1 Timothy 4:8 - Ma Zhiklè

⁸ Sundo zlau Zhiklè a ri ngaya! Mwu-shè va a takaha ka kètè genè; aman zlau Zhiklè a takaha ka te skwi tèlèba. Zlau Zhiklè a mpasla nga ri a nshèffe tʼherkeda antanta, a nshèffè man a di a shkè.

Mofa New Testament

⁸ Sundo zlau Zhiklè a ri ngaya! Mwushè va a takaha ka kètè genè; aman zlau Zhiklè a takaha ka te skwi tèlèba. Zlau Zhiklè a mpasla nga ri a nshèffè t'herkeda antanta, a nshèffè man a di a shkè.

1 Timothy 4:8 ပူးပေါင်းရင်းမြစ်များ

Job 22:2

Ndo a slaha a ntakaha Zhiklè a skwi dè? Ndo man maya na zhè, a takaha géɗ va na.

Job 36:11

Aman ta fa na gèɗ a ma nengaʼa, a pats nshèffè tengaʼa tèlèba ta wèl va, a ta nzi te mwuffe genè.

Psaumes 145:19

A gi ara man ndohi man ta gi zlauaʼa ta woyaʼa. A tsena mbèhè tengaʼa, a mbel ta.

Psaumes 37:11

Aman ndohi a ndav lüɓok-waʼa ta da ndi kokwar, a ta da wuffè a géɗ gumi man a zhè a vata.

Psaumes 37:29

Ndohi nzuraʼa ta da ndi kokwar, a ta nzi te pa a ma ma a mèdèp.

Psaumes 37:9

Ndohi man ta gi skwi man ambaɓai, ta zi ta, aman ndohi man ta zhèr Ndo nzi pèc pècèk ta da ndi kokwar.

Psaumes 84:11

Aman pats staɗ te gala ngaya a fena mʼmèn 1.000 a dala. Dara man i zlatsa a ntamagi Zhiklè ga, a géɗ man i nzi te gi ndohi ambaɓihiaʼa tʼhwaɗaʼa.

Proverbes 19:23

Zlau Ndo nzi pèc pècèk a de ka a sam nshèffè. Ka mènèhi a hwaɗ ngezaʼa, ka gi zlau skwi ambaɓia azɓai.

Proverbes 22:4

Ndo man a manda gèɗ a hi a gi zlau Ndo nzi pèc pècèk, skwi mèshèlè a nʼnjè-lè a gi a skwi ntul nengaʼa.

Ecclésiaste 8:12

Ndo malai a gi mali kumba kumba, a nzi a nshèffè genè. Aman i suna, tengaʼa man ta gi zlau Zhiklè ta da nzi amba, a géɗ man ta gi zlauaʼa.

Esaie 3:10

Va-gaɗa na ndo nzuraʼa: Mwuffè a sam ngaya! Aman nengaʼa a da ngècè skwi ntul mizlinè na.

Esaie 33:16

Nenga a da nzi a géɗèʼa, gi nengaʼa a sam nlèaʼa te za, movar a iyam a ndiv a sam nengaʼa azɓai.

Jérémie 6:20

Skwi man ta ndarayè, aman a zhkè ara burdi te Saba, te kokwar dra, i gia kè? Skwi man kin ndarayè, ambahay ɓai; a skwi man kin zlayè, i wuffè a géɗèʼa azɓai.

Matthew 12:32

Ko wawa man a gi ma a géɗ kra-ndo, mali na a prè; aman ko wawa man a gi ma a géɗ Mèzhèɓ Zhiklè nkezlaʼa, mali nengaʼa a prè azɓai, ko tʼherkeda antanta, ko pats ngiɗè.

Matthew 19:29

Ko wawa man a jèkeda kramamhi na, man demamhi na, man bab na, a mam na, man ngwoz na, man wud na, man gi dauhi na, man gihi na, a géɗ nzlembaɗ ga, a ngècèʼa a vaʼa kumba. A ta ngècè nshèffè mbiaʼa man a ndiv azɓai a mèdèp.

Matthew 6:33

Va-hur kokwar-Bi-Zhiklè a ngi-zura nengaʼa nshèlèkuraʼa, a kin ngècè skwi haha tèlèba a deɓaʼa.

