2 Peter 2:10 - Ma Zhiklè

¹⁰ Holholaʼa tengaʼa man ta jèjèr ntétékè te va tengaʼa ambaɓiaʼa, a ta woya Zhiklè a bi ta ɓai; ta gi hori azɓai; ta fi gèɗ a ma ndo azɓai; ta gi zlau skwi Zhiklè nʼnzalaʼa azɓai, a ta dèrɗèʼa.

Mofa New Testament

¹⁰ Holhola'a tenga'a man ta jejèr ntétékè te va tenga'a ambaɓia'a, a ta woya Zhiklè a bi ta ɓai; ta gi hori azɓai; ta fi gèƋ a ma ndo azɓai; ta gi zlau skwi Zhiklèn'nzala'aazɓai, a ta dèrƋè'a.

2 Peter 2:10 ပူးပေါင်းရင်းမြစ်များ

Genèse 49:6

Mèzhèɓ ndav ga a jèjèr ma tengaʼa azɓai. Ndav ga a humdè a tengaʼa azɓai. Aman ta bazl ta ngurhi a shèwa, a ta tsuɓ marihi a wuɗai.

II Samuel 20:1

Fali ndo ngiɗè a zhè, a pa, nzlembaɗ na Shéba, kra Bicri, ndo Benjamin. Nengaʼa a ntsu tolom, a mboho: Skwi nga az a sam David ɓai! Nʼndi gi nga az a sam kra Isai ɓai! Israel, ndo staɗ staɗ tèlèba da nza a gi na!

I Rois 12:16

A ndohi Israel tèlèba ta rkaʼa, bai a nfa gèɗ a ma tengaʼa ɓai, a ndohi to do a ta menda na bai a ta gada na: Nga gakaɗa a nda David mè? Nga ndau skwi nʼndi gai te ri kra Isai ɓai! Ndohi Israel, va-slambaɗa, vo-do ngwai!

Psaumes 12:4

Ndo nzi pèc pècèk da gedas ta tèlèba man ta shibèndè ndo ambalai, a ndohi man ta gèɗ ma nfi va,

Exode 22:28

Ka durɗo Zhiklè ɓai, ka durɗo bi kokwar ngaya ɓai!

Ecclésiaste 10:20

Ko ka a pa staɗ a géɗ ngaya genè, ka durɗo bi ɓai. A sam mʼmènè ngaya ba, ka durɗo ndo mèshèlè ɓai; aman kozlar a skwi ngiɗè man kelpasl a va, a da hada na ma ngaya a zlembaɗ.

Jérémie 2:31

Kinè verzi ndohi mè? Va-tsena ma Ndo nzi pèc pècèk: Israel a fiyè a hèshèkèd, a herkeda ruva dè? Ndohi ga ta gaɗa: Nga pra ma, nga shkè a deɓa a sam ngaya asaɓai, èhèmè?

Nombres 15:30

Aman ndo ngiɗè a sun a ngaɗa malai, ko ndo kokwar, ko ndo mbrok, a ndurɗo Ndo nzi pèc pècèk. Ta da kéɗèʼa te ndev ndohi na.

Luke 11:25

Aman a shkè, a ngècè gai, mpatsa, ntila.

Luke 19:14

Aman ndohi kokwar sa, ta gu shèwa a vna. Ta zlinde ta ndohi sak tengaʼa a verzi na, a ta gaɗa: Nga woya nengaʼa a bi nga ɓai!

Actes 23:5

A Paul a ngaɗa: Dalahimam ga, i sun a i gaɗa nengaʼa bi ndohi mvi skwi a Zhiklè bai. Aman ɗèlèwèr Zhiklè a gaɗa: Ka durɗo bi ndohi ngaya ɓai!

Romans 8:1

Anai Zhiklè a phomde ta ndohi man ta te Yèsu Kristi, asaɓai.

