2 Peter 1:16 - Ma Zhiklè

¹⁶ Aman nga ngreda kinè wuɗi Bi nga Yèsu Kristi, mshkè nengaʼa, nga goɗ a tsaval ambali genè ka ɓai. Aman nga rka mbi nengaʼa a di nga.

Mofa New Testament

¹⁶ Aman nga ngreda kinè wuƋi Bi nga Yèsu Kristi, mshkè nenga'a, nga goƋ a tsaval ambali genè ka ɓai. Aman nga rka mbi nenga'a a di nga.

2 Peter 1:16 ပူးပေါင်းရင်းမြစ်များ

Mal. 3:2

Nslaha a nʼnzi a pats mshkè nengaʼa wa? Aman a gudko va a dai, nda zlècè wa? Mshkè nengaʼa ara vogwa ndo nwèsl züdo, ara iyam lalau ndo mpèn maslaka.

Mal. 4:5

Na haha, i zlindè Elie, ndo nhadka ma, a sam kinè, ga pats Ndo nzi pèc pècèk, pats mbiaʼa mwuɗitpa a shkè.

Matthew 16:27

Kra-ndo a di a shkè a nʼnjèl Bab na, a nda golahi nengaʼa. Te deɓaʼa a da va na ndo staɗ staɗ tèlèba te di skwi man a gau.

Matthew 16:28

A vava i gaɗa kinè: Ndohi ngiɗè man ta zhè a haha, ta metsi di azɓai, sèi ta rka kra-ndo man a shkè te kokwar-Bi nengaʼa dai.

Matthew 17:1

Te deɓ mʼmèn mokwa, Yèsu a nco Pierre a nda Jacques a nda Jean, kramam Jacques, a nde ta a géɗ za mbiaʼa, ta a géɗ ta.

Matthew 24:27

Lèmèlèmè ara ndidiyam man a ndoko te verzi gai, kalkaɗai a géɗèʼa, a da gi lèmèlèmè a mshkè kra-ndo.

Matthew 24:3

Aman a nza a géɗ za oliviers, golahi nengaʼa ta shkè a sam na, ta a gèɗ ta, a ta gaɗa: Gaɗa nga, kos skwi haha a da gi a ngèmè? Nda ngreda nga mshkè ngaya, a ndikèma skwi mè?

Matthew 28:18

A Yèsu a mshkè a sam ta, a ngaɗa ta: Wuɗi tèlèba te zhiklè ba, tʼherkeda ba, nte ri ga.

Marc 13:26

Te deɓaʼa ta da rka kra-ndo man a shkè te va vanai, a wuɗi mbiaʼa, a nʼnjèl na.

Marc 14:62

A Yèsu a ngaɗa na: I nengaʼa. A kin da rka kra-ndo, nʼnza te ri mandi Zhiklè, a di a shkè te zhiklè te va vanai.

Luke 1:2

ara man tengaʼa, man ta rkaʼa a di ta te nhinkaɗ na, a ta nda a ndohi njè ma Zhiklè, a ta ngra nga.

Luke 9:43

Tèlèba ta hur te ndav ta a vata, a géɗ wuɗi Zhiklè mbiaʼa. Aman tèlèba ta rzl ta a géɗ skwi man Yèsu a gau, Yèsu a ngaɗa ta golahi nengaʼa:

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Jean 17:2

Ka va na wuɗi-bai a géɗ ndohi tèlèba, a skwi tèlè man ka va na, a va ta ndohi ba, a nshèffè a mèdèp ba.

Romans 1:4

nengaʼa kra Zhiklè man Mè-zhèɓ Zhiklè nkezlaʼa a mva na wuɗai, a nslambaɗkaɗ na te ndev ndohi mʼmetsaʼa).

1 Corinthians 1:17

Aman Kristi a nzlindekay ɓai, aman i ga ta baptême a ndohai; a zlinde-kayè, aman i njè ma mbelaʼa; a ma maya ndo ngiɗè ka ɓai, aman wof ngézlèl Kristi man a ngots nʼnjèlè a vava.

1 Corinthians 1:23

Aman nga njè Kristi—a vava Kristi, man ta gezlalaʼa, skwi nslafaɗama ta sak a ndohi Juif, man ta kèlèhi a pa, nrzlè a sam ndohi man Juif ka ɓai.

