Actes 1:8 - Ma Zhiklè

⁸ Aman Mèzhèɓ Zhiklè nkezlaʼa a shkè-hai a gèɗ kinè, kin da ngècè wuɗai, a kin ndi a ndohi malwuɗihi ga te kokwar Jérusalem, te kokwar Judée tèlèba, te kokwar Samarie, ha ndè a verzi herkeda.

Mofa New Testament

⁸ Aman Mèzhèɓ Zhiklè nkezla'a a shkèhai a géƋ kinè, kin da ngècè wuƋai, a kin ndi a ndohi malwuƋihi ga te kokwar Jérusalem, te kokwar Judée tèlèba, te kokwar Samarie, ha nƋè a verzi herkeda.

Actes 1:8 ပူးပေါင်းရင်းမြစ်များ

Psaumes 22:27

Ndohi man ta manda ta gèɗ a hai, ta da ndi skwai a ta ngézhè. Ndohi man ta woya Ndo nzi pèc pècèk, ta da shida na gèɗ. Ndav kinè da nza a nshèffè a mèdèp!

Psaumes 98:3

A nhur pombi nengaʼa a sam ndohi Jacob, a nhur nlèɓèslè nengaʼa a sam ndohi Israel. Te verzi herkeda tèlèba, ta rka skwi mʼmbel ndo Zhiklè nga.

Esaie 42:10

Va-sla na dimèsh mɓuaʼa a Ndo nzi pèc pècèk! Vo-slubordo ha ndè a verzi herkeda! Iyam mbiaʼa a skwi tèlè te pa, herkeda nte ndev iyam a ndohi man ta te pa, do slubordo Ndo nzi pèc pècèk!

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 66:19

I da ngrédè skwi a sam ta, te va ndohi man ta zhè a nshèffè dai. I zlin-dè ndo a sam ndohi herkeda: a Tarsis, Pul, Lud, ndohi man ta ɓèr sulom, Tubal, Javan, a herkeda dra nte ndev iyam, man ta tsena ma ga di ɓai, a ta rka nʼnjèl ga di ɓai. A ta njè ta nʼnjèl ga a ndohi herkeda.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Michée 3:8

Aman iyè, i ngots wruɗai, te man Mèzhèɓ Ndo nzi pèc pècèk a nʼndha ndav ga, a ngi-zuraʼa a wuɗi-va, a i njè ta ma mphömè Jacob, a mali Israel.

Zacharie 4:6

Nengaʼa a mbedayè a ma: Nengaʼa ma Ndo nzi pèc pècèk a géɗ Zorobabel: A wuɗi ndo ka ɓai, a wuɗi-bi ka ɓai, sèi a Mèzhèɓ ga, Zhiklè bi mbiaʼa a gaɗa.

Matthew 24:14

Ma mbelaʼa haha man a kokwar-Bi-Zhiklè, ta da njèʼa a géɗ herkeda tèlèba, a gi a skwi malwuɗi a sam ndohi herkeda tèlèba. Te deɓaʼa ndikèma skwai a shkè.

Matthew 28:19

Anai vo-do, va-ge ta ndohi herkeda tèlèba a golahi ga, va-ga ta bap-tême a nzlembaɗ Bab Zhiklè, a nzlembaɗ kra Zhiklè, a nzlembaɗ Mèzhèɓ Zhiklè nkezlaʼa.

Marc 16:15

Te deɓaʼa a ngaɗa ta: Vo-do a gèɗ herkeda tèlèba, va-njè ta ma mbelaʼa a ndohi herkeda tèlèba!

Luke 1:35

A gol Zhiklè a mʼmbeɗa na a ma: Mèzhèɓ Zhiklè nkezlaʼa a di a shkè a géɗ ngaya, a wuɗi Zhiklè te géɗèʼa a da nzi a géɗ ngaya. Gar haha kra man ka da yiaʼa, nkezlaʼa, ta da baha na kra Zhiklè.

Luke 10:19

Na haha, i va kinè wuɗi-bai, aman kin bècè a gèɗ zhüzho-kihai, a varadzhai, a i va kinè wuɗai a gèɗ ndo mayam kinè, a faha kinè matakwan azɓai.

Luke 24:29

A ta tsu riaʼa, a ta gaɗa na: Nza a sam nga, ani dakwaɗ ma, pats a woya a nkèlè ma. A nengaʼa a mdo, a ta nzi a nda tengaʼa.

Jean 15:27

Aman kinè ba, kin ndi a ndohi malwuɗihai, a géɗ man kin nza a sam ga te nhinkaɗ na.

Actes 1:22

daga pats man Jean a ngu baptême, ha pats man Bi Zhiklè a nceda Yèsu a zhiklè, da ga a ndo malwuɗi a nda nga a géɗ nslambaɗkaɗauda te mʼmetsi nengaʼa.

Actes 1:5

Aman Jean a ngau baptême a iyam; aman te deɓ mʼmen kètè kin da ngècè baptême te Mèzhèɓ Zhiklè nkezlaʼa.

Actes 13:31

A nengaʼa a ngudoko ta va a dai a ndohi man to do te kokwar Galilée a kokwar Jérusalem a vna. Antanta ta ndohi malwuɗihi nengaʼa a sam ndohai.

Actes 2:32

Yèsu haha, Zhiklè a nslambaɗda. Nga tèlèba ndohi malwuɗihi a géɗ skwi sa.

Actes 22:15

ka gi a ndo malwuɗi na a sam ndohi tèlèba, te skwi man ka rkaʼa a ka tsenaʼa.

Actes 3:15

Aman Bi nshèffè, kin keɗaʼa. Nengaʼa, Zhiklè a nslambaâda te ndev ndohi mʼmetsaʼa. Nga ndohi malwuɗihi te skwi haha.

Actes 4:33

aman skwi tèlèba a tengaʼa tèlèba. A ndohi sak ta gu mai wuɗi a wuɗi mbiaʼa te nslambaɗkaɗa Bi Yèsu auda te Mʼmetsai. Pombi mbiaʼa a zhè a sam ta tèlèba.

Actes 5:32

Nga ndohi malwuɗihi te skwi sa; nga a Mèzhèɓ Zhiklè nkezlaʼa, man Zhiklè a va ta tengaʼa man ta fi gèɗ a ma nengaʼa.

Actes 6:8

A ndav Etienne nʼndha a pombai, a wuɗai, a ngu nrkedi kumba, a nʼngreda skwi mbiaʼa a sam ndohai.

Actes 8:1

A pats nasa ta hüno a ta dzar ta mpi ndohi Zhiklè te kokwar Jérusalem, a ta venda gèɗ ta a kokwar Judée a Samarie tèlèba. Sèi ndohi sak ta ksar ta bai.

Romans 10:18

Aman i gaɗa: Ta tsena ɓi ɗè? Halau, ma tengaʼa nslhaʼa, a nzlazlama tʼherkeda tèlèba, ha ndè a verzi herkeda.

Romans 15:19

te wuɗai, te skwi man a ngreda auda ara nrkedai, te wuɗi Mèzhèɓ Zhiklè. A hinè te Jérusalem a sam tèlèba, ha ndikè kokwar Illyrie, i njè ta ma mbelaʼa te Kristi tèlèba.

Colossiens 1:23

Aman sèi kin nzi taraʼa te ncè-a-ndav, a kin dè a ma ma, a kin gidè va azɓai, a kin jèkeda nzhèr ma mbelaʼa te ndav azɓai, man kin tsenaʼa, a ta njèʼa a géɗ herkeda tèlèba. Iyè Paul, i gaʼa a ndo mizlinè nengaʼa.