Amos 2:4 - Ma Zhiklè

⁴ Ndo nzi pèc pècèk a goɗ ar haha: A géɗ mali kokwar Juda man a gi makar, a gi faɗ, i méndè kita a deɓa azɓai, a géɗ man ta kwola ma kita Ndo nzi pèc pècèk, a ta dzadzara ma nkwèr nengaʼa ɓai, ta gau ara babhi ta, ncèkèlma tengaʼa a nzlakede ta.

Amos 2:4 ပူးပေါင်းရင်းမြစ်များ

II Rois 17:19

Ko Juda ba a ndzadzara ma nkwèr Ndo nzi pèc pècèk, Zhiklè tengaʼa, ɓai, ta dzodzor ma kita man ndohi Israel ta gu a ri ta.

II Chroniques 25:14

Aman Amatsia a mshkè ngwi ma, te deɓ mana nfen ta ndohi Edom, a nzlinde ta ndohai, da hulko zhiklèhi ndohi Seir, a mpe ta a pa a zhiklèhi na. A nkalahi a deɓ sak tengaʼa, a nʼndara ta ɓurdi.

II Chroniques 30:7

Kin gau ara babhi a kramamhi kinè ɓai, man ta gu mali a sam Ndo nzi pèc pècèk, Zhiklè babhi tengaʼa, a mpe ta a ri nlèyè ara man kin ngots a patsna.

Néhémie 1:7

A vava nga gu skwi man ambaɓi kumba a sam ngaya, nga dzadzara ma nkwèr ngaya ɓai, ma kita, ma nde nga man ka va na Moise, ɓél ngaya.

Néhémie 9:26

Aman ta gu mèdègèɗ, a ta slambaɗa ka va. Ta kwola ma kita ngaya, ta bazl ta ndohi nhadka ma man ta bidka ta a deɓa, a ta derde ka kumba.

Esaie 28:15

Kin gaɗa: ngaderzla ma a mʼmetsai, nga gaɗda ma a hai a sam mʼmetsai. Iyam man a hi tsuvoɗoh-tusvoɗohaʼa a ndikè nga a va azɓai. Sam man nga nghe-da va a hwaɗaʼa, ncèkèlma. Nʼngwèdè ndo, sam man nga ngheda va nga a diaʼa.

Esaie 44:20

Ndo ngshè va a mèrwèc, ndav nengaʼa ngworaʼa a zlakeda. A mbela nshèffè na ɓai, a hérè azɓai: gar skwi man i gshè va a vna, skwi ncèkèlma ɗè?

Jérémie 16:11

Ka da menda ta: A géɗ man babhi kinè ta kwolyè, Ndo nzi pèc pècèk a gada, a to do a verzi zhiklèhi ngidè, a ta gu mizlinè ta, a ta tsu ri a tengaʼa, a ta jèkyè a ta dzodzor ma kita ga bai.

Jérémie 16:12

Kinè, kin gu skwi ambaɓiaʼa holholaʼa, a fena babhi kinè. Na haha, staɗ staɗ te ndev kinè a jèjèr ndav nengaʼa man nsassaya, man ambaɓai, a tsena ma ga bai.

Jérémie 17:27

Aman kin da tsena ma ga ɓai, kin kezla pats nshèk va ɓai, a kin zhɗɓ skwi a gèɗ, a kin bizhè a ntamagi Jérusalem a pats nshèk va a vna, i da fa na vogwa a ntamagi nengaʼa, a da ndeda gihi bi te Jérusalem a ma, a mbècè azɓai.

Jérémie 6:19

Herkeda, fu zlembaɗ! I ngwoda ta matakwan a gèɗ a ndohi haha, a géɗ man ta kwolyè, ta woy a ta cè ma ga ɓai, ta derɗa ma kita ga.

Jérémie 8:2

Ta da wuzheda a di pats, a di kia, a di bantihai, man ta woy ta, man ta tsu ri a tengaʼa, man ta gu mizlinè ta, man ta dzhaɗ ta a ta gurɓahi a sam ta. Ta da ɓic ta vataslhi te deɓaʼa azɓai, a ta ri a gi dzavi azɓai; a gi a mongoɓa te gi dau.

Jérémie 8:9

Ndohi maya ta ngots hori a dai, ta gs ta, ta ga ta kita, ta ngwoda ma Ndo nzi pèc pècèk; kos maya ta maya mè?

Jérémie 9:14

aman ta dzodzor ndav ta nsassayaʼa, ta dzodzor Baal man babhi ta ta senda ta.

Ezéchiel 13:22

A géɗ man kin mbeɗama na ndav a ndo nzuraʼa a ncèkèlma, ndo man i woy a i ga na matakwan bai, a kin va ta wuɗai a ndohi nderɗe Zhiklè; a ta ngwèdè gèɗ a deɓa te civèɗ tengaʼa ambaɓiaʼa azɓai, aman ta mbél ta.

