Actes 10:2 - Ma Zhiklè

² a woy Zhiklè, a gi zlau Zhiklè, a ndohi gi nengaʼa tèlèba. A vi skwi a ndohi kumba, a tsi ri a Zhiklè pèc pècèk.

Mofa New Testament

² a woy Zhiklè, a gi zlau Zhiklè, a ndohi gi nenga'a tèlèba. A vi skwi a ndohi kumba, a tsi ri a Zhiklè pèc pècèk.

Actes 10:2 ပူးပေါင်းရင်းမြစ်များ

Genèse 18:19

I ngotskoɗauda te va ndohai, aman a nfa ta ma a gèɗ a wudahi nengaʼa, a gi nengaʼa, aman ta jè-jèr civèɗ Ndo nzi pèc pècèk, a ta gi zuraʼa, a ta til kita, a Ndo nzi pèc pècèk a nʼnga na Abraham, ara man a pasla na rai.

I Rois 8:43

ka da tsenaʼa te zhiklè te géɗèʼa, a sam nʼnzi ngaya, a ka gi ara man ndo mbrok a ntsu ri a sam ngaya a géɗèʼa. A ndohi a géɗ herkeda tèlèba ta da sun nzlembaɗ ngaya, ta da slébèrdèʼa a zlau ara man ndohi Israel, ndohi ngaya, ta giaʼa. A ta suna, ta baha na nzlembaɗ ngaya te gi haha man i ga ka.

II Chroniques 6:33

ka da tsenaʼa te zhiklè te géɗèʼa, a sam nʼnzi ngaya, a ka gi ara man ndo mbrok a ntsu ri a sam ngaya a géɗèʼa, a ndohi a géɗ herkeda tèlèba ta da sun nzlembaɗ ngaya, ta da slébèrdèʼa a zlau, ara man ndohi Israel, ndohi ngaya, ta giaʼa. A ta suna, ta baha na nzlembaɗ ngaya te gi haha man i ga ka.

Job 1:1

Ndo ngiɗè a zhè te kokwar Uz, nzlembaɗ na Job; ndo nzuraʼa, a ngu skwi amba amba tèlèba, a gi zlau Bi Zhiklè, a woy skwi ambaɓiaʼa ɓai.

Job 1:5

A pats man skwi nʼndi ngolala klèng, Job a mbaha ta, aman a tila ndav ta. A prèk te gai, a nʼndara na skwi a Zhiklè a géɗ staɗ staɗ tèlèba. Job a nhuro: Wa ngiɗè ba, wudahi ga ta da gu malai, ta durɗo Bi Zhiklè te ndav ta. A Job a ngu arsa pèc pècèk.

Psaumes 102:15

Kwa kokwar Sion ambaha ta ɓèlèlihi ngaya; ta kuɗi a géɗ nkulama nengaʼa.

Psaumes 119:2

Mwuffè a sam ndohi man ta fi gèɗ a ma malwuɗi nengaʼa, man ta hèshèʼa a ndav ta tèlèba;

Psaumes 25:5

Ngrayè aman i dè te ma ngaya nzuraʼa, slebdayè! Aman ka, Zhiklè man ka mbelyè.

Psaumes 41:1

Psaume David.

Psaumes 55:17

I woy a i kuɗi a sam Bi Zhiklè, a Ndo nzi pèc pècèk a da mbelyè.

Psaumes 86:3

Ka Zhiklè ga, Bai, i da se ka te va! I tsi ri a ka pèc pècèk.

Psaumes 88:1

Dimèsh. Psaume ndohi Koré. Dimèsh Héman, ndo Ezrach.

Ecclésiaste 7:18

Ka rzla va holhola ɓai, ka vassa na va a ngi zuraʼa holhola ɓai, hur skwihi haha cèw ba! Ndo man a gi zlau Zhiklè, a mbel na te ri skwi sa tèlèba.

