2 Peter 2:3 - Ma Zhiklè

³ A géɗ ntétékè Suli tengaʼa ta da mbeɗ kinè. Kita tengaʼa ntila ma, daga zlèzlèa, a skwi ngedas ta a zhèr ta.

Mofa New Testament

³ A géƋ ntétékè suli tenga'a ta da mbeƋ kinè. Kita tenga'a ntila ma, daga zlèzlèa, a skwi ngedas ta a zhèr ta.

2 Peter 2:3 ပူးပေါင်းရင်းမြစ်များ

Job 6:27

Ko kra dikai, kin cèmma a géɗèʼa. Ko mandal kinè, kin verslè a géɗèʼa.

Psaumes 18:44

Ka mbelyè a sam var ndohai; ndohi herkeda ta gurɓahi a sam ga, a ndohi man i sen ta ɓai ta gi a ɓèl ga.

Psaumes 66:3

Va-gaɗa na Bi Zhiklè: Skwi man ka giaʼa, wuɗitpa! Mayamhi ngaya ta slebarde ka, a géɗ wuɗi ngaya mbiaʼa.

Psaumes 81:15

Ar i ga ta mayamhi tengaʼa a ɓèlè tsam-tsam, a ri ga a tse ta ndohi nʼnga ta matakwan,

Esaie 5:19

Man ta gaɗa: Da vaska va, da ndeva mizlinè nengaʼa yau yau, aman nga rkaʼa! Skwi man Sion a nhur a da giaʼa, da gau, a nga suna!

Esaie 56:11

Tengaʼa kdadihai man mi a gudèma ta gèɗ, a skwi nʼndi a ngeza ta azɓai. Tengaʼa ndohi mɓer skwai man ta slaha ta tsena skwi ɓai, ngiɗè a dè a civèɗ na, ngiɗè a civèɗ na, staɗ staɗ ta hèsh skwi ta, tèlè ta lèmèlèmè.

Esaie 60:22

Ndo nkèshèa a gi a verzi ndohi gozhèm gozhèm, ntabawaʼa a mène man a gi a kokwar mbiaʼa. Iyè Ndo nzi pèc pècèk, i pasleda ri a hai; a pats nasa i da vèshè va a i giaʼa.

Jérémie 6:13

Ta woy sulai, ko nkèshèʼa, ko mbiaʼa, ko ndo nhadka ma, ko ndo mvi skwi a Zhiklè, ta gi ri tèlèba.

Jérémie 8:10

Gar haha i da pa ta ngwozi ta a ndohi ngiɗè, gi dau ta a ndohi ndum ta, te man tèlèba ta woy sulai, ko nkèshèʼa ko mbiaʼa, ko ndohi nhadka ma, ko ndo mvi skwi a Zhiklè, ta gi ri tèlèba.

Ezéchiel 13:19

Kin derɗyè a sam ndohi ga, a géɗ marori guva ri kètè, a géɗ movar a vi a ma staɗ; a kin zeda nshèffè ndo man a woy ar da nza a nshèffè; a kin mbél nshèffè ndohi man a woy ar da bazl ta, a kin ngwode ta ndohi ga a ta fi zlembaɗ a ncèkèlma.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Habakuk 3:3

Bi Zhiklè a shkè te Théman. Zhiklè nkezlaʼa a shkè te za Paran. Giɗfekihai ta ndha a wuɗi-bi nengaʼa. Nʼnjèlè nengaʼa a ndha herkeda.

Mal. 1:10

Dara kin pizlè ntamagi Zhiklè, a kin vècè vog-wa a sam mvi skwi a Zhiklè ambali azɓai. I wuffè a géɗ kinè azɓai, Zhiklè ndohi var a gaɗa. A skwi man kin vokoy te ri kinè, nʼngay ɓai.

Matthew 23:14

Kinè, kin dè a pa azɓai, a kin gedassa ta civeɗ a ndohi man ta woy ndè a pa.

Luke 18:8

I gaɗa kinè, a takaha ta tsam tsam. Aman kra-ndo a shkè, a da ngècè ncè-a-ndav tʼherkeda dè?

Luke 20:20

A ta wèrèʼa, a ta zlinde ta ndohi nko-tèʼa; ta ngwoda va ta a ndohi nzuraʼa, a ta zeɓiaʼa: a gi mali te ma na ɗè? A ta woy a ta pinèʼa a sam ndohi mbibihiaʼa a kita ngomna.

Luke 22:47

Aman a gèɗè dai, na haha, ndohi rè-dèdèa ta shkè, a staɗ te va 12, nengaʼa man ta baha na Judas, a mshkè a ma tengaʼa, a nherda na va a Yèsu, a nkelawa na ri a daʼai.

Jean 2:16

Va-helda skwi kine auda, kin ngwoda gi Bab ga a gi luma bai!

Romans 16:18

Aman tengaʼa ta gi mizlinè Bi nga Kristi ka ɓai, aman mizlinè hwaɗ tengaʼa. Ma tengaʼa ara vongwom; ma tengaʼa man amba a pe ta a wai, man ta hér mali ta azɓai.

2 Corinthians 2:17

Nga ara tengahia ngiɗè man ta gi gani a ma Zhiklè ka ɓai. Aman nga gèɗè ma Zhiklè, nga gèɗèʼa, a ndav nzuraʼa te Zhiklè, a sam di Zhiklè, ara ndohi Kristi.

