2 Peter 2:1 - Ma Zhiklè

¹ Ndohi nhadka ma ncèkèlma ta zhè halaʼa te va ndohai. Lèmèlèmè ara man a sam kinè ba ndohi njèngè ncèkèlma a di ta da shkè. Ta da ndèvèɗ ma tsaɗ tsaɗ. Ta woy a ta gedas kinè. Ta cèkèlma a géɗ Bai Yèsu, man a sumka ta a deɓa, a ta hurdkoɗi kita ngedas ta, tsam tsam, a ri ta.

Mofa New Testament

¹ Ndohi nhadka ma ncèkèlma ta zhè hala'a te va ndohai. Lèmèlèmè ara man a sam kinè ba ndohi njèngè ncèkèlma a di ta da shkè. Ta da ndèvèƋ ma tsaƋ tsaƋ. Ta woy a ta gedas kinè. Ta cèkèlma a géƋ Bai Yèsu, man a sumka ta a deɓa, a ta hurdkoƌi kita ngedas ta, tsam tsam, a ri ta.

2 Peter 2:1 ပူးပေါင်းရင်းမြစ်များ

I Rois 22:6

A bi Israel a mɓic ta ndohi nhadka ma 400, a ngaɗa ta: Amba aman i dè var a Ramoth te Galaad dè, dè i jèkeda dè? A ta gada na: Do, Bi Zhiklè a da pa ta a ri a bai!

Exode 15:16

Zlau a ndza ta, zlau a nkeda ta va a hai, a géɗ wuɗi ri ngaya, a ngwor ta wofaʼa. A ndohi ngaya ta beza a pa aranta, Ndo nzi pèc pècèk, ndohi man ka ngatska ta auda, ta beza a pa.

Esaie 9:15

A ndohi ncè ta ma ndohi haha, ta nde ta a ndohi mpe ta a wai, a ta zede ta ndohi man ta cè ta ma.

Jérémie 29:21

Zhiklè bi mbiaʼa, Zhiklè Israel, a goɗ a géɗ Achab, kra Kolaja, a géɗ Sédécias, kra Maaséja, man ta hodko kinè ncèkèlma a nzlembaɗ ga: Iyè i da pe ta a ri Nebucadnetsar, bi Babylone, a da bazl ta a sam di kinè.

Jérémie 37:19

Ndohi nhadka ma kinè man ta hadka kinè ma a ta gaɗa: Bi Babylone a da shkè, a da gi var a kokwar haha azɓai, ta tema?

Jérémie 6:13

Ta woy sulai, ko nkèshèʼa, ko mbiaʼa, ko ndo nhadka ma, ko ndo mvi skwi a Zhiklè, ta gi ri tèlèba.

Lamentations de Jérémie 2:14

Ndohi nhadka ma nga ta cèkèl ma a sam ngaya, a ta njè ka ma nrzlaʼa. Ta ngra ka mali ngaya ɓai, aman ka shkè auda te ndzoan. Skwi man ta hodko ma a géɗ ngaya, skwi ncèkèlma, skwi nʼngwode ka genè.

Osée 9:8

Ephraim a pi va a ndo nhadka ma. Ndo nhadka ma a civèɗ nengaʼa tèlèba nara votok man ta gshè ɗiakihi a vna. Shèwa a zhè te gi Zhiklè na.

Michée 2:11

Aman ndo ngiɗè a shkè a ma ambalai flak-flakaʼa, a cèkèlma, a gaɗa: i hodko ma a géɗ zom a barassa! – Nasa ndo nʼnjè ma man ambaha ta ndohi ambaɓihiaʼa haha!

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Michée 3:5

Ndo nzi pèc pècèk a ga ta ma a va a géɗ ndohi nhadka ma man ta zlakeda ta ndohi ga, man ta hodko ma gumai a sam ndohi man ta vra ta, a ta ga ta ma a va ndohai, man ta ngatsa skwi a bazlazlam a sam ta ɓai.

Mal. 3:5

I herdeka kinè va a i gi kita, a i gi a ndo malwuɗi nwoslaʼa a géɗ ndohi mʼmbèh skwai, a géɗ ndohi mphömè, a géɗ ndohi mʼmbèɗè a ncèkèlma, a géɗ ndohi man ta ga ta matakwan a ndohi mizlinè ta, a ngwozi mazihai, a wud dikai, ndo mbrok, a géɗ ndohi tèlèba man ta gi zlau ga azɓai, Zhiklè bi mbiaʼa a gaɗa.

Matthew 10:33

Aman ko wawa man a gi ara man a senyè ɓai a sam ndohai, i ba i gi ara man i sun nengaʼa ɓai a sam Bab ga, man a zhè te zhiklè.

