Amos 2:7 - Ma Zhiklè

⁷ Ta zler ta ndohi ntawassaʼa a sak, a ta dzam ta mbelaw ndohai. Kra a bab kra ta mbi a fali dam staɗ, a ta dérɗè nzlembaɗ ga nkezlaʼa a vna.

Amos 2:7 ပူးပေါင်းရင်းမြစ်များ

II Samuel 12:14

Aman a géɗ man ka durɗo Zhi-klè a skwi man ka gau a haha, kra ngaya man ngwoz sa a nya ka, a metsi na.

I Rois 21:4

A Achab a nshkè ngwai, a ɓüc ma, a gi ndav, a géɗ ma man Naboth a ngaɗa na, i vi skwi nʼndi gi babhi ga azɓai. A mʼmanahi a sam-mʼmènè na, a nʼngwoda ma na a dergai, a woy skwi nʼndi ɓai.

Proverbes 28:21

Ambaɓai aman ka pèr ndo mpèrè; ko a géɗ skwi kèshkata man ta ruɓ ndo a vna, a gi malai.

Esaie 10:1

Wobau a gèɗ ndohi man ta gèɗè ma kita ncèkèlma, a gèɗ ndohi man ta windè ma nkwèr mwuɗitpa pèc pècèk,

Esaie 10:2

man ta fi zlembaɗ a kita ndohi ntawas-saʼa azɓai, a ta cèma ta skwi a ndohi nta-wassaʼa te kita, ta ngwode ta ngwozi ma-zihai, a ta gi metsar a sam wud dikai.

Esaie 3:14

Ndo nzi pèc pècèk a ga ta kita a ndohi nhalaʼa, a wud bihi ndohi na. Kinè man kin ndoko skwaʼa auda te gi lak, a kin helda skwi ndohi ntawassaʼa a ma a wuɗai.

Esaie 3:15

Kin zler ta ndohi ga èhèmè, kin ga ta matakwan a ndohi ntawassaʼa èhèmè? Bi Zhiklè bi mbiaʼa a gaɗa.

Ezéchiel 22:11

Ngiɗè a mènè a ngwoz nslamagi na, ngiɗè a gi mwèslè a dem kra na, ngiɗè a gi mwèslè a demam na, dem bab na.

Ezéchiel 36:20

To do a sam ndohi herkeda, a ta derde nzlembaɗ ga nkezlaʼa, ha ta goɗ a géɗ tengaʼa: nasa ndohi Ndo nzi pèc pècèk; ta slalia ta nzi a kokwar tengaʼa asaɓai.

Osée 4:14

I woy a i gi kita a sam dalahi kine a géɗ mphömè tengaʼa azɓai, a i gi kita a géɗ dalahi ngwozi kinè man ta jèkeda baki ta azɓai, te man ndohi mvi skwi a Zhiklè ta bizhè zlawa a nda fali dalahai, a ta mbèh skwai a nda golahi man ta gi mphömè a nda ta. Ndohi man ta sun maya ɓai ta zi ta.

Lèv. 18:15

Ka mana na va ngwoz kra ngaya bai! Nengaʼa ngwoz kra ngaya, ka mana a vna bai!

Lèv. 18:21

Ka vau kra ngaya a Moloc bai; ka derdè nzlembaɗ Zhiklè a vna. Iyè Ndo nzi pèc nècèk.

Lèv. 18:8

Ka mana na va ngwoz bab ngaya bai! Ka derɗè bab ngaya a vna.

Lèv. 20:3

I ngwoda na gèɗ a va ndo sa, a i zedkoɗauda te va ndohi na, a gèɗ man a mva na kra na staɗ a Moloc, a lizhè sam ga nkezlaʼa, a dérɗè nzlembaɗ ga nkezlaʼa.

Amos 4:1

Va-tsena ma haha, dalahi zlèhi te Basan, te za Samarie, man kin ga ta matakwan a ndohi ntawassaʼa, a kin zumda ta gèɗ a mbelawhai. Man kin gaɗa ta ndohi kine mbibihiaʼa: Va-hulko skwi man nga siaʼa!

Amos 5:11

Gar haha a géɗ man kin ga na kita a ndo ntawassaʼa a pil gèɗ a vata, a kin cèkèlè dau te ri nengaʼa: kin gu gi a kwa mpasla ma ba, aman kin da nzi a pa azɓai. Kin gi gi wof barassa mbelaʼa ma ba, aman kin tèr barassa te pa azɓai.

Amos 5:12

Aman i suna, mali kinè a zhè mbiaʼa, a kin gu skwi man ambaɓi kumba. Kin gi shèwa a ndo nzuraʼa, kin co skwi man ta ruɓ kinè a vna, kin ngwoda ta kita a gèɗ a ndohi ntawassaʼa.

Amos 8:4

Kinè man kin ndama ta skwi a ndohi ntawassaʼa, a kin ga ta matakwan a mbelaw ndohai, a kin gaɗa:

Michée 2:2

Ta zeɓi gi dau a ta cèʼa a wuɗai. Ta ngél di a gai a ta cèʼa; ta kala na va a babgiaʼa a skwi gi nengaʼa.

Michée 2:9

Ngwozi ndohi ga kin dzam ta auda te gai a sam wudahi man ta woy ta. Kin helama ta wuɗi ta, kin cèma ta nʼnjèl ga a wudahi ta a mèdèp.

Sophonie 3:3

Wud bihi te kokwar nengaʼa, ta ara marizhèlè man ta kuɗkaɗai, ndohi kit a nengaʼa ara nvalavalhi a vaɗ, man ta jèkè skwi a hi a mangoslèm azɓai.

Romans 2:24

Ara man ɗèlèwèr Zhiklè a gaɗa: Ndohi ngiɗè te va ndohi herkeda ta derɗe nzlembaɗ Zhiklè a géɗ kinè.

1 Corinthians 5:1

I tsenaʼa, mphömè a sam kinè a zhè, mphömè man ko ndohi nte deɓa ta gi azɓai: ndo man a cè ngwoz bab na.