Marc 10:30

aman a ngècè a vaʼa azɓai a gi 100, 100, ko ta paraha, tʼherkeda antanta: gihai, kramamhai, demamhai, mamhai, wudahai, gi dauhai; te deɓaʼa te zhiklè te géâèʼa nshèffè mbiaʼa man a ndiv azɓai a mèdèp.

Luke 5:38

Aman ta ɓéjè zom ɓeslɓiaʼa a duzlakhi man hwaɗaʼa nʼnde ɓai.

Romans 8:28

Aman nga suna, skwi tèlèba ta mbi a ma a ngi amba a sam tengaʼa man ta woy Zhiklè a ndav ta, a sam tengaʼa man Zhiklè a mpar ta, ara man a huro halaʼa.

1 Corinthians 3:22

Paul, Apollos, Céphas, ko herkeda, ko nshèffè, ko mʼmetsai, skwi man a zhè antanta, skwi man a di a shkè, skwi tèlèba a kinè;

1 Corinthians 8:8

Aman skwi nʼndi a tila nga azɓai a sam di Bi Zhiklè. Ko nga ndi skwai, ko nga ndi skwi azɓai, nga fena ndo ngiɗè azɓai.

1 Timothy 4:7

Ma ambalai, a tsaval ambalai, ka co ɓai, jèkeda!

1 Timothy 6:3

Man ndo ngiɗè a njè kinè ma ngiɗè tsaɗ, ma man a hümdè a ma mbelaʼa Bi nga Yèsu Kristi ka ɓai, a njè ma zlau Zhiklè azɓai,

1 Timothy 6:5

ndèvèɗ ma ambalai, gèɗ ndzakaɓa, ma nzuraʼa az a sam ta ɓai, ta hérè te ndav, a njèjèr Zhiklè ta da ngècè skwi te pa.

1 Timothy 6:6

A woy nga gi zlau Zhiklè, a nga wuffè a géɗ skwi nga; nasa nga ngots skwi mbiaʼa a vava, man a zi azɓai.

2 Timothy 3:5

Ta fi va ta a ndohi Zhiklè, aman ta sun wuɗi Zhiklè ɓai. Menda va ngaya a deɓa a sam ndohi sa!

Titus 3:8

Ma haha ma nzuraʼa a vava. I woy a ka njè ma haha a wuɗai, aman ta ngats ta ndohi man ta co Zhiklè a ndav te ngi skwi man amba. Na haha amba, a takaha ndo.

Hébreux 13:9

Va-gu maya aman njè-ma ngiɗè tsaɗ tsaɗ da ngazl kinè a ri ɓai. Amba, aman ndav nga a ngècè wuɗai te pombi Zhiklè, te nhér gèɗ a géɗ skwi nʼndi genè ka ɓai; a takaha ta tengaʼa man ta jèjèrèʼa arsa, azɓai.

1 John 2:25

Na haha skwi man a fa nga a hai, man a: na nshèffè mbiaʼa man a ndivè azɓai a mèdèp.

Apocalypse 3:12

Ndo man nʼngaʼa a ngulaʼa, i woy a i giaʼa a sak gi Zhiklè ga, a dè auda te deɓaʼa azɓai, a i woy a i windè a va nengaʼa: nzlembaɗ Bi Zhiklè ga, a nzlembaɗ kokwar mbiaʼa a Zhiklè ga, Jérusalem mɓuaʼa, man a shkèhai te zhiklè, a sam Bi Zhiklè ga. A i windè nzlembaɗ ga mɓuaʼa a pa.

Apocalypse 3:21

Ndo man nʼngaʼa a ngulaʼa, i woy nga da nzi a sam nʼnzi ga a vna, lèmèlèmè ara man i gaʼa a ngulaʼa, a i nza tʼhai a nda Bab ga a sam nʼnzi bi nengaʼa.

I Samuel 15:22

Samuel a ngaɗa: Skwi man ta zla na Zhiklè a ta ndara na Zhiklè ambaha Ndo nzi pèc pècèk, lèmèlèmè ara nfi gèɗ a ma nengaʼa dè? Na haha, ndo man a fi gèɗ a ma nengaʼa, a fena ndo man a vi skwi a Zhiklè; njèjèr ma nengaʼa, a fena mbeza drok.