2 Timothy 3:8 - Ma Zhiklè

⁸ Lèmèlèmè ara Jannès a Jambrès, ta Sala na va a gèɗ a Moise, tengaʼa ba ta Sala na va a gèɗ a ma nzuraʼa. Ndohi man gèɗ ta ndzakaɓa, ncè-a-ndav ta azɓai.

Mofa New Testament

⁸ Lèmèlèmè ara Jannès a Jambrès, ta sala na va a gèƌ a Moise, tenga'a ba ta sala na va a gèƌ a ma nzura'a. Ndohi man gèƌ ta ndzakaɓa, ncè-a-ndav ta azɓai.

2 Timothy 3:8 ပူးပေါင်းရင်းမြစ်များ

Exode 7:11

Aman Pharaon a mbaha ta ndohi maya a ndohi mʼmbèh skwi ba; a tengaʼa ba, ndohi mʼmbèh skwi te kokwar Egypte, ta gau lèmèlèmè a maya mbèh skwi tengaʼa.

Exode 7:22

A ndohi mʼmbèh skwai te kokwar Egypte ta gu lèmèlèmè arsa, a maya mbèh skwi tengaʼa, a nsassaya ndav Pharaon genè, a ntsena ma tengaʼa bai, ara man Ndo nzi pèc pècèk a goɗ a matsa.

Exode 8:18

A pats nasa i woy a i ɓer kokwar Gosen, man ndohi ga te pa, a zlra a dè a pa azɓai, a ka da suna, iyè Ndo nzi pèc pècèk, i zhè te ndev kokwar.

Exode 8:7

A hela ka kudofìhi auda a tsagai, te gi ngaya, a tsagi golahi ngaya, a tsagi ndohi ngaya, a ta hayda va ta a woyam Nil genè.

Actes 15:24

Aman nga tsenaʼa, ndohi ngiɗè te ndev nga, man nga nzlinde ta ka ɓai, to do, a ta dzakaɓama kinè gèɗ, a njè-ma tengaʼa,

Romans 1:28

Arsa, a géɗ man ta huro nshin Zhiklè, skwi ambalai, Zhiklè a njèke ta a ri a maya tengaʼa ambaɓiaʼa, a ta gi skwi horai.

Romans 16:18

Aman tengaʼa ta gi mizlinè Bi nga Kristi ka ɓai, aman mizlinè hwaɗ tengaʼa. Ma tengaʼa ara vongwom; ma tengaʼa man amba a pe ta a wai, man ta hér mali ta azɓai.

Ephésiens 4:14

Te deɓaʼa nga wudahi ka ɓai, a njè ma ambali tsaɗ tsaɗ, a shèwa ndohi man ta ngwèdè ndo, a maya ambaɓiaʼa man ta pe nga a wi a vna, a wutèma nga gèɗ azɓai.

1 Timothy 1:19

ɓür ncè-a-ndav, ɓür mèzhèɓ ndav man amba! Skwi haha ndohi ngiɗè ta kwolaʼa, a ncè-a-ndav tengaʼa ngedas na.

1 Timothy 4:2

a ma mberzlalahaʼa a ndohi njèngè ncèkèlma, mèzhèɓ ndav ta nsassaya.

1 Timothy 6:5

ndèvèɗ ma ambalai, gèɗ ndzakaɓa, ma nzuraʼa az a sam ta ɓai, ta hérè te ndav, a njèjèr Zhiklè ta da ngècè skwi te pa.

2 Timothy 4:15

Ka ba, gu maya a sam nengaʼa; aman nengaʼa a Sala va kumba a sam ma nga.

Titus 1:10

Ndohi man ta rzlè va a gèɗ a ndo, ndohi ntsi tsaval ambalai, ndohi mpi ndo a wai, ta zhè kumba, holholaʼa a sam ndohi Juif.

Titus 1:16

Ta gaɗa, nga sun Zhiklè, aman te skwi man ta giaʼa, ta ngwè-dèʼa. Tengaʼa ndohi man ta ndara na Zhiklè, a ta fi gèɗ a ma nengaʼa azɓai, a mizlinè man amba ko staɗ ta slaha a ta gia ɓai.

2 Peter 2:14

Ta cèkè di a fali ngwoz, mali a ngeza ta azɓai. Ta bid ta ndohi man wuɗi ta azɓai, a ta gedas ta. Ntétékè sulai ntilda va a ndav ta. Ma mphomdaʼa man a Zhiklè a zhè a géɗ tengaʼa.

1 John 2:18

Wudahi ga, tiɗè sama ma! Kin tsenaʼa, mayam Kristi a di a shkè, anai mayamhi Kristi kumba ta shkè ma. Te skwi haha nga suna, tiɗè sama ma.

1 John 4:1

Dalahimam ga, kin co mèzhèɓ tsaɗ tsaɗ tèlèba a ndav ɓai! Sèi kin jkede ta mèzhèɓhai, a kin wora, aman ta shkè te Bi Zhiklè. Aman ndohi nhadka ncèkèl-ma kumba ta zhè tʼherkeda.

Apocalypse 2:20

Aman skwi man ambahay ɓai a sam ngaya, aman ka va na civèɗ a ngwoz Jézabel, man a hur a gaɗa i ngwoz nhadka ma, a njè ta ɓèlèlihi ga, a zlakede ta, aman ta gi mphömè, a ta ndi vrai.

Apocalypse 2:6

Aman skwi man amba man ka ngotso, ka gi shèwa a ndohi Nicolaite, man iyè ba i gi shèwa a tengaʼa.