2 Peter 2:2 - Ma Zhiklè

² Ta da ngècè ndohi a verzi ta kumba, man ta jèjèr maya nshèffè tengaʼa man ambaɓai. A géɗ tengaʼa ndohi ta da dérɗè civèɗ ma nzuraʼa.

Mofa New Testament

² Ta da ngècè ndohi a verzi ta kumba, man ta jèjèr maya nshèffè tenga'a man ambaɓai. A géƋ tenga'a ndohi ta da dérƋè civèƋ ma nzura'a.

2 Peter 2:2 ပူးပေါင်းရင်းမြစ်များ

Genèse 19:5

A ta baha na Lot, a ta gaɗa na: Ndohi man ta shkè a sam ngaya, ta tema? Helka ta auda a sam nga, a nga mènè a ndav ta!

Psaumes 18:21

Ndo nzi pèc pècèk a ngayè ara ngizura ga, a mpelyè, te man ri ga mpana.

Esaie 35:8

Civèɗ mʼmbazla te pa, man ta baha na civèɗ nkezlaʼa. Ndo man ambaɓai a dè a pa azɓai. Civèɗ man ndohi nengaʼa ta da bizhè a pa. Ko ndo man maya na azɓai, a zi te pa azɓai.

Jérémie 6:16

Ndo nzi pèc pècèk a goɗ ar haha: Va-zlatsa a civèɗ, va-rkaʼa, va-dzhoɗ civèɗ nhalaʼa: civèɗ mʼmbel ndo tema? va-beza a pa, a kin ngècè nshèk va te ndav kinè. Aman ta gaɗa: Nga woya mbizhè a pa ɓai.

Matthew 22:16

A ta zlinde ta golahi tengaʼa a nda ndohi Hérode a sam na, a ta gaɗa na: Ndo njèngè ma, nga suna, ka ndo nzuraʼa, a ka njè civèɗ Zhiklè zuraʼa. Ka gi zlau ndo azɓai, ka ɗèl ndo te di ka ɓai.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèɗè, a ta ngreda skwi malwuɗi mbiaʼa, a nrkedai, aman ta pèkètède ta ndohi mparahiaʼa ba, man ta slaha.

Matthew 7:14

A ntamagi nlühaʼa, a civèɗ nlühaʼa, man a daʼa a nshèffè; ndohi man ta ngècèʼa matskata genè.

Marc 12:14

A ta shkè, a ta gaɗa na: Ndo njèngè ma, nga suna, ka ndo nzuraʼa, ka gi zlau ndo azɓai, ka ɗèl ndo te di ka ɓai, ka njè civèɗ Zhiklè zuraʼa. Amba aman ta pa na budu a bi ɗè? Sei nga pa na ndèzl ɗè, ɗè nga pa na ɓi ɗè?

Marc 13:22

Aman Kristihi ncèkèlma, a ndohi nhadka ncèkèlma ta da slèmbèɗè, a ta da ngreda skwi malwuɗai a nrkedai, man ta pèkètèdè ndohi man Zhikiè a mpar ta, man ta slaha.

Jean 14:6

A Yèsu a ngaɗa na: Iyè civèɗ, a ma nzuraʼa, a nshèffê; ndo ngiɗè a shkè a sam Bab ga azɓai, sèi a bezkaɗ a iyè.

Actes 13:10

a ngaɗa: Ka tser madzagai, ndav ngaya nʼndha a ma nʼngwèɗè ndo tèlèba, a skwi ambaɓi tèlèba; ka ndo mayam skwi nzuraʼa. Ka jèkè azɓai aman ka gedassa civèɗ Bi Zhiklè dè?

Actes 14:2

Aman ndohi Juif man ta ca a ndav ɓai, ta poko ta gèɗ auda a ndohi nte deɓa, ha ta gu ndav a géɗ kramamhi ta man ta a civèɗ Zhiklè.

Actes 16:17

A sam tèlèba a ndzadzarka nga, nga a nda Paul, a ngoɗ a wuɗai: Ndohi haha bèlèlihi Zhiklè te géɗèʼa, man ta njè kinè civèɗ mʼmbel ndo!

Actes 18:26

Nengaʼa a hüno man a wuzhko ma auda tèlè te ndav a mwuffe te gi njèngè ma Zhiklè. Aman Aquilas a Priscille ta tsenaʼa, ta co a gi ta, a ta ngra na civèɗ Zhiklè a vaʼa.

Actes 19:9

Aman ndav ndohi ngiɗè ngwora, ta ca a ndav ɓai, a ta durdo civèɗ Zhiklè a sam di mpi ndohi Zhiklè tèlèba; te deɓaʼa Paul a njèke ta a pa, a nhelka ta golahi Yèsu a tsagi nengaʼa, a njènga ta pèc pècèk te gi njèngè Tyrannus.