1 Corinthians 1:7

Aman a vava, skwi man Zhiklè a viaʼa, man kin ngatsa ɓi ba, azɓai, kinè man kin zhèr man Yèsu Kristi, Bi nga, a gudoko nga va a dai.

1 Corinthians 2:1

I ba, dalahimam ga, aman i do a sam kinè, i do a ma mbiaʼa, a maya mbiaʼa ka ɓai, aman a i ngreda kinè ma malwuɗi Zhiklè.

1 Corinthians 2:4

a i gaɗa kinè ma, a i njè kinè ma Zhiklè, a ma kumba ka ɓai, ara maya ndohi herkeda; aman i ngreda wuɗi Mèzhèɓ Zhiklè auda,

1 Corinthians 5:4

A sam ɓicè va kinè a nzlembaɗ Bai Yèsu Kristi, i zhè a nda kinè te mèzhèɓ, a wuɗi Yèsu Bi nga,

2 Corinthians 2:17

Nga ara tengahia ngiɗè man ta gi gani a ma Zhiklè ka ɓai. Aman nga gèɗè ma Zhiklè, nga gèɗèʼa, a ndav nzuraʼa te Zhiklè, a sam di Zhiklè, ara ndohi Kristi.

2 Corinthians 4:2

Nga kwola skwi man ndohi ta gau, a ta ngheda, te man ta gi hori a géɗèʼa. Nga gi skwi a maya vaya azɓai, nga ngwèɗè ma Zhiklè azɓai, aman nga ngreda mèzhèɓ ndav nga auda a ma nzuraʼa a sam di ndohi tèlèba, a sam di Zhiklè.

Ephésiens 4:14

Te deɓaʼa nga wudahi ka ɓai, a njè ma ambali tsaɗ tsaɗ, a shèwa ndohi man ta ngwèdè ndo, a maya ambaɓiaʼa man ta pe nga a wi a vna, a wutèma nga gèɗ azɓai.

Philippiens 3:21

nengaʼa man a di a ngwèdè va nga ambali haha, a va nʼnjèl na, te wuɗi nengaʼa, man a slaha a feda skwi tèlèba a hwaɗ sak na.

1 Thessalonians 2:19

Skwi man nga zhèrè te ndav, mwuffè nga, mpèɗè gèɗ man a slebarde nga, wa? Kinè ba, a sam Bi Yèsu ka ɓi ɗè?

2 Thessalonians 2:9

Aman ndo nderdè Zhiklè a di a slèmbèɗè a wuɗi Sadan, a wuɗihi ncèkèlma tsaɗ tsaɗ,

1 Timothy 1:4

a ta hér ma tsaval ngiɗè azɓai, a ma te verzi babab ta man a ngeslè azɓai. A géɗ nengaʼa ndohi ta gi gèjau, a mizlinè Zhiklè te ncè-a-ndav a dè a ma ma azɓai.

1 Timothy 4:7

Ma ambalai, a tsaval ambalai, ka co ɓai, jèkeda!

Titus 1:14

a ta fi zlembaɗ a tsaval ma ndohi Juif, a tsaval ma ndohi man ta woy a ta pèkètede ta auda a civèɗ te ma nzuraʼa, azɓai.

2 Peter 2:3

A géɗ ntétékè Suli tengaʼa ta da mbeɗ kinè. Kita tengaʼa ntila ma, daga zlèzlèa, a skwi ngedas ta a zhèr ta.

1 John 4:14

A nga rkaʼa a di nga, a nga gi malwuɗai, Bab Zhiklè a nzlündo kra nengaʼa a ndo mbél herkeda.

Jude 1:14

Enoch ba, ndo matsaraɗaʼa te verzi Adam, a nhodko ma a géɗ tengaʼa, a ngaɗa: I rka Bi Zhiklè a shkè a nda ndohi nkezlaʼa gozhèm gozhèm kumba,

Apocalypse 1:7

Na haha, nengaʼa a shkè te va vanai, a di staɗ staɗ tèlèba ta da rkaʼa; a ndohi ntuzo ba, a verzi ndohi herkeda tèlèba ta da gi wobau a géɗ nengaʼa. A vava, amen.