2 Corinthians 7:11 - Ma Zhiklè

¹¹ Na haha, nlèyè te ndav, ara Zhiklè man a woyaʼa, a ngu mizlinè te ndav kinè kumba: kin hur a vava, kin tsko gèɗ auda, kin gu ndav, kin gu zlau, mpataka a keɗ kinè a géɗ ga, kin gu gazawa, kin ngu ndzoan! Te skwi tèlèba kin ngreda, ara man mali kinè te skwi haha asaɓai.

Mofa New Testament

¹¹ Na haha, nlèyè te ndav, ara Zhiklè man a woya'a, a ngu mizlinè te ndav kinè kumba: kin hur a vava, kin tsko gèƌ auda, kin gu ndav, kin gu zlau, mpataka a keƌ kinè a géƌ ga, kin gu gazawa, kin ngu ndzoan! Te skwi tèleba kin ngreda, ara man mali kinè te skwi haha asaɓai.

2 Corinthians 7:11 ပူးပေါင်းရင်းမြစ်များ

Néhémie 13:25

I ga ta ndzoan, a i phomde ta: I ndah ta tengahiaʼa ngiɗè – i ptsoma ta gwots auda te gèɗ. A i dzhoɗo, aman ta mbèɗè a nzlembaɗ Zhiklè: Kin venu ngwoz a va a nda tengaʼa ɓai!

Job 42:6

Gar haha i ngreda mali ga auda, i kuɗi a géɗ mali ga tʼherkeda, te va mèrwèc.

Psaumes 119:139

Srak a keɗyè a vara, a géɗ man ma ngaya a mpce ta a gèɗ a ndohi mayamhi ga.

Psaumes 130:6

Ndav ga a zhèr Bai, Zhiklè, a fena ndo mɓer kokwar man sam a nciɗa na di ɓai.

Psaumes 145:19

A gi ara man ndohi man ta gi zlauaʼa ta woyaʼa. A tsena mbèhè tengaʼa, a mbel ta.

Psaumes 2:11

Va-gu mizlinè Ndo nzi pèc pècèk a zlau, va-gurɓahai a deɓ sak nengaʼa a ngudzai,

Psaumes 35:13

A pats man ta mbelakaɓai, i feda maslaka sam kuɗa a va, a i jèkeda skwi nʼndai a i ga na matakwan a va ga a vna. I tsu ri a gèɗ tʼhai,

Psaumes 38:9

Wudi ga azɓai, skwi ngiɗè a nkaldyè a hai. Kud ga a fena kuɗ marizhèlè.

Psaumes 42:1

Dimèsh ndohi Koré.

Psaumes 69:9

Kramamhi ga ta senyè bai, i ara ndo mbrok a sam kramamhi ga,

Proverbes 14:16

Ndo maya a gi zlau Zhiklè, a ngwoda na deɓa a malai; aman ndo nrzla a kala na va skwi genè cilèv-cilèvaʼa.

Proverbes 28:14

Mwuffe a sam ndo man a gi zlau Zhiklè pèc pècèk; aman ndo man a sassaya ndav na, a kèlè a matakwan.

Cantique des Cantiques 8:6

Tsyè a ndav ngaya ara lamba man a pa; fiyè a ri ngaya ara dasirai. Mwoy-va nda ngwoz a bakai; wuɗi na zhè ara wuɗi mʼmetsai, skwi man a nza ka ɓai, wuɗitpa ara sam mʼmetsai, a wurcè a mwurcè vogwa, nèʼèn vogwa nengaʼa nara nèʼèn vogwa Ndo nzi pèc pècèk.

Esaie 26:8

Ko a civèɗ kita ngaya, nga zhèr ka, Ndo nzi pèc pècèk. Ndav ga a woya a shid gèɗ, a slebarde ka.

Esaie 66:2

Ri ga a ngau skwi haha tèlèba man a zhè, nʼnga aranta, Ndo nzi pèc pècèk a gaɗa. Ndo man a manda gèɗ a hai, a ndav nengaʼa a mbèɗè, ndo man a gi zlau ma ga, i rkaʼa, a i pi di a nengaʼa.

Daniel 6:14

Aman bai a ntsena ma haha, a kuɗi te ndav na, a nhur maya aman a mbela Daniel. Ha pats nkala, a hèsh maya aman a ntakaha, a mbelaʼa.

Marc 3:5

A Yèsu a mpu di a ndohi tèlèba, a ngu ndav, ndav nengaʼa a nkuɗau, a géɗ man ndav tengaʼa nsassaya, a ngaɗa na ndo matsa: Pelaha ri ngaya! A mpelaha rai, a ri nengaʼa ntila ma.

Jean 2:17

A golahi nengaʼa ta hur ma haha, ara man a Windo te ɗèlèwèr Zhiklè: Srak a keɗyè a hai a géɗ gi ngaya.

Actes 17:16

Aman Paul a zhèr ta te kokwar Athène, ndav nengaʼa a hubètè, aman a rka kokwar Athène tèlèba, nʼndha a vrai a skwi mbèh skwai.

Romans 11:20

Amba, ta ngelaʼa a géɗ man ta ca a ndav ɓai; aman ka, ka zhè a géɗ ncè-a-ndav ngaya. Ka fu va ɓai, aman gu zlau!

Romans 14:18

Ndo man a takaha Kristi te pa, nengaʼa ambaha Bi Zhiklè, a ndohi ta woyaʼa.

Romans 3:5

Aman skwi man nga ga zuraʼa ɓai, a ngredè ngi-zuraʼa Bi Zhiklè auda, kos nga da gèɗè kè? Aman Bi Zhiklè a gi ndav a géɗ nga, kos Bi Zhiklè zura ka ɓi ɗè? I gèɗ ma sata ara ndohai.

