2 Timothy 3:1 - Ma Zhiklè

¹ Aman sèi sun skwi haha: a pats man ndul ndul ndikèma skwi tèlèba, pats mwuɗitpa holholaʼa.

Mofa New Testament

¹ Aman sèi sun skwi haha: a pats man ndul ndul ndikèma skwi tèlèba, pats mwuƋitpa holhola'a.

2 Timothy 3:1 ပူးပေါင်းရင်းမြစ်များ

Genèse 49:1

A Jacob a mbaha ta wudahi na, a ngaɗa: Va-ɓicko va, a i ngreda kinè skwi man a da ga kinè, a nʼndikèma nshèffè kinè.

Esaie 2:2

A pats man a di a shkè, a da gi arsa: Za man gi Ndo nzi pèc pècèk te pa, a da nzi a gèd zahi tèlèba, a da tsoko gèɗ auda a sam zahi tèlèba. Ndohi tʼherkeda tèlèba ta da hi a pa,

Jérémie 48:47

Aman i da helka ta ndohi ɓèlè Moab a deɓa a pats ndikèma skwai, Ndo nzi pèc pècèk a gaɗa. Kita Moab aranta.

Jérémie 49:39

Aman te deɓaʼa, a pats ndikèma skwai, i da helka ta ndohi ɓèlè Elam a deɓa, Ndo nzi pèc pècèk a gaɗa.

Ezéchiel 38:16

a ka da shkè, a ka da gi var a Israel, ndohi ga, ara dzarai, syem pats. A pats ndikè-ma skwai i da zlinde ka a géɗ ndohi ga, a ndohi herkeda ta da senyè, aman i da ngrédè va ga auda a sam di ta a nda ka, iyè, i Zhiklè nkezlaʼa.

Daniel 10:14

A i shkè, aman i da ngra ka skwi man a da gi a ndohi ngaya, a pats ngiɗè man a ma. Skwi haha ba a goɗ a gèɗ ndikè-ma skwai.

Daniel 11:36

Bai a gi skwi ara man ndav nengaʼa a woyaʼa, a da grè gèɗ, a fi va, a sam zhi-klèhi mèmè, a da fi va a sam Zhiklè a géɗ zhiklèhi tèlèba. A da gèɗè ma nfi va, ha pats nʼndikèma ndzoan Zhiklè, te man skwi man a ngaɗdahai a gai.

Daniel 12:11

A hinè a pats man ta jèkeda mvi skwi a Zhiklè lèk lèk, ha pats ngédèshè skwai a maya man a ndèr a ndo, mʼmèn 1.290 nte ndevaʼa.

Daniel 12:7

A i tsena ma ndo man maslaka ntsentsai a va, te wud woyam ngiɗè, man a mpeda ri na cèw a zhiklè. A mʼmbaɗa a nzlembaɗ Zhiklè man a nzi a nshèffê a mèdèp: Te deɓ nʼnzi a zhè, za nʼnzi a zhè zaʼa, za nʼnzi a zhè a rètaʼa zaʼa. Aman wuɗi ndo ngedassa ndohi nkezlaʼa a ndev na ma, skwi haha tèlèba a gai.

Daniel 7:8

I wor drom; na haha drom ngiɗè nkèshèa a nftska te pa, a dromhi ngiɗè makar ta proslkoɗauda te pa a samaʼa. Di nengaʼa a zhè, ara di ndo; ma nengaʼa man a gèɗè ma mbiaʼa.

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Michée 4:1

Aman a pats nʼndikè-ma skwai, za man gi Zhiklè a nza a géɗèʼa, a nzi taraʼa, ngür nengaʼa a fena zahi ngiɗè, a ndohi herkeda kumba ta hi a pa.

2 Timothy 4:3

Aman pats a di a shkè, man nʼnjè ma man nzlerɗak a te pa ɓai, ambaha ta ndohi ɓai. Aman ta jèjèr skwi man ambaha ta tengaʼa, a ta ngècè ndohi njèngè ma tengaʼa, man ma tengaʼa a pa ta kocè kocè.

2 Peter 3:3

Va-suna man ndul ndul herkeda a da ndiv na, ndohi mparaha civèɗ Zhiklè ta shkè, a ta jèjèr ntétékè tengaʼa, a ta gaɗa:

1 John 2:18

Wudahi ga, tiɗè sama ma! Kin tsenaʼa, mayam Kristi a di a shkè, anai mayamhi Kristi kumba ta shkè ma. Te skwi haha nga suna, tiɗè sama ma.

Jude 1:17

Aman kinè, dalahimam ga, va-hur ma man ndohi sak Bi nga Yèsu Kristi ta gaɗa kinè halaʼa.

Jude 1:18

Aman ta gaɗa kinè, man ndul ndul ndikèma skwi tèlèba, ndohi ndérɗè ndo ta zhè, man ta jèjèr ntétékè te ndav tengaʼa, man ambaha Zhiklè ɓai.