Aggée 1:13 - Ma Zhiklè

¹³ Te deɓaʼa Aggée, ndo sak Ndo nzi pèc pècèk, a mʼmenda ta ma Ndo nzi pèc pècèk a ndohai, a ngaɗa: I zhè a nda kinè, Ndo nzi pèc pècèk a gaɗa.

Aggée 1:13 ပူးပေါင်းရင်းမြစ်များ

I Chroniques 28:20

Te deɓaʼa David a ngaɗa na Salomon, kra na: Nzala va, gu slagama, hün mizlinè, ka gu zlau ɓai, ka gudzu ɓai, Zhikiè, Ndo nzi pèc pècèk, Zhiklè ga, a zhè a nda ka. Nengaʼa a da jèke ka a géɗ ngaya azɓai, a da mindè ri na a deɓa a gèɗ ngaya azɓai, ha skwi tèlèba nʼnga ma, a ta slaha ta gi mizlinè te gi Zhiklè.

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

II Chroniques 20:17

Kinè a ngi var haha ka ɓai. Vo-do, va-zlatsa, a kin da rka ara man Ndo nzi pèc pècèk a mpreka kinè auda. Juda a Jérusalem, kin gu zlau ɓai, kin gudzu ɓai, an-goslèm vo-do auda, va-gu var a nda ta. Ndo nzi pèc pècèk a zhè a nda kinè.

II Chroniques 32:8

Ri ndo a zhè a takaha nengaʼa; aman Ndo nzi pèc pècèk, Zhiklè nga, a sam nga. Nengaʼa a da takaha nga a ngi var a géɗ nga. A ndohi ta pu ndav a ma Ezéchias, bi Juda.

Psaumes 46:11

Va-nza tètè, va-senyè, i Zhiklè, mbiaʼa a sam ndohi herkeda, mbiaʼa tʼherkeda tèlèba.

Psaumes 46:7

Ndohi herkeda ta rubai, kokwar-bihai tsaɗ tsaɗ ta gedas ta. Aman Zhiklè a gèɗè, herkeda a gudzai.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 42:19

Mandazli a wa, ɓèl ga ka ɓi ɗè? Ndaɓazlam man i zlündo ara ndo sak ga, wa? Mandazli, ara nengaʼa man Zhiklè nkezlaʼa, wa? Ndaɓazlam ara ɓèl Ndo nzi pèc pècèk, wa?

Esaie 43:2

Aman ka bizhè a va iyam, i zhè a sam ngaya. Aman ka bizhè a ndev woyam, iyam a mbizhèma ka a pa azɓai. Aman ka bizhè a ndev vogwa, a la-war ka azɓai, nèʼèn vogwa a nde ka ma azɓai.

Esaie 44:26

I nzala ma ɓèl ga, a i gi ara man ndohi sak ga ta goɗo. I gaɗa na Jérusalem: Ndo da nza a pa! I gaɗa ta kokwarhi Juda: Da ram kinè zaʼa! Gi man mʼmbeɗ na, da ɗaɗayda pa!

Jérémie 15:20

I ge ka a zlazlar züdo man wuɗi na zhè, a géɗ ndohi haha; ta da gi var a ka, aman ta da fen ka azɓai. I zhè a nda ka, a i takaha ka, a i mbel ka, Ndo nzi pèc pècèk a gaɗa.

Jérémie 20:11

Aman Ndo nzi pèc pècèk a zhè a iyè, ara ngul ndo mbiaʼa. Gar haha ndohi mparahayè ta da kèlèhai, ta slaha ta gay skwa ɓai. Ta da ngècè hori a di a nasa nasa, ta slaha ɓai, hori mbiaʼa a pca ta a gèɗ azɓai.

Jérémie 30:11

Aman i zhè a nda ka, aman i mbel ka, Ndo nzi pèc pècèk a gaɗa. Aman i da zede ta ndohi herkeda tèlèba, a sam man i ksar kinè a pa. Sèi ka, i da zede ka azɓai; aman i da slebda ka maya te kita, i slaha a i jè-kaha kita ngaya azɓai.

Ezéchiel 3:17

Ka ndo, i ge ka a ndo mɓer ndohi Israel: Ka da tsena ma te ma ga, a ka da ngra ta maya a nzlembaɗ ga.

Aggée 2:4

Zorobabel, gsa ndav ngaya genè – Ndo nzi pèc pècèk a gaɗa. Ka Josué, kra Jotsadak, bi ndohi mvi skwi a Zhiklè, gsa ndav ngaya genè; kinè ndohi kokwar tèlèba, va-gsa ndav kinè, Ndo nzi pèc pècèk a gaɗa. Va-gu mizlinè! I zhè a nda kinè, Zhiklè bi mbiaʼa a gaɗa.

Mal. 2:7

Ndo mvi skwi a Zhiklè a sun ma maya; a ndohi ta hèsh maya kita auda te ma na, te man nengaʼa ndo sak Zhiklè bi mbiaʼa.

Mal. 3:1

Na haha i zlündo ndo sak ga, a til civèɗ a ma ga. Tsam-tsam Ndo nzi pèc pècèk man kin jhèɗèʼa, a shkè a gi nengaʼa. Gol Zhiklè nɗerzlè-ma man kin woyaʼa, na haha a shkè, Zhiklè bi mbiaʼa a gaɗa.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Matthew 18:20

Aman a sam man cèw, man makar, ta ɓica va a nzlembaɗ ga, i zhè te ndev tengaʼa.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Romans 8:31

Nga da gèɗè a va kè? Aman Zhiklè a zhè a nda nga, nda Sala nga va a di wa?

2 Corinthians 5:20

Anai nga gaʼa a ndohi sak te di man a Kristi, te man Zhiklè a bid ndo, te nga: Anai nga tsi ri te di man a Kristi: Va-gau aman kin menda gumi a hai a Zhiklè!

2 Timothy 4:17

Aman Bai Yèsu a ntakahayè, a mvay wuɗai, aman i slaha a i njè ma kumba, a ndohi nte deɓa tèlèba ta tsenaʼa. Gar haha i mbelkaɗauda te ma marizhèlè.

2 Timothy 4:22

Bi Zhiklè da zhè a nda mèzhèɓ ngaya! Pombi da zhè a nda kinè tèlèba!

Juges 2:1

Gol Ndo nzi pèc pècèk a mshkè te Guilgal, a ndè Bokim, a ngaɗa; I helka kinè auda te kokwar Egypte, a i de kinè a kokwar man i pasla ta ri a babhi kinè a mʼmbèdè. I gaɗa: I gédèshè nderzlè-ma ga a nda kinè azɓai a mèdèp.