Deutéronome 24:17

Skwi ndo te verzi tsaɗ, a skwi kra dikai, ka da lama na ɓai. Ka co maslaka ngwoz mazai a skwi slembelom ɓai.

Deutéronome 32:35

Ha pats kita, pats mpil gèɗ, a pats man ta da kèlèhai. Aman pats ngédèshè tengaʼa ndul ndul, ndikè-ma tengaʼa a herdeka va.

1 Thessalonians 2:5

Kin suna, nga shkè a mpètè skwi te ri kinè ka ɓai, pal ba. Nga shkè a ntétékè Suli ka ɓai, — Zhiklè a suna —

1 Thessalonians 5:3

Aman a di ta gaɗa: gumi a zhè, skwi mwuɗitpa asaɓai, skwi ngedas ta a kèlè a gèɗ ta tsam tsam, ara ngwoz man na hwaɗ, a ɗish va. A ta slaha a ta hi ta asaɓai.

1 Timothy 3:3

ndo njèjèr zom ka ɓai, a tsi ndo azɓai, ndo gumai, a bèzl va azɓai, a hér va na genè ka ɓai,

1 Timothy 3:8

Ndohi ntakaha ba, ta arsa genè, ndohi nzuraʼa, man ta pi nèʼèn cèw azɓai, ndo njèjèr zom ka ɓai, ndohi man ta hèsh Suli a ngi ri ka ɓai,

1 Timothy 6:5

ndèvèɗ ma ambalai, gèɗ ndzakaɓa, ma nzuraʼa az a sam ta ɓai, ta hérè te ndav, a njèjèr Zhiklè ta da ngècè skwi te pa.

Titus 1:11

Aman sèi nga tseda ta ma a pa, man ɓai ta gedassa gihi tèlèba a njè-ma tengaʼa ambaɓiaʼa, a njè-ma a géɗ man ta woy skwi te pa.

Titus 1:7

Aman ndo mɓer ndohi mizlinè Zhiklè, nengaʼa ara ndo mɓer skwi Zhiklè. Gar haha sèi man ma az a gèɗ na ɓai, ndo man a hér skwi nengaʼa genè ka ɓai, ndo man ndav a va ka ɓai, ndo njèjèr zom ka ɓai, ndo man a woy ma a ndo azɓai, ndo man a gi ri te skwi azɓai.

1 Peter 2:8

Nara kwa ntsama ta sak, skwi nslafaɗama ta sak. Kwa ntsama ta sak, te man ta co ma Zhiklè a ndav ɓai. Nʼnga a sam ta arsa!

1 Peter 5:2

Va-war rèwè ndohi Zhiklè man ta va kinè a rai, ara Zhiklè man a woyaʼa, a ndav amba, te man ta fa kinè a gèɗ ka ɓai, a géɗ Suli ka ɓai, aman a géɗ man kin woya a ndav kinè;

2 Peter 1:16

Aman nga ngreda kinè wuɗi Bi nga Yèsu Kristi, mshkè nengaʼa, nga goɗ a tsaval ambali genè ka ɓai. Aman nga rka mbi nengaʼa a di nga.

2 Peter 2:1

Ndohi nhadka ma ncèkèlma ta zhè halaʼa te va ndohai. Lèmèlèmè ara man a sam kinè ba ndohi njèngè ncèkèlma a di ta da shkè. Ta da ndèvèɗ ma tsaɗ tsaɗ. Ta woy a ta gedas kinè. Ta cèkèlma a géɗ Bai Yèsu, man a sumka ta a deɓa, a ta hurdkoɗi kita ngedas ta, tsam tsam, a ri ta.

2 Peter 2:9

Bi Zhiklè a suna, ara man a slaha a mpre ta ndohi man ta woy civèɗ na, auda te skwi man a pe ta a wai, ara man a pe ta ndohi nzura ka ɓai, a hai, ha pats kita, aman a da ga ta kita.

Jude 1:11

Wobau a géɗ tengaʼa! Ta beza a civèɗ Cain, a ta gu mali ara Balaam a géɗ sulai, a ta bazl ta lèmèlèmè ara ndohi nrubi Coré.

Jude 1:15

aman a gi kita a géɗ ndohi tèlèba, a ngra ta mali a ndohi tèlèba man ta woy civèɗ Zhiklè ɓai, a ngra ta ndérɗè ma tèlèba man ndohi malihai, man ta woy civèɗ Zhiklè ɓai, ta durɗo Zhiklè a vna.

Jude 1:16

Tengahi ndohi man ko skwi mèmè ambaha ta ɓai, ta kuɗi a va, a ta jèjèr ntétékè tengaʼa. Ta gèɗ ma nfi va, a ta shi-bèndè ndo, aman ta ngècè skwai.

Jude 1:4

Ndohi faɗkata ta wuca kinè va, kita tengaʼa mwindèa nʼnzi a zhè aranta ma: tengaʼa ndohi man ta woy Zhiklè ɓai, ta ngwode pombi Zhiklè nga a ntétékè tengaʼa, a ta cèkèlma a géɗ Bi nga Yèsu Kristi, ndo ncè nga ma staɗgenè.

Jude 1:7

Va-hur Sodome a Gomorrhe a kokwarhi man a tsagiaʼa, man ta gu mphömè lèmèlèmè ara golahi Zhiklè, a ta dzodzor ntétékè tsaɗ tsaɗ tʼhai. Ta fa ta kita a gèɗ te vogwa a mèdèp, a ndohi tèlèba ta slaha a ta hèrèʼa.