Amos 1:3 - Ma Zhiklè

³ Ndo nzi pèc pècèk a goɗ ar haha: A géɗ mali kokwar Damas man a gi makar, a gi faɗ, i méndè kita a deɓa azɓai, a géɗ man ta tsau ndohi Galaad a gada züdo.

Amos 1:3 ပူးပေါင်းရင်းမြစ်များ

I Rois 19:17

A da gi ar haha: Ndo man a da mbel ha te ri tsakwal Hazaél, Jéhu a da keɗaʼa; a ndo man a da mbel na te ri tsakwal Jéhu, Elisée a da keɗaʼa.

II Rois 13:3

A ndza na a ndav Ndo nzi pèc pècèk kumba a géɗ ndohi Israel, a mpe ta a ri a Hazael, bi Syrie, a ri a Ben-Hadad, kra Hazael, pèc pècèk.

II Rois 13:7

Njèkèɗi ndohi nda a sak 10.000 genè. A bi Syrie a nzede ta, a mbatsaha ta a sak ara koskosai.

II Rois 16:9

A bi Assyrie a mco ma nengaʼa, a ndo a nduma kokwar Damas, a nhel ta ndohi kokwar a ɓèlè a kokwar Kir, a nkeda Retsin.

II Rois 8:12

Hazael a ngaɗa: Bi ga a kuɗi èhèmè? A gada: I sun skwi man amɓaɓi man ka da ga ta ndohi Israel. Kokwarhi nʼngalaʼa te pa, ka da fa na vogwa. Golahi tengaʼa ka da bazl ta a tsakwal, wudahi tengaʼa ka tseda ta gèɗ, ngwozi tengaʼa man ta a hwaɗ, kra tengaʼa ka cizlkoɗauda tʼhwaɗ.

Job 19:3

Kin derdyè a gi sak kula ma, a kin gay skwi ambaɓiaʼa, a kin gi hori azɓai.

Job 5:19

A da Preka ka auda te ri skwi mwuɗitpa mokwa, matsaradaʼa a da ga ka azɓai.

Proverbes 6:16

Skwi mokwa man Ndo nzi pèc pècèk a gi shèwa a vna. Skwi matsaradaʼa man a ndara na:

Ecclésiaste 11:2

Kezla skwi ngaya a ri mandalahi ko a gi 7, ko a gi 8, te man ka sun matakwan man a da ga ka, a géɗ herkeda ɓai.

Esaie 28:27

Ta tésh gogom a mtwoz a mbelau azɓai; ta téshè a rai.

Esaie 41:15

Na haha i ge ka a mbelau züdo, man züdo ndizlèa te pa zuraʼa. A ka da dum za a vna, a ka kerd ta, a ka düm kwazlazlamhai a vna ara topok dau.

Esaie 7:16

Ga kra a shin nɗel skwi man ambaɓai te va skwi man amba, herkeda haha, man kin gi zlau bihi ten-gaʼa cèw, ngedas na ma.

Esaie 7:8

Aman Damas, a kwèr Syrie. Rason, bi Damas.

Esaie 8:4

Aman ga kra bèbèy ngèɗè mama a baba, ta da na skwi mèshèlè Damas, a skwi man ta heldama a metsar te Samarie, a bi Assyrie.

Amos 1:11

Ndo nzi pèc pècèk a goɗ ar haha: A géɗ mali kokwar Edom man a gi makar, a gi faɗ, i méndè kita a deɓa azɓai, a géɗ man a ndzama kramam na a tsakwal, a nsa te va ɓai, a ngu ndav pèc pècèk, a njèka shèwa ɓai, nte ndav na a mèdèp.

Amos 1:13

Ndo nzi pèc pècèk a goɗ ar haha: A géɗ mali ndohi Ammon man a gi makar, a gi faɗ, i méndè kita a deɓa azɓai, a géɗ man ta cizla hwaɗ ngwozi te Galaad, man ta a hwaɗ, a ta herdaha kuma kokwar a deɓa arsa.

Amos 1:6

Ndo nzi pèc pècèk a goɗ ar haha: A géɗ mali kokwar Gaza man a gi makar, a gi faɗ, i méndè kita a deɓa azɓai, a géɗ man ta par ta ndohi tèlèba a ta pe ta a ri a ndohi Edom.

Amos 1:9

Ndo nzi pèc pècèk a goɗ ar haha: A géɗ mali kokwar Tyr, man a gi makar, a gi faɗ, i méndè kita a deɓa azɓai, a géɗ man ta pre ta ndohi kumba a ma a ɓèlè a ri a Edom; ta hur ma man ta durzlo a kramamhi ta ɓai.

Amos 2:1

Ndo nzi pèc pècèk a goɗ ar haha: A géɗ mali kokwar Moab man a gi makar, a gi faɗ, i méndè kita a deɓa azɓai, a géɗ man ta fa na vogwa a vatasl bi Edom.

Amos 2:4

Ndo nzi pèc pècèk a goɗ ar haha: A géɗ mali kokwar Juda man a gi makar, a gi faɗ, i méndè kita a deɓa azɓai, a géɗ man ta kwola ma kita Ndo nzi pèc pècèk, a ta dzadzara ma nkwèr nengaʼa ɓai, ta gau ara babhi ta, ncèkèlma tengaʼa a nzlakede ta.

Amos 2:6

Ndo nzi pèc pècèk a goɗ ar haha: A géɗ mali Israel man a gi makar, a gi faɗ, i méndè kita a deɓa azɓai, a géɗ man ta preda ndo man nʼnga mali ɓai a ma a sulai, a ta preda ndo ntawassaʼa a ma te di kotokoroh.

Zacharie 9:1

Ma kita Ndo nzi pèc pècèk a géɗ kokwar Hadrac, a da ngu ma a Damas. Aman kokwarhi Syrie a ndohi te verzi Israel tèlèba, ta a Ndo nzi pèc pècèk.

Zacharie 9:2

Hamath, sam man a tsagi nengaʼa ba; Tyr a Sidon, man maya tengaʼa a zhè.