, halala a ngwoda dau a ma, sawara a gurdzo ta jèke ka azɓai, ha ka zi ngaya.

Deutéronome 28:60

A da faha ka matakwan Egypte tèlèba, te ri nengaʼa ka gudzai; matakwan a gshè va ngaya.

Deutéronome 7:15

Ndo nzi pèc pècèk a da cè matakwan tèlèba auda a sam kine. Matakwan man wuɗitpa, man kin rkaʼa a sam ndohi Egypte, a da ngats kinè azɓai, aman a da ngats ta ndohi tèlèba man ta gi shèwa a kinè.