2 Timothy 4:8 - Ma Zhiklè

⁸ anai skwi mpèɗè gèɗ ngi-zuraʼa ntila tʼhi a géɗ ga, nengaʼa man Bai Yèsu, man a gi kita zuraʼa a da vayè a pats nasa, a ga gene ka ɓai, aman a ndohi tèlèba, man ta woyaʼa, a pats man a da gudko va a dai.

Mofa New Testament

⁸ anai skwi mpèƋè gèƋ ngizura'a ntila t'hi a géƋ ga, nenga'a man Bai Yèsu, man agi kita zura'a a da vayè a pats nasa, a ga genè ka ɓai, aman a ndohi tèlèba, man ta woya'a, a pats man a da gudko va a dai.

2 Timothy 4:8 ပူးပေါင်းရင်းမြစ်များ

Genèse 18:25

Ka da gu arsa ɓai; aman ka keɗa ndo nzuraʼa a nda ndo mali bai, a ndikè-ma ndo nzuraʼa a ndikè-ma ndo malai da gu lèmèlèmè ɓai; ka gu arsa ɓai! Nengaʼa man a ga na kita a herkeda tèlèba, a ga na kita nzuraʼa azɓi dè?

Psaumes 31:19

Pizlèma ta ma a ndohi ncèkèlma, man ta gèɗè ma ambaɓiaʼa a géɗ ndo nzuraʼa, a ta fi va a ta ɓeslaha dai.

Psaumes 7:11

Zhiklè a fay gambar a dai, a mbel ta ndohi man ndav ta zuraʼa.

Proverbes 4:9

ara man a paɗa ka gèɗ a maslaka man amba, a va ka mpèɗè gèɗ mbelaʼa.

Mal. 3:17

Zhiklè bi mbiaʼa a gaɗa: Tengaʼa a ga ga; a pats kita ga, ta da siyè te va, ara man kra man a gi mizlinè a sam bab na a si bab na te va.

Matthew 24:36

Aman patsaʼa, ndo a sun ɓai, ko golahi Zhiklè te zhiklè, ko kra Zhiklè, sèi Bab Zhiklè staɗ genè.

Matthew 7:22

A pats nasa ndohi kumba man ta da gadayè: Bai, Bai! Nga hodko ma a nzlembaɗ ngaya ka ɓi dè? Nga dzor madzagihi auda a nzlembaɗ ngaya ka ɓi dè? Nga gu nrkedi kumba a nzlembaɗ ngaya ka ɓi dè?

Luke 10:12

I gaɗa kinè: a pats kita, kita kokwar haha a da fena kita Sodome.

Romans 2:5

Aman ka sassaya ndav ngaya, a ka ngwèdè ndav ngaya azɓai, ka hèy ndzoan a géɗ ngaya, ha pats ndzoan, aman kita nzuraʼa man a Zhiklè a da gudko va a dai,

Romans 8:23

Aman nengaʼa genè ka ɓai; aman nga ba, tsuvomhiaʼa man nga ngots Mèzhèɓ Zhiklè, nga ɗishèʼa, a nga zhèrè ha pats man Zhiklè a ge nga a wud na, a mpra va nga tèlèba ma.

1 Corinthians 2:9

Aman a gau, ara man ɗèlèwèr Zhiklè a gaɗa: Skwi man di ndo a rka ɓai, a zlembaɗ ndo a tsena ɓai, skwi man a nshkè a ndav ndo di ɓai, skwi man Zhiklè a tila ta ndohi man ta woyaʼa.

1 Corinthians 3:13

mizlinè ndo staɗ staɗ a di a ngredè auda. Pats nʼndikèma skwai a da ngredè auda; mizlinè a da ngredè va na auda te vogwa, a mizlinè ndo staɗ staɗ, ko mizlinè mèmè, vogwa a jke-dèʼa.

1 Corinthians 9:25

Aman ndo staɗ staɗ tèlèba man a gi var, a ɓir va na te skwi tèlèba; tengahia ngiɗè, aman ta da pa ta skwi var a va man a gédèsh na, a tengahia ngiɗè skwi var man a gédèshè azɓai.

2 Corinthians 5:2

A géɗ nengaʼa ba nga ɗish va, mpataka skwi Zhiklè man nga da fi a va, a keɗ nga, a nga zhèrè te ndav,

Philippiens 3:11

aman i ngècè nslambaɗkaɗauda te ndev ndohi mʼmetsaʼa, aman i slaha.

Colossiens 1:5

a géɗ skwi man kin zhèrè te ndav, man ntila tʼhai te zhiklè te géɗèʼa, man kin tsena nshèlèkuraʼa te ma nzuraʼa, ma mbelaʼa.

1 Thessalonians 1:10

a kin zhèr kra nengaʼa te zhiklè, nengaʼa man a slambaɗda te ndev ndohi mʼmetsaʼa; Yèsu, man a mbel nga a sam ndzoan man a di a shkè.

1 Thessalonians 5:4

Aman kinè, dalahimam nga, kinè te ruva ka ɓai, pats sa da ngats kinè ara ndo metsar ɓai.

