2 Peter 3:11 - Ma Zhiklè

¹¹ A géɗ man skwi haha a di a ndev na arsa, sèi kin slébèrdè Zhiklè a zlau, va-nza a maya a nshèffè nkezlaʼa!

Mofa New Testament

¹¹ A géƌ man skwi haha a di a ndev na arsa, sèi kin slébèrdè Zhiklè a zlau, vanza a maya a nshèffè nkezla'a!

2 Peter 3:11 ပူးပေါင်းရင်းမြစ်များ

Psaumes 37:14

Ndohi ambaɓihiaʼa ta geda tsakwal, ta mèn lèkèɗ, a ta woy a ta bazl ta ndohi man ta gi skwi zuraʼa.

Psaumes 50:23

Ndo man a shid gèɗ a Bi Zhiklè, kala man a va na skwai, a slébèrdyè zuraʼa; a ndo man a ɓer civèɗ na, i da ngra na skwi mʼmbel ndo ga.

Psaumes 75:3

Zhiklè a gaɗa: Ko i zhèrè dai, aman i da gi kita zura genè.

Esaie 14:31

Ntamagai, gau wobau! Kokwar, tsu lalau! Ndohi Philistie tèlèba – va-gudzau! Ndohi var ta shkè te man a verzi gai ara vodzok, a ndohi tengaʼa ko staɗ a minè a deɓa azɓai.

Esaie 24:19

Herkeda a cizl na, a mbéɗ na, a pèsl na, a wurc na, herkeda a gudzai gagagaʼa.

Esaie 34:4

Ndohi var Zhiklè ta venda gèɗ ta. Giɗfèk mpaɗaʼa, ara huba. Ndohi var nengaʼa ta gworaʼa hünjuɓaʼa, ara vah wof barassa man a ɓüt na, ara vah ngworaʼate wof kslor.

Matthew 8:27

Te deɓaʼa a nslambaâa, a nguv kozlar a woyam mbiaʼa, a iyam a nʼnza géɓitèʼa. A ndohi ta rzl ta, a ta gaɗa: Ndo haha wa, aman ko kozlar, ko iyam mbiaʼa ta fi gèɗ a ma nengaʼa!

Romans 13:11

Skwi haha va-gau a géɗ man kin sun patsaʼa. Tiɗè sama ma, aman sèi kin slèmbèɗè a nzhunè, aman skwi mʼmbel nga antanta a zhè ndul ndul holholaʼa, a fena pats man nga co a ndav.

Romans 13:12

Vaɗ a ndiv na ndul ndul, a pats a herdeka nga va. Gar haha sèi nga kwola mizlinè ruva, a nga vi skwi var – skwi nhél sam a va.

2 Corinthians 1:12

Nga jégèr va a géɗ skwi haha: Mèzhèɓ ndav nga a gi malwuɗai, aman nga nza a maya te nshèffè nga tʼherkeda, holholaʼa a sam kinè: ndav nkezlaʼa, a ndav nzuraʼa, ara Zhiklè man a woyaʼa, a maya ndo ka ɓai, aman a pombi Zhiklè.

Philippiens 1:27

Va-nza a maya te nshèffè kinè, aman kin nzala ma mbelaʼa te Kristi! Ko i dè a i rka kinè, ko i az a sam kinè ɓai, i da tsena ma kinè, kin nzi taraʼa te Mèzhèɓ nstaɗ, a kin gi var a nda nga a ndav staɗ, a géɗ ncè ma mbelaʼa a ndav.

Philippiens 3:20

Aman nga ndohi kokwar Zhiklè te géɗèʼa, te nengaʼa nga zhèr ndo mʼmbel ndo, Bi Yèsu Kristi,

1 Thessalonians 1:5

Nga njè kinè ma mbelaʼa a ma genè ka ɓai, aman a wuɗi ha, a Mèzhèɓ nkezlaʼa, a nfi gèɗèʼa. Kin suna nga gu arsa a sam kinè, a géɗ kinè.

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

1 Timothy 4:12

Ndo da paraha ka ɓai, a da gaɗa wudahi di ɓai! Gau aman ndohi ngiɗè, man ta co Zhiklè a ndav ta, ta slaha ta lèmdè va ta a ka, a ma ngaya, a maya nshèffè ngaya, a mwoy-ndo a ndav ngaya, a ncè-a-ndav ngaya, a nʼnzi ngaya.

1 Timothy 6:11

Aman ka, ndo Zhiklè, hu ngaya a skwi haha, dzodzor ngi-zuraʼa: zlau Zhiklè, ncè-a-ndav, mwoy-ndo a ndav, nzhèr skwia dai, ndav nlüɓekwaʼa.

1 Timothy 6:3

Man ndo ngiɗè a njè kinè ma ngiɗè tsaɗ, ma man a hümdè a ma mbelaʼa Bi nga Yèsu Kristi ka ɓai, a njè ma zlau Zhiklè azɓai,

1 Timothy 6:6

A woy nga gi zlau Zhiklè, a nga wuffè a géɗ skwi nga; nasa nga ngots skwi mbiaʼa a vava, man a zi azɓai.

Hébreux 13:5

Mwoy Suli da gso ndav kinè ɓai; skwi man kin ngotso, da dèʼa kinè! Aman Bi Zhiklè a ngaɗa: I pra ka ma gèɗ azɓai, i jèke ka a géɗ ngaya azɓai.

Jacques 1:24

Te deɓaʼa, man a mpeda di a pa ma, a dè na, a nasa nasa di nengaʼa a mpca na a gèɗ.

Jacques 3:13

Te ndev kinè ndo man a ngots maya te gèɗ, a nshin skwi, wa? Da ngreda maya nshèffè man amba te skwi man amba man a giaʼa, a ndav nlüɓekwaʼa, man a shkè auda te maya.

1 Peter 1:15

Aman ara man nengaʼa man a baha kinè, nkezlaʼa, kinè ba a woy kin kezla te maya nshèffè kinè tèlèba.

1 Peter 2:12

Va-nza a maya te gèɗ, te ndev ndohi nte deɓa; a tengahia man ta tsa kinè derngasl, ara man kin ndohi malihai, ta rka skwi man amba man kin giaʼa, a ta slébèrdè Zhiklè, a pats man a ncko skwi tèlèba auda a sam nhél sam.

2 Peter 1:3

Wuɗi Zhiklè a mva nga skwi tèlèba a géɗ nshèffè a civèɗ Zhiklè, aman nga sun nengaʼa man a baha nga te nʼnjèlè, te wuɗi nengaʼa.

2 Peter 1:6

va-ngatsa na ngshè-va a va maya te gèɗ; va-ngatsa na nzhèr skwi a ma ma a va ngshè-va; va-ngatsa na zlau Zhiklè a va nzhèr skwi a ma ma,

2 Peter 3:10

Aman pats Bi Zhiklè a shkè ara ndo metsar. Te deɓaʼa giɗfèk a tuw na toa, skwi ntil herkeda a ndiv na a sam vogwa mbiaʼa, a herkeda a skwi a géɗ herkeda, vogwa a da ndiaʼa.

2 Peter 3:12

Vo-zhor pats Zhiklè, va-fu gèɗèʼa! A pats sa giɗfèk a skwi ntil herkeda ta ndiv ta a sam vogwa mbiaʼa.