Esaie 59:19

A ta da gi zlau nzlembaɗ Ndo nzi pèc pècèk, te civèɗ dukwaɗ, a ta da gi zlau nʼnjèl bi nengaʼa te civèɗ mvèng pats. Aman nengaʼa a shkè ara woyam nterzlaʼa, man nshèffè Ndo nzi pèc pècèk a hèdèʼa.

Daniel 6:10

Daniel, aman a ntsena ma ɗèlèwèr man bi a Windo, a ndo a gi na. Te gi nte géɗèʼa, nvakavar a zhè, mwinèʼa te civèɗ man a Jérusalem. A ngurɓahi sak makar a páts a pats, a ntsu ri a nslébèrdè Zhiklè nengaʼa, ara man a gu pèc pècèk.

Daniel 6:16

Te deɓaʼa bai a ngaɗa ta aman ta cko Daniel a ta kalda a gi marizhèlè. Bai a nhüno a ngaɗa na Daniel: Zhiklè ngaya man ka gi mizlinè nengaʼa pèc pècèk, da mbel ka a ri na!

Daniel 6:20

Aman a nherda va, a mbaha na Daniel a daʼai kuɗa. Bai a nhüno a ngaɗa na Daniel: Wa Daniel, ɓèl Zhiklè man a zhè a nshèffè! Zhiklè ngaya man ka gi mizlinè nengaʼa pèc pècèk a slaha a mbel ka te ri marizhèlèhi dè?

Daniel 6:26

Gumi da zhè a nda kinè kumba! I goɗ a ma bi ga, aman te kokwar-bi ga tèlèba, va-gu zlau, va-gurɓahi a sam Zhiklè Daniel, te man nengaʼa Zhiklè man a zhè a nshèffè, a nzi a mèdèp. Kokwar-bi nengaʼa a gédèshè azɓai, ngi-bi nengaʼa a nèfè asaɓai.

Matthew 25:17

Lèmèlèmè nengaʼa man a ngots go-zhèm cèw, a nʼngots cèw a vaʼa.

Luke 18:1

A ngaɗa ta a ngèlègèɗ-ma: Amba aman kin tsi ri pèc pècèk, a kin ngez ɓai!

Luke 2:25

A na haha, te kokwar Jérusalem, ndo ngiɗè a zhè, nzlembaɗ na Siméon. Nengaʼa ndo nzuraʼa, a woy Zhiklè, a zhèr skwi mbid Israel, a Mèzhèɓ Zhiklè nkezlaʼa a zhè a géɗ nengaʼa.

Actes 10:22

Ta gaɗa: Corneille, bi sojè, ndo nzuraʼa, man a gi zlau Zhiklè, ndo man ma nengaʼa ambaha ta ndohi Juif tèlèba, gol Zhiklè nkezlaʼa a ngaɗa na, da baha ka a gi nengaʼa, da tsena ma ngaya.

Actes 10:31

a ngaɗa: Corneille, Zhiklè a nco ntsi ri ngaya, a nhur skwi man ka va ta ndohai.

Actes 10:35

aman te ndev ndohi tèlèba, nengaʼa man a gi zlauaʼa, a gi zuraʼa, ambaha.

Actes 10:4

A nengaʼa a mpu diaʼa, a ngu zlau, a ngaɗa: Bi Zhiklè, mè? A nengaʼa a ngaɗa na: Zhiklè a nco ntsi ri ngaya, a skwi man ka va ta ndohai ambaha.

Actes 10:7

Aman gol Zhiklè man a gaɗa na Corneille, kal na ma, Corneille a mbaha ta ndohi mizlinè gi nengaʼa cèw, a sojè staɗ, man a gi zlau Zhiklè, te ndev sojèhi nengaʼa,

Actes 11:14

Zlündo ndo a kokwar Joppé, a ka baha na Simon, man nshibèn na Pierre, nengaʼa a da gaɗa ka, ara man ka a gi ngaya tèlèba ta da mbel ta.

