Aggée 2:5 - Ma Zhiklè

⁵ Mèzhèɓ ga a nzi te ndev kinè, kin gu zlau ɓai!

Aggée 2:5 ပူးပေါင်းရင်းမြစ်များ

II Chroniques 20:17

Kinè a ngi var haha ka ɓai. Vo-do, va-zlatsa, a kin da rka ara man Ndo nzi pèc pècèk a mpreka kinè auda. Juda a Jérusalem, kin gu zlau ɓai, kin gudzu ɓai, an-goslèm vo-do auda, va-gu var a nda ta. Ndo nzi pèc pècèk a zhè a nda kinè.

Néhémie 9:20

Ka va ta Mèzhèɓ ngaya man amba, man a senda ta skwai, ka va ta manna ngaya aman a ta ndiaʼa, a ka va ta iyam nsai.

Néhémie 9:30

Mvi kumba ka zhèrè genè, ka zhèrè genè, ka ngatsa ta maya a Mèzhèɓ ngaya, te ma ndohi nhadka ma, aman ta tsena ɓai. Te deɓaʼa ka pe ta a ri ndohi herkeda ngiɗè.

Exode 19:4

Kin rka a di kinè, skwi man i gau a sam ndohi Egypte, ara man i helka kinè a géɗ kelpasl ara mangayak, a i helka kinè a sam ga.

Exode 19:6

Kinè ndohi mvi skwi a Zhiklè, Bai, a sam ga, ndohi ga nkezlaʼa. Na haha ma ga man ka da gada ta ndohi Israel.

Exode 24:3

Te deɓaʼa Moise a mshkè, a mʼmenda ta ndohai ma nkwèr Ndo nzi pèc pècèk, a ma kita nengaʼa tèlèba. A ndohi tèlèba ta goɗ a ma staɗ, a ta gada: Ma tèlèba, man Ndo nzi pèc pècèk a mva nga, nga woy a nga jèjèrèʼa.

Exode 24:8

Te deɓaʼa Moise a nco pombaz, a nguca ta a va ndohai, a ngaɗa: Na haha Pombaz nderzlè-ma, man Ndo nzi pèc pècèk a derzla a nda kinè, a géɗ ma nengaʼa haha tèlèba.

Exode 34:10

A Ndo nzi pèc pècèk a ngaɗa na: Na haha nga derzla ma a ka: I woy a i gi nrkedi a sam ndohi ngaya tèlèba, ara man nʼnga bai zlèzlèa, a géɗ herkeda tèlèba, a sam ndohi ngiɗè tèlèba; a ndohi tèlèba man ka zhè a sam ta, ta da rka skwi man Ndo nzi pèc pècèk a giaʼa. Aman i da gi skwi mwuɗitpa a sam ngaya.

Exode 34:8

A Moise a ngurɓahai, a herkeda, a nkalahai a deb sak nengaʼa, a ngaɗa:

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 41:13

Aman iyè, Ndo nzi pèc pècèk, Zhiklè ngaya, man i gs ka te ri mandi ngaya, a i gaɗa ka: Ka gu zlau ɓai, i takaha ka.

Zacharie 4:6

Nengaʼa a mbedayè a ma: Nengaʼa ma Ndo nzi pèc pècèk a géɗ Zorobabel: A wuɗi ndo ka ɓai, a wuɗi-bi ka ɓai, sèi a Mèzhèɓ ga, Zhiklè bi mbiaʼa a gaɗa.

Zacharie 8:13

Ndohi gi Juda a ndohi gi Israel: nzlembaɗ kinè skwi mphomdaʼa a sam ndohi herkeda te va nasa; anai i da mbél kinè, a kin gi a skwi mpshè ma. Kin gu zlau ɓai, va-nzala ri kinè!

Zacharie 8:15

A patsna i hur i ga ta skwi man amba a Jérusalem a ndohi gi Juda. Kin gu zlau ɓai!

Matthew 28:5

A gol Bi Zhiklè a ngaɗa ta ngwozai: Kin gu zlau ɓai, aman i suna, kin woy Yèsu, man ta gezlalaʼa.

Actes 27:24

a ngaɗa: Paul, ka gu zlau ɓai, sèi ta da zlatsede ka a sam César. Na haha, Zhiklè a mva ka ndohi tèlèba man ta zhè te wurom a nda ka, a ri a ka.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.

Josué 8:1

Ndo nzi pèc pècèk a ngaɗa na Jo-sué: Ka gu zlau ɓai, ka gudzu ɓai! Baha ta ndohi var tèlèba a verzi ngaya, slambaɗa, a kin do a kin gu var a kokwar Ai. Na haha, i va ka bi Ai a ndohi nengaʼa, kokwar nengaʼa, a herkeda nengaʼa, a ri a ka!

Apocalypse 1:17

Aman i rka ndo matsa, i kalahi a deɓ sak nengaʼa, iyè ara ndo mʼmetsa. A nengaʼa a mfay ri mandi na a gèɗ, a ngaɗayè: Ka gu zlau ɓai, iyè ndo nshèlèkuraʼa a ndo nʼndikèma skwai,

I Samuel 12:20

Samuel a ngaɗa ta ndohai: Kin gu zlau ɓai! Kin gu skwi ambaɓiaʼa haha tèlèba gokwèn; aman kin jèkeda civèɗ Ndo nzi pèc pècèk ɓai, aman va-gu mizlinè Ndo nzi pèc pècèk a ndav tèlè,