Actes 22:4

I paraha civèɗ Zhiklè haha, ha i woy a zeda i. I dzaw ta, ngurhi a ngwozi i pe ta a gi dangai;

Actes 24:14

Aman i ngreda a sam ngaya, i gi mizlinè Zhiklè babhi nga arsa a civèɗ Zhiklè mɓuaʼa haha (man ta baha na njèngè Zhiklè tsaɗ), a i co ma tèlèba a ndav ga, man ta Windo te ɗèlèwèr ma kita Zhiklè a ndohi nhadka ma,

Romans 2:24

Ara man ɗèlèwèr Zhiklè a gaɗa: Ndohi ngiɗè te va ndohi herkeda ta derɗe nzlembaɗ Zhiklè a géɗ kinè.

1 Timothy 5:14

Arsa i woya aman ngwozi dikai, man dali ngwozi dai, do do ngwoz, da yu wuda, da ɓer gai, a ta va na civèɗ a Sadan azɓai, man a gi ma a géɗ tengaʼa.

Titus 2:5

a ta hér skwi nzuraʼa, a maya, mizlinè te gai ambaha ta, a ta fi gèɗ a ma baki ta. Man ta da gi arsa, ndohi ngiɗè ta dérɗè ma Zhiklè azɓai.

Titus 2:8

A ma man ncèkèl-ma a te pa ɓai, nlèɓèslèa, man nzlerɗak a te pa ɓai, a nzuraʼa. A ndo mayam agi horai, a ngècè ma ambaɓiaʼa a géɗ nga azɓai.

1 Peter 2:12

Va-nza a maya te gèɗ, te ndev ndohi nte deɓa; a tengahia man ta tsa kinè derngasl, ara man kin ndohi malihai, ta rka skwi man amba man kin giaʼa, a ta slébèrdè Zhiklè, a pats man a ncko skwi tèlèba auda a sam nhél sam.

2 Peter 2:12

Ndohi haha ta ara skwi dakhai man maya ta azɓai, man ta yeka ta, a géɗ man ta gs ta, a ta zlama ta daʼai. Ta ngwossaha skwi man ta sun ɓai, a ta gedas ta te maya tengaʼa man ambaɓai,

2 Peter 2:15

Ta jèkeda civèɗ nzuraʼa a ta zlak ta, a ta dzodzor civèɗ Balaam, kra Béor, man a woy sulai te ngi skwi zura ka ɓai.

2 Peter 2:18

Ta gèɗ ma nfi va ambalai, mphömè tengaʼa a ntétékè te va tengaʼa a poko ta gèɗ auda a ndohai man ta mbel ta auda tok tok te ri ndohi ncèkèlma.

2 Peter 2:21

Daraʼa ta sun civèɗ ngi-zuraʼa ɓi fèt, a géɗ man ta suna, a ta jèkeda ma nkwèr nkezlaʼa man ta ngotso.

2 Peter 2:7

Zhiklè a mʼmbela Lot, ndo nzuraʼa, man ndohi ambaɓihiaʼa ta ga na matakwan tsaɗ tsaɗ, a maya nshèffè tengaʼa man ambaɓai.

Jude 1:10

Aman ndohi haha ta ngwèshè a skwi man ta sun ɓai. Ar skwi man ta slaha a ta suna a zhè; aman ta ara skwi dakhai, man ta sun skwi ɓai, ta gedassa va ta a ri ta.

Jude 1:15

aman a gi kita a géɗ ndohi tèlèba, a ngra ta mali a ndohi tèlèba man ta woy civèɗ Zhiklè ɓai, a ngra ta ndérɗè ma tèlèba man ndohi malihai, man ta woy civèɗ Zhiklè ɓai, ta durɗo Zhiklè a vna.

Jude 1:4

Ndohi faɗkata ta wuca kinè va, kita tengaʼa mwindèa nʼnzi a zhè aranta ma: tengaʼa ndohi man ta woy Zhiklè ɓai, ta ngwode pombi Zhiklè nga a ntétékè tengaʼa, a ta cèkèlma a géɗ Bi nga Yèsu Kristi, ndo ncè nga ma staɗgenè.

Jude 1:7

Va-hur Sodome a Gomorrhe a kokwarhi man a tsagiaʼa, man ta gu mphömè lèmèlèmè ara golahi Zhiklè, a ta dzodzor ntétékè tsaɗ tsaɗ tʼhai. Ta fa ta kita a gèɗ te vogwa a mèdèp, a ndohi tèlèba ta slaha a ta hèrèʼa.

Apocalypse 12:9

A ta kalda skwi man nara kedam matsa aussa, zhüzhok nzlèzlèa, man nzlembaɗ na madzagai a Sadan, man a peda herkeda tèlèba a wai. Ta kalda a herkeda a nda golahi nengaʼa.

Apocalypse 13:14

A mpe ta ndohi a géɗ herkeda a wai a skwi man a slaha a ngrédè tsaɗ tsaɗ a sam di skwi dak. A ngaɗa ta ndohi a géɗ herkeda, aman ta gi mèzhèɓ skwi dak, a mblè kafahi gwèsh a va, man a mbel na zaʼa.

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.