Actes 13:16

A Paul a nslambaɗa, a ngeda ta rai, a ngaɗa: Kinè ndohi Israel, a kine man kin gi zlau Bi Zhiklè, va-tsenaʼa!

Actes 13:26

Kinè, dalahimam ga, kinè te verzi Abraham, a kinè, man kin gi zlau Zhiklè, ma mʼmbel ndo haha ta zlündo a sam nga.

Actes 13:50

A ndohi Juif ta poko ta gèɗ auda a ngwozi man ta woy Zhiklè, a ndohi mbibihiaʼa te kokwar. Ta gau, aman ta dzama Paul a Barnabas, a ta dzar ta aussa a ma kuma tengaʼa.

Actes 18:8

Crispe, bi gi njèngè ma Zhiklè, a nco Bi Zhiklè a ndav na, a gi nengaʼa tèlèba, a ndohi Corinthe kumba, aman ta tsenaʼa, ta co a ndav, a ta gu baptême.

Actes 2:5

Te kokwar Jérusalem ndohi Juif ta zhè, man ta gi zlau Zhiklè, man ta shkè te verzi ndohi herkeda tsaɗ tsaɗ.

Actes 22:12

Ndo ngiɗè a zhè te pa, man a gi zlau Zhiklè, ara ma kita Zhiklè a ngra nga, nzlembaɗ na Ananias; labar ma nengaʼa amba a sam ndohi Juif tèlèba man ta nza te pa.

Actes 8:2

A ndohi Zhiklè ta ra Etienne, a ta kuɗu a vata.

Actes 9:11

Slambaɗa, a ko do a civèɗ, man ta baha na civèɗ njèraʼa, a ka dzhoɗo gi Jude. Ndo ngiɗè te pa, nzlembaɗ na Saul te kokwar Tarse. Na haha, nengaʼa a tsi rai.

Actes 9:31

A mpi ndohi Zhiklè te kokwar Ju-dée, te kokwar Galilee, te kokwar Samarie tèlèba, ta nza a gumai, a ta ngots wuɗai, a to do a ma ma te zlau Bi Zhiklè, ta ndha a Mèzhèɓ Zhiklè nkezlaʼa man a bid ta. A ndohi ta zlèzlèmè a ma ma.

Actes 9:36

Te Joppé, dem Yèsu ngiɗè a zhè, nzlembaɗ na Tabitha (a daʼai grec Dorcas, ara ngèɗè ‘mènèɗ’). Nengaʼa a ngu skwi man amba kumba, a mva ta skwi a ndohai.

Colossiens 4:2

Va-tsu ri pèc pècèk, va-nza a dai te nengaʼa, a nshid gèɗ.

1 Thessalonians 5:17

va-tsu rai, kin ndeva ɓai!

Jacques 1:5

Aman maya ndo ngiɗè te ndev kinè a hcè, da tsu ri a Zhiklè, nengaʼa man a woya a va na ko wawa, a ndav amba, a jè-kaha azɓai.

Josué 24:15

Aman njèjèr Ndo nzi pèc pècèk a da ambaha kinè ɓai, va-hur a patsna: Kin woy a kin jèjèr zhiklèhi man bababhi kinè ta dzadzar ta tʼwud woyam Jourdain ɗè, ɗè kin jèjèr zhiklèhi ndohi Amor man kinè te kokwar tengaʼa antanta dè? Aman nga a ndohi gi ga, nga jèjèr Ndo nzi pèc pècèk!

Apocalypse 15:4

Ndo man a gi zlau ngaya azɓi wa, Bi Zhiklè. Ndo man a slébèrdè nzlembaɗ ngaya azɓi wa? Aman ka staɗ, ka kezla! A vava ndohi herkeda tèlèba ta da shkè, a ta tsi ri a sam ngaya, aman kita ngaya nzuraʼa nʼngreda auda ma.