1 Corinthians 6:9

Kin sun ɓi ɗè, ndohi nzura ka ɓai, ta ndi kokwar-Bi Zhiklè azɓai. Kin peda ndav kinè a wai a ri kinè ɓai! Ko ndohi mphömè, ko ndohi vrai, ndohi ngi ngwoz a dala, ko ndohi mphömè nguraʼa a nguraʼa,

2 Corinthians 10:3

Ko nga tʼherkeda haha dai, nga gi var a ndohi herkeda ka ɓai.

Ephésiens 4:19

ndav ta nsassaya, a ta vi va ta a mphömè, a ta gi skwi nlizhèʼa tèlè a ntétékè kumba.

Ephésiens 5:5

Aman kin suna, ndo man a gi mphömè, ndo man ndav na nlizhèa, ndo keda, nara ndo mbèh skwai, ta ndi kokwar-Bi Kristi a Zhiklè azɓai.

Colossiens 3:5

Gar haha va-keɗa na gèɗ a hai a skwi herkeda haha: mphömè, skwi nlizhèʼa, mi skwi ambaɓiaʼa, ntétékè, ndo man a wèr va na genè (nara mʼmbèh skwai);

1 Thessalonians 4:7

Aman Zhiklè a baha nga a sam skwi nlizhè ka ɓai, aman a sam nkezlaʼa.

2 Timothy 3:2

Ndohi ta hér va ta genè, ta woy Suli genè, ta jégèr va, ta fi va, ta derɗe ndo, ta fi gèɗ a ma bab ta a mam ta azɓai, a ta shid gèɗ te skwa azɓai, ta woy skwi Zhiklè ɓai;

Titus 1:7

Aman ndo mɓer ndohi mizlinè Zhiklè, nengaʼa ara ndo mɓer skwi Zhiklè. Gar haha sèi man ma az a gèɗ na ɓai, ndo man a hér skwi nengaʼa genè ka ɓai, ndo man ndav a va ka ɓai, ndo njèjèr zom ka ɓai, ndo man a woy ma a ndo azɓai, ndo man a gi ri te skwi azɓai.

Hébreux 13:4

Va-slubordo nʼnzi nda baki a ngwoz, kin lizhè sam mènèe kinè ɓai, aman Zhiklè a da ga ta kita a ndohi ngi baki a dala, a ndohi mphömè.

2 Peter 3:3

Va-suna man ndul ndul herkeda a da ndiv na, ndohi mparaha civèɗ Zhiklè ta shkè, a ta jèjèr ntétékè tengaʼa, a ta gaɗa:

Jude 1:10

Aman ndohi haha ta ngwèshè a skwi man ta sun ɓai. Ar skwi man ta slaha a ta suna a zhè; aman ta ara skwi dakhai, man ta sun skwi ɓai, ta gedassa va ta a ri ta.

Jude 1:16

Tengahi ndohi man ko skwi mèmè ambaha ta ɓai, ta kuɗi a va, a ta jèjèr ntétékè tengaʼa. Ta gèɗ ma nfi va, a ta shi-bèndè ndo, aman ta ngècè skwai.

Jude 1:18

Aman ta gaɗa kinè, man ndul ndul ndikèma skwi tèlèba, ndohi ndérɗè ndo ta zhè, man ta jèjèr ntétékè te ndav tengaʼa, man ambaha Zhiklè ɓai.

Jude 1:4

Ndohi faɗkata ta wuca kinè va, kita tengaʼa mwindèa nʼnzi a zhè aranta ma: tengaʼa ndohi man ta woy Zhiklè ɓai, ta ngwode pombi Zhiklè nga a ntétékè tengaʼa, a ta cèkèlma a géɗ Bi nga Yèsu Kristi, ndo ncè nga ma staɗgenè.

I Samuel 10:27

Aman ndohi falihi ngiɗè ta gaɗa: Ndo haha a slaha a ntakaha nga te mè? Ta rka Saul ara ndo ambalai, a ta va na skwi mbali ɓai.