2 Corinthians 8:5 - Ma Zhiklè

⁵ A ta gau ara man nga hur genè ka ɓai, aman ta vau va ta, nshèlèkuraʼa a Bi Zhiklè, te deɓaʼa ta vau va ta a gèɗ nga, ara man Zhiklè a woyaʼa.

Mofa New Testament

⁵ A ta gau ara man nga hur genè ka ɓai, aman ta vau va ta, nshèlèkura'a a Bi Zhiklè, te deɓa'a ta vau va ta a gèƌ nga, ara man Zhiklè a woya'a.

2 Corinthians 8:5 ပူးပေါင်းရင်းမြစ်များ

I Chroniques 12:18

A Mèzhèɓ a mshkè a gèɗ Amasai, staɗ te va bihi sojè, a ngaɗa: Gumi a sam ngaya, David, kra Isai! Gumi a sam ngaya! Gumi a sam ndohi ntakaha ka, te man Zhiklè ngaya a ntakaha kal Te deɓaʼa David a nhumda va a nda tengaʼa, a nge ta a ndohi ncè ta ma ndohi var.

II Chroniques 30:12

Te Juda ba, Zhiklè a zhè a sam ta, a mva ta nhér gèɗ staɗ, a ta gu ara man bai a tsuvomhi nengaʼa ta gaɗa, a ta shkè Jérusalem.

II Chroniques 30:8

Kin Sala va ɓai, ara man babhi kinè ta gau. Va-va na va kinè a ri a Ndo nzi pèc pècèk, vo-washkè a sam nengaʼa nkezlaʼa, man nkezla a mèdèp, va-gu mizlinè Ndo nzi pèc pècèk, Zhiklè kinè, gar a da jèkeda ndzoan nengaʼa mbiaʼa a gèɗ kinè.

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Romans 12:1

Dalahimam ga, anai i bid kinè a géɗ man ndo a si Zhiklè te va: va-vau va kinè a skwi man kin va na Zhiklè, man nshèffè te pa, nkezlaʼa, ambaha Zhiklè. Nasa mizlinè Zhiklè nzuraʼa!

Romans 6:13

Kin pa na nfèfèn va kinè a malai a ngi skwi ambaɓiaʼa a vna ɓai! Aman va-vau va kinè a Bi Zhiklè a ri kinè, ara ndohi mʼmetsaʼa, man antanta ta zhè a nshèffè. Va-pa na nfèfèn va kinè a Zhiklè a ngi skwi nzuraʼa a vna.

1 Corinthians 1:1

Paul, man Yèsu Kristi a mbaha na ndo sak na, ara man Zhiklè a woyaʼa, a Sosthène, kramam ga,

2 Corinthians 4:5

Nga njè ma a géɗ va nga ka ɓai, aman a géɗ Bi Yèsu Kristi, ara nengaʼa Bai, a nga ɓèlèlihi kinè a géɗ Yèsu.

2 Corinthians 8:1

Nga ngreda kinè, dalahimam ga, pombi Zhiklè man mpi ndohi Zhiklè Macédoine a nʼngotso.

I Samuel 1:28

Gar haha i ba i cèʼa a i va na a ri Ndo nzi pèc pècèk, a nʼnzi a sam nengaʼa a mèdèp. A ta gurɓahai a sam Ndo nzi pèc pècèk.