Ezéchiel 20:13

Aman ndohi Israel ta slambaɗkay a va tʼhèshèkèɗ, ta dzadzara ma nkwèr ga bai, ta kwola ma kita ga man ndo da dzodzora aman a nzi a nshèffè. Ta derɗa patshi nshèk va ga, a i hur ara man i pra ta ndzoan a gèɗ tʼhèshèkèɗ, a i da zede ta.

Ezéchiel 20:16

a géɗ man ta kwola ma nkwèr ga a ta durɗo patshi nshèk va ga, a ndav tengaʼa a ndzodzor skwi mbèh skwai.

Ezéchiel 20:18

I gaɗa ta wudahi ta tʼhèshèkèɗ: Kin do a civèɗ babhi kinè ɓai, kin dzodzor tsuf tengaʼa bai, kin lizhè va kinè a mʼmbèh skwi tengaʼa bai!

Ezéchiel 20:24

a géɗ man ta dzadzara ma nkwèr ga ɓai, ta kwola ma kita ga, a ta derɗa patshi nshèk va ga, a ta pu di a verzi skwi mbèh skwi babhita.

Ezéchiel 20:30

Gar haha gaɗa ta ndohi Israel: Bi Zhiklè a goɗ ar haha: kin lizhè va kinè a maya babhi kinè, a kin jèjèr mʼmbèh skwi tengaʼa dè?

Ezéchiel 22:28

Ndohi nhadka ma ngaya ta zlakede ta ndohai, ta njè ta nshunè ncèkèlma, ta hodko ncèkèlma, ta tila ma ta mbelaʼa. Ta gaɗa: Bi Zhiklè a goɗ ar haha – ko Ndo nzi pèc pècèk a ngaɗa bai.

Ezéchiel 22:8

Sam ga nkezlaʼa kin gedassaʼa, a kin dérɗè patshi nshèk va ga.

Osée 12:2

Ephraim a gshè va a kozlar, a hi a verzi kozlar civèɗ mvèng pats. Ta cèkèlma a ta gi metsar a ma ma. Ta derzla ma ta a ndohi Assyrie a ta da mbar a Egypte.

Osée 12:3

Ndo nzi pèc pècèk ta verslè a Juda, a da ga na Jacob ara skwi man a gau.

Osée 6:11

Israel a lizhè va na te pa. Juda, ka ha ka ngècè di man a ngaya a pats man i da helka ta ndohi Israel a deɓa te ɓèl tengaʼa.

Amos 1:3

Ndo nzi pèc pècèk a goɗ ar haha: A géɗ mali kokwar Damas man a gi makar, a gi faɗ, i méndè kita a deɓa azɓai, a géɗ man ta tsau ndohi Galaad a gada züdo.

Amos 3:2

I parka kinè auda staɗgenè te va ndohi herkeda tèlèba, kinè genè. A géɗ nengaʼa, i ga kinè kita a géɗ mali kinè tèlèba.

Michée 6:12

Ndohi mèshèlè te kokwar ta ɓica skwi a wuɗai, a ndohi kokwar ta cèkèlma, nèʼèn tengaʼa a ngwèdè ndo.

Habakuk 2:18

Skwi man ndo a pètèʼa, a takaha te mè? Skwi man ndo a viɗèʼa, skwi mbèh skwi ncèkèlma, a vri man a gèɗè azɓai; ndo ngau a pi ndav a vna, kè!

Romans 1:25

a géɗ man ta ngwoda ma Zhiklè nzuraʼa a ncèkèlma, a ta kalahai a deɓ sak skwi nʼngaʼa, a ta gu ɓèl nengaʼa. Ta jèkeda Zhiklè, man a gu skwai, man nʼnjèlè nengaʼa a zhè a mèdèp. Amen.

1 Thessalonians 4:8

Ndo man a kwola ma haha, a kwola ndo ka ɓai, aman a kwola Zhiklè, man a va kinè Mèzhèɓ nengaʼa nkezlaʼa a ndav.

1 Peter 1:18

Kin suna, skwi man a sumka kinè a deɓa te maya nshèffè bababhi kinè nhalaʼa, man skwi ambalai: ara verzhè-gènè a guro man a di a gédèsh na ka ɓai;

Juges 10:6

Te deɓaʼa ndohi Israel ta za gu skwi man ambaha Ndo nzi pèc pècèk ɓi zaʼa. Ta dzodzor Baalhai a Astarté, zhiklèhi Syrie, zhiklèhi Sidon, zhiklèhi Moab, zhiklèhi Ammon, zhiklèhi Philistie, a ta jèkeda Ndo nzi pèc pècèk, ta dzadzara ɓai.