Aggée 1:4 - Ma Zhiklè

⁴ Kos tiɗè sama ma, kin nzi a gi züdo, a gi ga a haha a mbeɗ na?

Aggée 1:4 ပူးပေါင်းရင်းမြစ်များ

II Samuel 7:2

David a ngaɗa na Nathan, ndo nhadka ma: Na haha, i nzi a gi man ta gu a wof tsna. Aman koti Zhiklè a zhè te gi maslaka ambalai.

II Rois 5:26

Elisée a ngaɗa na: Mèzhèɓ ga a mdo a verzi ngaya ɓi ɗè? Mèzhèɓ ga a nrka bi dè? Aman ndo ngiɗè a mshkèhi te kikai a kin zlü gèɗ a vna? Anai ka ngots Suli ma, ka slaha ka shum maslaka, wof, gi lak, tambak, zlèhai, ɓèlèlihai, ngurhi a ngwozai.

Psaumes 102:14

Ka da slèmbèɗè, Sion a da se ka te va. Tiɗè sama ma, patsa azhè aman ka va na pombai.

Psaumes 74:7

Ta fa na vogwa a sam ngaya nkezlaʼa. Sam nʼnzi nzlembaɗ ngaya ta derdda hai.

Ecclésiaste 3:3

Man tiɗè sam mbèzl skwi ma, ta bèzlèʼa; man tiɗè sam mʼmbel skwi ma, ta mbélèʼa. Man tiɗè sam nʼngél skwi ma, ta ngélèʼa; man tiɗè sam nrèm skwi ma, ta rèmèʼa.

Jérémie 22:14

Nengaʼa man a gaɗa: I woya a i gi gi ga mbiaʼa, man sam a zhè a vata! I viɗèʼa a züdo, i slekaɗaʼa a slaha, nvakavar mwinèʼa.

Jérémie 26:18

Michée te Morésheth a nhodko ma te va man Ezéchias, bi Juda, a ngaɗa ta ndohi Juda tèlèba: Zhiklè bi mbiaʼa a gaɗa: Sion a da ndi a dak man ta pizhè te pa, a Jérusalem a di a mbeɗ na. Za gi Zhiklè a da ndi a hèshèkèɗ.

Jérémie 26:6

i da ngwèdè gi haha ara Silo, a i phomda kokwar haha, a gi a skwi mphomde ta ndohi herkeda tèlèba.

Jérémie 33:10

Ndo nzi pèc pècèk a goɗ ar haha: A sam haha man kin gaɗa: ‘ngedas na’, ndo a te pa ɓai, skwi dak a te pa ɓai, te kokwar Juda, te civèɗ Jérusalem man ta gedas ta, man ndo a te pa ɓai, man ndo a nzi a pa azɓai, man skwa a te pa ɓai,

Jérémie 33:12

Zhiklè bi mbiaʼa a gaɗa: A sam haha man ngedas na, man ndo a te pa ɓai, man skwi dak a te pa ɓai, te kokwar nengaʼa tèlèba, sam nwèr skwai a da zhè, man ndohi mɓer skwai ta dè a ta wèr tambak.

Jérémie 52:13

a nfa na vogwa a gi Zhiklè, a gi bai, a gi te Jérusalem tèlèba. A nfa ta vog-wa a gihi mbibihiaʼa tèlèba.

Lamentations de Jérémie 2:7

Bi Zhiklè a nkwola sam man ta va na skwi a pa, a woya sam nengaʼa nkezlaʼa ɓai, a mpa na zlazlar gihi bi Sion a ri a mayamhai. Ta tsi lalau mwuffe te gi Ndo nzi pèc pècèk lèmèlèmè ara pats ngolala.

Lamentations de Jérémie 4:1

Wobau, guro nlizh na, guro ndaɓalaʼa a si di asaɓai. Kwa mbelaʼa ta ksara tʼhai a civèɗ tèlèba.

Ezéchiel 24:21

Gada ta ndohi Israel: Bi Zhiklè a goɗ ar haha: Na haha, i da ngwoda sam ga nkezlaʼa, a nʼngwode na a sam ambaɓiaʼa – sam mbelaʼa, man kin fu va a vna, man di kinè a wuffè a gèɗ nengaʼa, a mpataka nengaʼa a keɗ kinè. Njèkèdi wudahi a dalahi kinè ta da bazl ta a tsakwal.

Lèv. 19:25

Sèi te mvi mazlamaʼa kin ndi nyi wof kinè, a nda ya kinè skwi a ma ma. Iyè Ndo nzi pèc pècèk, Zhiklè kinè.

Michée 3:12

A géɗ kinè, Sion a da ndi a gi dau man ta pizhè te pa. Jérusalem a di a da mbéɗ na, a za man gi Zhiklè te pa, a da ndi a sam nhèyè-wof.

Aggée 1:3

Aman Ndo nzi pèc pècèk a goɗ te ma Aggée, ndo nhadka ma:

Aggée 1:5

Anai Zhiklè bi mbiaʼa a gaɗa: Va-war skwi man a ga kinè!

Aggée 1:9

Kin zhor skwi kumba, a kin ngots kèshkata. A skwi man kin ckoɗa ngwai, i ksardaussa, èhèmè? Zhiklè bi mbiaʼa a gaɗa: a géɗ man gi ga mʼmbeɗ na, a kinè, staɗ staɗ tèlèba ta wuffè te gi ta.

Matthew 6:33

Va-hur kokwar-Bi-Zhiklè a ngi-zura nengaʼa nshèlèkuraʼa, a kin ngècè skwi haha tèlèba a deɓaʼa.

Philippiens 2:21

Aman ta tèlèba ta woy skwi ta, skwi Yèsu Kristi ka ɓai.