Aggée 2:4 - Ma Zhiklè

⁴ Zorobabel, gsa ndav ngaya genè – Ndo nzi pèc pècèk a gaɗa. Ka Josué, kra Jotsadak, bi ndohi mvi skwi a Zhiklè, gsa ndav ngaya genè; kinè ndohi kokwar tèlèba, va-gsa ndav kinè, Ndo nzi pèc pècèk a gaɗa. Va-gu mizlinè! I zhè a nda kinè, Zhiklè bi mbiaʼa a gaɗa.

Aggée 2:4 ပူးပေါင်းရင်းမြစ်များ

II Samuel 5:10

David a grè a ma ma, a ngaʼa a ndo mbiaʼa. Ndo nzi pèc pècèk, Zhiklè bi wuɗai a zhè a nda nengaʼa.

I Chroniques 22:13

Aman ka da jèjèr ma nkwèrè a ma kita man Ndo nzi pèc pècèk a njè na Moise, a géɗ Israel, skwi tèlèba a da gi amba a sam ngaya. Gu slagama, nze taraʼa, ka gu zlau ɓai, ka gudzu ɓai!

I Chroniques 28:20

Te deɓaʼa David a ngaɗa na Salomon, kra na: Nzala va, gu slagama, hün mizlinè, ka gu zlau ɓai, ka gudzu ɓai, Zhikiè, Ndo nzi pèc pècèk, Zhiklè ga, a zhè a nda ka. Nengaʼa a da jèke ka a géɗ ngaya azɓai, a da mindè ri na a deɓa a gèɗ ngaya azɓai, ha skwi tèlèba nʼnga ma, a ta slaha ta gi mizlinè te gi Zhiklè.

Esdras 10:18

Ta ngots te va ndohi mvi skwi a Zhiklè, man ta hul ngwozi man verzi ta tsaɗ: te va wudahi Josué, kra Jotsadak a kramamhi nengaʼa: Maaséja, Eliézer, Jarib a Guedalia.

Esdras 5:2

A Zorobabel, kra Shealthiel, a Josuè, kra Jotsadak, ta slambaɗa a ta hüno nrèm gi Zhiklè te Jérusalem. Ndohi nhadka ma Zhiklè ta zhè a nda tengaʼa a ta nza ta a deɓa.

Exode 3:12

A nengaʼa a ngaɗa: I zhè a sam ngaya. Na haha skwi man i ngreda ka, a ka shinè te pa, iyè nzlinde ka: Aman ka da helka ta ndohi ga auda te kokwar Egypte ma, kin da slébèrdè Zhiklè a der za haha.

Aggée 1:13

Te deɓaʼa Aggée, ndo sak Ndo nzi pèc pècèk, a mʼmenda ta ma Ndo nzi pèc pècèk a ndohai, a ngaɗa: I zhè a nda kinè, Ndo nzi pèc pècèk a gaɗa.

Zacharie 4:6

Nengaʼa a mbedayè a ma: Nengaʼa ma Ndo nzi pèc pècèk a géɗ Zorobabel: A wuɗi ndo ka ɓai, a wuɗi-bi ka ɓai, sèi a Mèzhèɓ ga, Zhiklè bi mbiaʼa a gaɗa.

Zacharie 8:9

Zhiklè bi mbiaʼa a gaɗa: Kin gu zlau ɓai, kinè man kin tsena ma haha a sam ndohi nhadka ma a patsna, a pats man ta pu verzi gi Zhiklè bi mbiaʼa, a ta gu gi nengaʼa.

Marc 16:20

A to do ta, a ta nju ma Zhiklè a sam tèlèba. Bi Zhiklè a ngu mizlinè a nda tengaʼa, a nʼnzala ma nengaʼa a nrkedihai.

Actes 7:9

A babhi zlèzlèa ta gu srak a géɗ Joseph, a ta preda ma a kokwar Egypte.

1 Corinthians 16:13

Va-nza a dai, va-nza taraʼa te ncè-a-ndav, va-nza ara ngurhai, va-nzala va kinè!

Ephésiens 6:10

Te deɓaʼa: Va-nzala va kinè te Bi Zhiklè, a wuɗi nʼnjèl na!

Deutéronome 31:23

A Ndo nzi pèc pècèk a njè na ma a gèɗ a Josué, kra Nun, a ngaɗa: Gsa ndav ngaya, nze taraʼa, aman ka, ka de ta ndohi Israel a kokwar man i mbaɗa, i woy a i va ta. Iyè a ri ga i zhè a nda ka.

2 Timothy 2:1

A géɗ nengaʼa, kra ga, nzala va ngaya, a pombi te Yèsu Kristi!

2 Timothy 4:17

Aman Bai Yèsu a ntakahayè, a mvay wuɗai, aman i slaha a i njè ma kumba, a ndohi nte deɓa tèlèba ta tsenaʼa. Gar haha i mbelkaɗauda te ma marizhèlè.

Josué 1:6

Gsa ndav ngaya a ka nze taraʼa a ma ma; ka da kezli kokwar a ndohi haha a skwi nʼndi gai man i woy a i va ta, ara man i mbaɗa ta babhi tengaʼa.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.

Juges 2:18

Aman Ndo nzi pèc pècèk a mpa ta ndohi kita, Ndo nzi pèc pècèk a ntakaha ndo kita, a pats nshèffè nengaʼa tèlèba, a mʼmbel ta auda te ri ndohi mayamhi ta, a géɗ man ta si Ndo nzi pèc pècèk te va, a géɗ wobau tengaʼa, a sam ndohi nʼnga ta matakwan, a sam ndohi mparaha ta.

I Samuel 16:18

Staɗ te va ɓèlèlihi nengaʼa a ngaɗa: Na haha, i rka kra Isai te Bethlèhem man a sun ntsi ganzavar, ndo slagama, ndo ncèmma, va nengaʼa daɓaraʼa, Ndo nzi pèc pècèk a zhè a nengaʼa.