Aggée 2:7 - Ma Zhiklè

⁷ A i gudzeda ndohi herkeda, a ndohi herkeda tèlèba ta da hulkoɗi skwi mèshèlè a gi man i da gi a haha a nʼnjèlè, Zhiklè bi mbiaʼa a gaɗa.

Aggée 2:7 ပူးပေါင်းရင်းမြစ်များ

Genèse 22:18

Ndohi a géɗ herkeda tèlèba ta da ngècè mpshè ma a géɗ nzlembaɗ ngaya, a géɗ man ka fu gèɗ a ma ga.

Genèse 3:15

I woya a i pa kinè gèɗ a va a ngwoz ara ndohi mayamhai; a wud ngaya a wuda nengaʼa ba. Nengaʼa a da batsama ka gèd, a ka, ka da je ndudok sak nengaʼa.

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

I Rois 8:10

Aman ndohi mvi skwi a Zhiklè ta shkè auda te sam nkezlaʼa, vani nʼndha te gi Ndo nzi pèc pècèk tèlèba,

I Rois 8:11

a ndohi mvi skwi a Zhiklè ta slaha ta dè a pa a ta gi mizlinè tengaʼa ɓai, a géɗ vanai; aman nʼnjèl Ndo nzi pèc pècèk nʼndha gi Ndo nzi pèc pècèk.

II Chroniques 5:14

Ndohi mvi skwi a Zhiklè ta slaha a ta dè a pa a ta gi mizlinè tengaʼa azɓai, a géɗ vanai; aman nʼnjèl Ndo nzi pèc pècèk a nʼndha gi nengaʼa.

Psaumes 80:1

Man a Asaph. Psaume.

Psaumes 85:9

I woy a i tsena skwi man Ndo nzi pèc pècèk Zhiklè a gaɗayè. A mpasla ta ri gumi ahai andohi na, a ɓèlèlihi na, a tengaʼa man ta ngwodko ndav ta a sam na.

Esaie 2:19

Va-hau a gi za, va-ngheda va kinè a vèvèɗ, te ri zlau Ndo nzi pèc pècèk, a sam nʼnjèl bi nengaʼa mbiaʼa, aman a slèm-bèɗè, a gudzeda herkeda.

Esaie 60:4

Ceda gèɗ a zhiklè, ngul dai! Ta tèlèba ta ɓicko va, ta shkè a sam ngaya. Wudahi ngaya ta shkè dra, ta zuɓko dalahi te ba.

Esaie 60:7

Tambakihi te Kédar tèlèba ta ɓica va a sam ngaya, drokihi Nebajoth tèlèba ta zhè, a ka gi skwi a vna, a ka viaʼa a sam mvi skwi a Zhiklè; ta ambahayè. A i woya a i nzala gi ntsi ri ga.

Ezéchiel 21:27

A civèɗ ri mandai, lamba Jérusalem a pa, a bi Babel a winè ma na, a tsi lalau var, a bèhè a var, a zlècèdè gaɗa nwurzlè zlazlar a ntamagai a ɗizlè kwahai a ta tivè a pa.

Ezéchiel 31:16

Aman a kèlèhi kèngèm, a hèzlèwè, ndohi herkeda ta gudzai. Aman i zukda a gi dzavai a nda ndohi nte vèvèɗ tʼhwaɗaʼa. Wofhi mbelaʼa te Eden tèlèba, mparahiaʼa te Liban, ta tèlèba man ta nza a ma iyam, ta bid va ta.

Ezéchiel 38:19

I gèɗè a srak, a ndav man a dzay worworaʼa: A vava a pats nasa herkeda a da gudzai kumba te kokwar Israel.

Ezéchiel 44:4

Te deɓaʼa a ndiyè a ntamagi te civèɗ man a géɗèʼa, a ma gi Zhiklè. Aman i pu dai, na haha nʼnjèl Ndo nzi pèc pècèk a nʼndha gi Zhiklè. A i kalahi a deɓ sak nengaʼa.

Aggée 1:8

Vo-do a géɗ za, va-ngul wof, va-gu gai, a i wuffè a géɗ nengaʼa, a i ngreda va gate nʼnjèl ga, Ndo nzi pèc pècèk a gaɗa.

Mal. 3:1

Na haha i zlündo ndo sak ga, a til civèɗ a ma ga. Tsam-tsam Ndo nzi pèc pècèk man kin jhèɗèʼa, a shkè a gi nengaʼa. Gol Zhiklè nɗerzlè-ma man kin woyaʼa, na haha a shkè, Zhiklè bi mbiaʼa a gaɗa.

Luke 19:47

A Yèsu a njè ta te gi Zhiklè pèc pècèk, a ndohi mvi skwi a Zhiklè mbibihiaʼa, a malamhai, a tsuvom ndohai, ta woy a ta keɗaʼa.

Luke 2:27

A Mèzhèɓ Zhiklè a ndaʼa a gi Zhiklè. Aman Marie a Joseph ta cko kra ta, Yèsu, aman ta gia ara man ma Zhiklè a gaɗa,

Luke 2:46

Te deɓ mʼmèn makar ta ngotso te gi Zhiklè, nʼnza te ndev ndohi njèngè ma Zhiklè, a nfi zlembaɗ a ma ta, a ndzhad ta.

Luke 20:1

Te deɓ nasa, aman a senda ta ndohi te gi Zhiklè, a njè ta ma mbelaʼa, ndohi mvi skwi a Zhiklè mbibihiaʼa, a malamhai, a tsuvom ndohai, ta shkè, a ta gaɗa na:

Luke 21:38

A prèk, ndohi tèlèba ta shkè a gi Zhiklè, aman ta tsena ma nengaʼa.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Galates 3:8

Aman ɗèlèwèr Zhiklè a nʼngreda halaʼa, ara man Zhiklè a da va ta ngi-zuraʼa te ncè-a-ndav ta a ndohi nte deɓa. Gar haha a ngaɗa na Abraham: A géɗ ngaya ndohi herkeda tèlèba ta da ngècè mpshè ma.

Colossiens 2:9

Aman te Kristi skwi Zhiklè tèlèba a zhè a vava.