Matthew 24:11

A ndohi nhadka ma ncèkèlma kumba ta da slèmbèɗè, a ta da pèkètède ta ndohi kumba.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèɗè, a ta ngreda skwi malwuɗi mbiaʼa, a nrkedai, aman ta pèkètède ta ndohi mparahiaʼa ba, man ta slaha.

Matthew 24:5

Aman ta kumba ta da shkè a nzlembaɗ ga, a ta gaɗa: I Kristi! A ta pètè ta ndohi kumba.

Matthew 7:15

Va-gu maya a sam ndohi nhadka ma ncèkèlma; aman ta shkè a sam kinè, ta lèɓèslèʼa ara tambak, aman te ndav ta, ta ara kda dak man a woya a nʼnde kinè a ma.

Marc 13:22

Aman Kristihi ncèkèlma, a ndohi nhadka ncèkèlma ta da slèmbèɗè, a ta da ngreda skwi malwuɗai a nrkedai, man ta pèkètèdè ndohi man Zhikiè a mpar ta, man ta slaha.

Luke 12:9

Aman ko wawa man a gi ara man a senyè ɓai a sam ndohai, kra-ndo a da gi ara man a sun nengaʼa ɓai a sam golahi Zhiklè.

Luke 21:8

A nengaʼa a ngaɗa: Va-gu maya, ndo da pèkètèd kinè ɓai! Aman ta kumba ta da shkè a nzlembaɗ ga, a ta gaɗa: I nengaʼa, a patsa a zhè ndul ndul. Kin dzodzor ma tengaʼa ɓai!

Luke 6:26

Wobau, aman ndohi tèlèba ta gèɗ ma man amba a géɗ kinè; aman lèmèlèmè babhi tengaʼa ta gau a sam ndohi nhadka ma ncèkèlma.

Romans 16:18

Aman tengaʼa ta gi mizlinè Bi nga Kristi ka ɓai, aman mizlinè hwaɗ tengaʼa. Ma tengaʼa ara vongwom; ma tengaʼa man amba a pe ta a wai, man ta hér mali ta azɓai.

1 Corinthians 11:19

Aman skwi man a kezla kinè gèɗ a zhè, a ndohi nzuraʼa te ndev kinè ta da ngrédè auda.

1 Corinthians 6:20

Aman Zhiklè a sumka kinè a deɓa a gani kumba. Gar haha vo-slubordo Zhiklè te va kinè!

1 Corinthians 7:23

Zhiklè a sumka kinè a deɓa a gani kumba. Kin nda a bèl ndohi bai!

Galates 2:4

A kramamhi ncèkèlma ngiɗè tsaɗ tsaɗ ta wucka nga va, aman ta war a ta njénjè-rèʼa, ara man nga ngots sam mpraʼa te Yèsu Kristi, a ta woy a ta ge nga a ɓèlèlihi ta.

Galates 3:13

Aman Kristi a mpreka nga auda te ma kita Zhiklè man a phomde nga, a géɗ man a gaʼa a skwi mphomdaʼa a géɗ nga, ara ɗèlèwèr Zhiklè a gaɗa: Ndo man ta ktsala, mphomda.

Galates 4:17

Ta woy a ta bid kinè a verzai. Ta woy a ta hel kinè auda te ri ga genè, a kin fi gèɗ a ma tengaʼa.

Galates 5:20

ngi vrai, mʼmbèh skwai, ngi mayam, ngi ndav, srak, ndzoan, mbèzl va, tiflè man a kezla ta ndohai, njèjèr ma civèɗ Zhiklè ngiɗè,

Ephésiens 1:7

Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

Ephésiens 4:14

Te deɓaʼa nga wudahi ka ɓai, a njè ma ambali tsaɗ tsaɗ, a shèwa ndohi man ta ngwèdè ndo, a maya ambaɓiaʼa man ta pe nga a wi a vna, a wutèma nga gèɗ azɓai.

Deutéronome 32:6

Kinè ndohi nrzlaʼa man maya kinè azɓai: Kin sheda na gèɗ a Ndo nzi pèc pècèk arsa dè? Nengaʼa man a nge kinè, nengaʼa man a fe kinè a pa, a til kinè, nengaʼa bab kinè ka bi dè?

Philippiens 3:19

Ndikè-ma tengaʼa, sam ngédèsh ta. Zhiklè tengaʼa, hwaɗ ta. Nʼnjèl tengaʼa, hori ta, ta hér skwi herkeda.

Colossiens 2:18

Va-gu maya, ndo da bezlamda kinè skwi ntul kinè ɓai, – ndo man a ga va ara man a manda gèɗ na a hai, a slébèrdè golahi Zhiklè, a jégèr va ambalai te nhér ntétékè va na, a fi va a géɗ skwi man a rka na dai.

Colossiens 2:8

Va-gu maya, aman ndo ngiɗè a ngwode kinè azɓai a nshindè maya nengaʼa, man a pe kinè a wi a ncèkèlma ambalai, a maya nzakaɗ ndohai. Verzi nengaʼa njè-ma ndohai, a géɗ skwi herkeda, Kristi ka ɓai.