1 Corinthians 12:25

Skwi ngiɗè da kezla va ɓai, aman nfèfènvahi ta tèkè a va ta.

1 Corinthians 5:13

Zhiklè a gi kita ndohi nte deɓa. Vo-cko ndo man ambaɓai auda te ndev kinè!

1 Corinthians 5:2

A kin fi va, a kin kuɗi azɓai, a kin cka ndo man a gu mali arsa auda te ndev kinè ɓai.

2 Corinthians 13:7

Nga tsi ri a Zhiklè, aman nga mbeɗama kinè ndav azɓai. Nga gi zlau azɓai, aman ta rka nga ara ndohi man nga slaha skwi ɓai. Nga woy a kin gi skwi man amba, ko ta rka nga ara ndohi man nga slaha skwi ɓai.

2 Corinthians 2:6

Aman a slraʼa, aman ndohi matskata ta ga na ndzoan a ndoʼa.

2 Corinthians 6:4

Aman te skwi tèlèba nga ngreda va nga auda ara ndohi mizlinè Zhiklè: te nzhèr skwia dai a ma ma, te matakwan, te skwi mwuɗitpa, te zlau,

2 Corinthians 7:1

Dalahimam ga, aman nga ngots ma mpèsl ri aranta, ngo-tülokoy va nga te skwi man a lizhè va a ndav tèlèba, a nga rufa skwi nkezla ndav nga te zlau Zhiklè.

2 Corinthians 7:7

A mshkè nengaʼa genè ka ɓai, aman a ma nengaʼa ba, ara man kin büdo a vna. Nengaʼa a nʼngra nga mpataka kinè, kuɗ kinè, ara man kin gu gazawa a géɗ ga. Anai i wuffè holholaʼa.

2 Corinthians 7:9

aman antanta i wuffè. Azɓai a géɗ man kin kuɗau te ndav kinè; aman i wuffè a géɗ man kin kuɗau, a kin ngwoda ndav kinè. Aman ndav kinè a kuɗi ara Zhiklè man a woyaʼa. Ar haha ma nga a gédèshè ndav kinè azɓai.

2 Corinthians 9:2

Aman i suna, kin gi gazawa, aman kin takaha ta ndohi Zhiklè; a i jégèr va a géɗ kinè a sam ndohi Macé-doine, a i gaɗa: Achaie ntila skwi tèlèba ma, daga man atutsa. A skwi man kin gau a gazawa, a mpoko ta gèɗ auda a ndohi kumba, a ta gia lèmèlèmè arsa.

Ephésiens 4:26

Aman kin gi ndav, mali da kala a pa ɓai, va-gu aman pats da kala na gèɗ a ndzoan kinè ɓai.

Ephésiens 5:11

Kin humda ɓai a mizlinè ruva, man skwi mbelaʼa a shkè auda te pa azɓai; mʼmbela kin ngreda skwi nengaʼa ambaɓiaʼa auda.

Philippiens 2:12

Gar haha kinè dalahimam ga, ara man kin fi gèɗ a ma ga pèc pècèk, va-gu arsa man i zhè a sam kinè genè ka ɓai, aman ko antanta ba, man iyè az a sam kinè ɓai. Va-gu a zlau a ngudzai, aman kin mbél kinè.

1 Thessalonians 4:6

Ko staɗ da beza zlawa ɓai, da ngwoda ri a kramam na te skwi haha ɓai. Zhiklè a da pela gèɗ skwi tèlèba, ara man nga gaɗa kinè, a nga ngreda kinè nshèlèkuraʼa.

1 Timothy 5:20

Ndohi man ta gi malai, ngreda ta auda a sam di ndo tèlè, aman ndohi ngiɗè ta gi zlau.

2 Timothy 2:15

Gu maya maya, ngreda va ngaya auda a sam Bi Zhiklè ara ndo mizlinè nzuraʼa, ma az a gèɗ ngaya ɓai, aman ka njè ma zuraʼa tsarayaʼa.

Titus 3:8

Ma haha ma nzuraʼa a vava. I woy a ka njè ma haha a wuɗai, aman ta ngats ta ndohi man ta co Zhiklè a ndav te ngi skwi man amba. Na haha amba, a takaha ndo.

Hébreux 4:1

Gar haha ngo-gokoy maya a zlau, aman ko staɗ te ndev kinè da nza a deɓa ɓai, a pats man mpèsl ri ndè a sam nshèk va na a zhè dai.

Jacques 3:17

Aman maya te géɗèʼa, nengaʼa nzuraʼa, ma nhènèkèa, ma gumai, ma wuɗi ka ɓai, a cè ma ndo ngiɗè ba, ndo a sia te va kumba, a gi skwi man amba, a pèr ndo mpèrè azɓai, a ngwèdè ndo azɓai.

1 Peter 1:17

Aman kin baha na nengaʼa, man a pèr ndo a mpèrè a sam kita azɓai: ‘Bab nga’, va-nza a maya te nshèffè kinè a zlau, man kin tʼherkeda dai.

1 Peter 2:2

Va-gu ara wudahi man a wa: va-woy wa man amba zuraʼa, wa te Mèzhèɓ Zhiklè, aman a nengaʼa kin grè a ma ma a sam mʼmbél kinè,

Jude 1:23

va-ngazlka ta auda te vogwa, va-mbel ta! Tengahi ngiɗè da se kinè te va, aman va-gu zlau; va-gu shèwa a ntétékè tengaʼa man a lizhè ndav ta.

Apocalypse 3:19

Ndohi man i woy ta a ndav ga, i ngatsa ta maya a ndzoan, a i ngez ta. Gar haha nzala va ngaya, a ka ngwode ndav ngaya!