2 Peter 3:16 - Ma Zhiklè

¹⁶ Te ɗèlèwèrhi nengaʼa tèlèba, a goɗ ma haha. Ko ma nengaʼa tsaɗ tsaɗ wuɗitpa a ncinè. A ndohi man ta sun skwa ɓai, a ndohi man ta nzi taraʼa azɓai, ta ngwèdèʼa, lèmèlèmè ara man ta gi a sam ɗèlèwèrhi ngiɗè, a ta gedassa va ta arsa a ri ta.

Mofa New Testament

¹⁶ Te ƌèlèwèrhi nenga'a tèlèba, a goƋ ma haha. Ko ma nenga'a tsaƋ tsaƋ wuƋitpa a ncinè. A ndohi man ta sun skwa ɓai, a ndohi man ta nzi tara'a azɓai, ta ngwèdè'a, lèmèlèmè ara man ta gi a sam ƌèlèwèrhi ngiƌè, a ta gedassa va ta arsa a ri ta.

2 Peter 3:16 ပူးပေါင်းရင်းမြစ်များ

Genèse 49:4

ara man iyam a hi te woyam a wuɗai. Ka, ka gi a ndo nshèlèkuraʼa azɓai, te man kà mana a sam mʼmènè bab ngaya, a ka lizhè sam mʼmènè bab ngaya.

I Rois 10:1

Te Saba, ngwoz a ngu bai, a ntsena labar ma Salomon, a mshkè aman a njhèɗèʼa

Psaumes 56:5

I pi ndav a Bi Zhiklè, i slébèrdè ma nengaʼa. I pi ndav a Bi Zhiklè, i gi zlau azɓai. Ndohi ta slaha ta gay mè?

Exode 23:2

Ka dzodzor nhèyè ndo a sam man ta gi skwi ambaɓiaʼa bai. Ko a sam kita ka gada ta ma a va a ndohi nhaya ɓai, aman ka da terɗa ta kita a gèɗ a ndohi ɓai.

Exode 23:6

Ka terɗa ta kita a gèɗ a ndohi ntawassa bai!

Jérémie 23:36

Aman skwi man Ndo nzi pèc pècèk a gi ndzoan a géɗèʼa, kin da slefu te deɓaʼa asaɓai; ma man a shkè auda te ma ndo staɗ staɗ tèlèba, a ngwoda ta va a gèɗ. Kin terɗa ma Zhiklè man a zhè a nshèffè, Zhiklè bi mbiaʼa, Zhiklè nga.

Habakuk 1:4

Wuɗi ma kita ba azɓai, skwi nzuraʼa a nʼngredekaɗauda ɓai. Te man ndo malai nfa na a gèɗ a ndo nzuraʼa, ta terɗa ma kita.

Matthew 15:3

A Yèsu a mʼmbeɗa ta a ma: Kinè, kin jèkeda ma kita Zhiklè, a kin jéjèr ma bababhi kinè èhèmè?

Matthew 15:6

Ar haha kin fu ma Zhiklè a ma ambalai, a géɗ ma bababhi kinè.

Matthew 22:29

Yèsu a mʼmbeɗa ta a ma: Kin pèkèt kinè, te man kin sun ɗèlèwèr Zhiklè ɓai, a kin sun wuɗi Zhiklè ɓai.

Deutéronome 16:19

Ka da ngwoda kita ɓai, ka da por ndo mpèrè ɓai, ka co skwi man ta woy a ta ruɓ ka a vna ɓai; aman skwi mbalai a ndeda ndohi a mandazlai, a ngwèdè ma ndohi nzuraʼa.

Philippiens 3:19

Ndikè-ma tengaʼa, sam ngédèsh ta. Zhiklè tengaʼa, hwaɗ ta. Nʼnjèl tengaʼa, hori ta, ta hér skwi herkeda.

Hébreux 5:11

Na haha, a géɗ nengaʼa ma nga a zhè kumba dai; aman mwuɗitpa, a dè a gèɗ kinè tsam tsam azɓai.

Jacques 1:8

Ndo mpi gèd cèw a bizhè zlawa a civèɗ nengaʼa pèc pècèk.

1 Peter 1:1

Pierre, ndo sak Yèsu Kristi, a sam ndohi Zhiklè man ta ksar ta a kokwar Ponte, Galatie, Cappadoce, Asie, Bithynie,

1 Peter 2:8

Nara kwa ntsama ta sak, skwi nslafaɗama ta sak. Kwa ntsama ta sak, te man ta co ma Zhiklè a ndav ɓai. Nʼnga a sam ta arsa!

2 Peter 2:1

Ndohi nhadka ma ncèkèlma ta zhè halaʼa te va ndohai. Lèmèlèmè ara man a sam kinè ba ndohi njèngè ncèkèlma a di ta da shkè. Ta da ndèvèɗ ma tsaɗ tsaɗ. Ta woy a ta gedas kinè. Ta cèkèlma a géɗ Bai Yèsu, man a sumka ta a deɓa, a ta hurdkoɗi kita ngedas ta, tsam tsam, a ri ta.

2 Peter 2:14

Ta cèkè di a fali ngwoz, mali a ngeza ta azɓai. Ta bid ta ndohi man wuɗi ta azɓai, a ta gedas ta. Ntétékè sulai ntilda va a ndav ta. Ma mphomdaʼa man a Zhiklè a zhè a géɗ tengaʼa.

2 Peter 3:14

Gar haha, dalahimam ga, va-gu maya a vata, aman a da ngats kinè te gumai a sam di na, ma az a gèɗ kinè ɓai, te mali ka ɓai.

2 Peter 3:2

Va-hur ma ndohi nhadka ma nkezlaʼa, a ma nkwèrè man Bai Yèsu, Ndo mʼmbel ndo, a mva kinè, man ndohi sak kinè ta njèʼa.

Jude 1:4

Ndohi faɗkata ta wuca kinè va, kita tengaʼa mwindèa nʼnzi a zhè aranta ma: tengaʼa ndohi man ta woy Zhiklè ɓai, ta ngwode pombi Zhiklè nga a ntétékè tengaʼa, a ta cèkèlma a géɗ Bi nga Yèsu Kristi, ndo ncè nga ma staɗgenè.