1 Timothy 5:8

Aman ndo man a wèr di a gwoli na azɓai, holholaʼa a ndohi gi na, a cèkèlma a géɗ ncè-a-ndav, ambaɓai a fena ndo man nca a ndav ɓai.

2 Timothy 4:3

Aman pats a di a shkè, man nʼnjè ma man nzlerɗak a te pa ɓai, ambaha ta ndohi ɓai. Aman ta jèjèr skwi man ambaha ta tengaʼa, a ta ngècè ndohi njèngè ma tengaʼa, man ma tengaʼa a pa ta kocè kocè.

Titus 1:11

Aman sèi nga tseda ta ma a pa, man ɓai ta gedassa gihi tèlèba a njè-ma tengaʼa ambaɓiaʼa, a njè-ma a géɗ man ta woy skwi te pa.

Titus 3:10

Ndo man a kezli gèɗ ndohi Zhiklè, ngatsa na maya sak staɗ, man cèw, te deɓaʼa va-ckoɗauda te ndev kinè.

Hébreux 10:29

Va-huro, kita mbiaʼa holholaʼa ndo a ngècèʼa, aman a mbatsaha kra Zhiklè a sak, a nrka Pombaz nderzlè-ma, te nengaʼa man a gaʼa a ndo nkezlaʼa, ara skwi nlizhèa, a nderɗe Mèzhèɓ pombi Zhiklè.

1 Peter 1:8

Ko man kin rka nengaʼa di ɓai, aman kin woyaʼa a ndav kinè genè. Antanta kin co a ndav, ko kin rkaʼa a di di ɓai, a kin wuffè a mwuffè mbiaʼa, a nʼnjèlè te pa,

2 Peter 2:3

A géɗ ntétékè Suli tengaʼa ta da mbeɗ kinè. Kita tengaʼa ntila ma, daga zlèzlèa, a skwi ngedas ta a zhèr ta.

1 John 2:26

Ma haha i winda kinè a géɗ tengahi man ta woy a ta zlakede kinè.

1 John 4:1

Dalahimam ga, kin co mèzhèɓ tsaɗ tsaɗ tèlèba a ndav ɓai! Sèi kin jkede ta mèzhèɓhai, a kin wora, aman ta shkè te Bi Zhiklè. Aman ndohi nhadka ncèkèl-ma kumba ta zhè tʼherkeda.

Jude 1:18

Aman ta gaɗa kinè, man ndul ndul ndikèma skwi tèlèba, ndohi ndérɗè ndo ta zhè, man ta jèjèr ntétékè te ndav tengaʼa, man ambaha Zhiklè ɓai.

Jude 1:4

Ndohi faɗkata ta wuca kinè va, kita tengaʼa mwindèa nʼnzi a zhè aranta ma: tengaʼa ndohi man ta woy Zhiklè ɓai, ta ngwode pombi Zhiklè nga a ntétékè tengaʼa, a ta cèkèlma a géɗ Bi nga Yèsu Kristi, ndo ncè nga ma staɗgenè.

Apocalypse 13:14

A mpe ta ndohi a géɗ herkeda a wai a skwi man a slaha a ngrédè tsaɗ tsaɗ a sam di skwi dak. A ngaɗa ta ndohi a géɗ herkeda, aman ta gi mèzhèɓ skwi dak, a mblè kafahi gwèsh a va, man a mbel na zaʼa.

Apocalypse 2:13

I sun sam nʼnzi ngaya, sam nʼnzi bi Sadan a pa. Aman ka gshè va a iyè genè, ka tsakal ma a géɗ ncè-a-ndav ɓai, ko pats man ta keɗa Antipas, ndo malwuɗi ga nzuraʼa a sam kinè, a sam man Sadan a nzi a pa.

Apocalypse 2:9

I sun matakwan ngaya a ntèwèshè ngaya; aman ka ndo mèshèlè genè. I sun ndohi man ta derɗe ka, man ta gaɗa, nga ndohi Juif, aman ta ndohi Juif ka ɓai, ta ndohi gi njèngè ma Sadan.

Apocalypse 3:8

I sun skwi man ka giaʼa. Na haha i wina ntamagi ngiɗè a sam ngaya, ndo a slaha a mpizlèʼa azɓai. I suna, wuɗi ngaya az a vata ɓai; aman ka ɓür ma ga genè, a ka tsakala ma a géɗ nzlembaɗ ga ɓai.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,

Apocalypse 6:10

A ta boho a wuɗai, a ta gaɗa: Bai, ka ndo nkezlaʼa, ndo nzuraʼa, nʼnzi tèkè aman ka gi kita azɓai, ka pela Pombaz nga azɓai a sam tengaʼa tʼherkeda?