2 Thessalonians 2:8

Te deɓaʼa tsam tsam ndo nderdè Zhiklè a da gudko va, a Bai Yèsu a di a keɗaʼa a nshèffè man a shkè auda te ma na; ngedè va Yèsu a zeda langa.

1 Timothy 6:19

Arsa ta ɓicè skwi man amba a géɗ patshi man a ma, a ta gshè va a nshèffè nzuraʼa.

2 Timothy 1:10

Antanta pombi haha nʼngreda auda, aman Yèsu Kristi, Bi mʼmbel nga a ngudko va, nengaʼa man a ngezlda wuɗi a ma te ri mʼmetsai, a ncko nshèffè a skwi man a huslè azɓai auda a sam nhél sam, te ma mbelaʼa.

2 Timothy 1:12

A géɗ nengaʼa i si matakwan aranta. Aman i gi hori azɓai, te man i sun nengaʼa man i co a ndav, a i sun a vava, nengaʼa a slaha man a ɓeray skwi man a mvay a rai, ha pats ndikèma skwai.

2 Timothy 1:18

Da su Zhiklè te va a pats kita! Ara man a ntakahayè te Ephèse kumba, ka ba ka suna.

2 Timothy 2:5

Aman ko wawa man a hi te dal nhai, ta da va na skwi ntulè azɓai, sèi man a hu zuraʼa.

2 Timothy 4:1

Gar haha i bid ka, a vata ba, a sam di Zhiklè a Yèsu Kristi, man a di a shkè, a gi kita ndohi a nshèffè a ndohi mʼmetsaʼa, aman nda gudko va te kokwar-Bi nengaʼa:

Titus 2:13

a wuffedè ndav nga, a nga zhèr pats man Bi mʼmbel nga Yèsu Kristi a ngudko va a di a nʼnjèl Zhiklè mbiaʼa.

Hébreux 12:11

A pats man ta ngez nga, a wuffède nga azɓai, nga kuɗai. Aman te deɓaʼa, ndohi man ta slebau, a ta shkè auda te pa ma, ta nzi a, nshèffè a gumai te ngi-zuraʼa.

Hébreux 9:28

ara man Kristi a mvau nshèffe na sak staɗ, te deɓaʼa klèng, aman a ncè malihi ndohai kumba. Macecèwaʼa a di a gudko va a di a géɗ mali ka ɓai, aman a géɗ man a da hel ta ndohi man ta zhèrèʼa.

Jacques 1:12

Mwuffe a sam ndo man a nza taraʼa man ta pi a wai. Aman ndo man a tsoko gèɗ na auda a sam skwi mpeda a wi ma, a da ngècè skwi mpèɗè gèɗ nshèffè, man Zhiklè a pasla ta ri a ndohi man ta woyaʼa a ndav ta.

1 Peter 1:4

a skwi man nga ngècè te ri Zhiklè man a gedèshè azɓai, a lizhè azɓai, a zi azɓai, ta ɓera kinè te zhiklè te géɗèʼa,

1 Peter 5:4

Gar haha a pats man ndo mɓer skwi mbiaʼa a da gudko va a dai, kin ngècè skwi mpèɗè gèɗ nʼnjèlè man a gédèshè azɓai.

Apocalypse 1:7

Na haha, nengaʼa a shkè te va vanai, a di staɗ staɗ tèlèba ta da rkaʼa; a ndohi ntuzo ba, a verzi ndohi herkeda tèlèba ta da gi wobau a géɗ nengaʼa. A vava, amen.

Apocalypse 19:11

A i rka zhiklè mwinèa: na haha, plèsh nslekaɗaʼa. Nzlembaɗ ndo plèsh: ‘nlèɓèslèʼa a nzuraʼa’, man a gi kita, a gi var te ngi-zuraʼa.

Apocalypse 2:10

Ka gu zlau matakwan man ka da sia ɓai! Na haha bi madzagai a da pe ta matrehiaʼa te ndev kinè a dangai, aman a jkédè kinè, a kin si matakwan mʼmèn kula. Nza a nlèɓèslè, ha ka metsi ngaya, a i da va ka mpèɗè gèɗ nshèffè.

Apocalypse 22:20

Nengaʼa man a ngrédè ma malwuɗi ar haha, a gaɗa: Anai i shkè ndul ndul. Amen, washkè, Bai Yèsu.

Apocalypse 4:10

ndohi nhalaʼa 24 ta kalahi a deɓ sak ndo man a géɗ sam nʼnzi bai, ta slubordo nengaʼa man a nzi a nshèffè te nhinkaɗ na a mèdèp, a ta feda mpèɗè gèɗ tengaʼa a hai a ma sam nʼnzi bai, a ta gaɗa:

Apocalypse 4:4

Sam nʼnzi bihi 24 ta tèuda sam nʼnzi bi matsa a pa; a géɗ sam nʼnzi bihi ndohi nhalaʼa 24 a pa, a maslaka nslekaɗaʼa, gèɗ mpaɗaʼa a guro.