1 Timothy 3:3 - Ma Zhiklè

³ ndo njèjèr zom ka ɓai, a tsi ndo azɓai, ndo gumai, a bèzl va azɓai, a hér va na genè ka ɓai,

Mofa New Testament

³ ndo njèjèr zom ka ɓai, a tsi ndo azɓai, ndo gumni, a bèzl va azɓai, a hér va na genè ka ɓai,

1 Timothy 3:3 ပူးပေါင်းရင်းမြစ်များ

Proverbes 1:19

Nasa civèɗ ndohi tèlèba man ta haya skwi mèshèlè a gi ta a maya man ambaɓai; a da ngwoda ta va a gèɗ, a da keɗ ta.

Proverbes 15:27

Ndo man a cè skwi man ta ruɓè a vna, a gédèshè gi na; aman ndo man a woy skwi mbalai man ta ruɓa a vna ɓai, a nzi a nshèffè.

Ecclésiaste 7:8

Dara ndikè-ma skwai, a géɗ nhin na. Dara ndav ndo man a zhèr skwi a ma, a géɗ ndav ndo nfi va.

Esaie 28:1

Wobau a géɗ mpèɗè gèɗ ndohi zom te Ephraim! Wobau a géɗ nwurzhè mɓutaʼa, man ndohi zom ta jézlè gèɗ a vna.

Esaie 28:7

Aman ko tenga haha ta dè dzaw-dzawaʼa ara ndohi zom, man zom a keɗ ta: ndohi mvi skwi a Zhiklè a ndohi nhadka ma, ta dè dzaw-dzawaʼa te ri zom, barassa a dzakaɓama ta gèɗ. Aman ta hodko ma, ta gèɗè zlakzlakaʼa. Aman ta bèzl kita, ta bèzlè tsarayaʼa azɓai.

Jérémie 6:13

Ta woy sulai, ko nkèshèʼa, ko mbiaʼa, ko ndo nhadka ma, ko ndo mvi skwi a Zhiklè, ta gi ri tèlèba.

Jérémie 8:10

Gar haha i da pa ta ngwozi ta a ndohi ngiɗè, gi dau ta a ndohi ndum ta, te man tèlèba ta woy sulai, ko nkèshèʼa ko mbiaʼa, ko ndohi nhadka ma, ko ndo mvi skwi a Zhiklè, ta gi ri tèlèba.

Ezéchiel 44:21

Ndo mvi skwi a Zhiklè da su zom bai, aman a dè a sam nʼngalaʼa tʼhwaɗaʼa.

Lèv. 10:9

Kin su barassa a zom ɓai, ko ka, ko wudahi ngaya, aman kin dè a gi mɓicè-va. Man bai kin metsi kinè. Nasa ma nkwèr kinè te verzi wud wuda kinè a mèdèp.

Michée 2:11

Aman ndo ngiɗè a shkè a ma ambalai flak-flakaʼa, a cèkèlma, a gaɗa: i hodko ma a géɗ zom a barassa! – Nasa ndo nʼnjè ma man ambaha ta ndohi ambaɓihiaʼa haha!

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Michée 3:5

Ndo nzi pèc pècèk a ga ta ma a va a géɗ ndohi nhadka ma man ta zlakeda ta ndohi ga, man ta hodko ma gumai a sam ndohi man ta vra ta, a ta ga ta ma a va ndohai, man ta ngatsa skwi a bazlazlam a sam ta ɓai.

Mal. 1:10

Dara kin pizlè ntamagi Zhiklè, a kin vècè vog-wa a sam mvi skwi a Zhiklè ambali azɓai. I wuffè a géɗ kinè azɓai, Zhiklè ndohi var a gaɗa. A skwi man kin vokoy te ri kinè, nʼngay ɓai.

Matthew 21:13

a ngaɗa ta: Ta Windo te ɗèlèwèr Zhiklè: Ta baha na gi ga, gi ntsi rai. Aman kinè, kin ndeda a gi ndohi metsar.

Actes 20:33

I tétéka verzhègenè a guro a maslaka kinè ɓai,

Romans 16:18

Aman tengaʼa ta gi mizlinè Bi nga Kristi ka ɓai, aman mizlinè hwaɗ tengaʼa. Ma tengaʼa ara vongwom; ma tengaʼa man amba a pe ta a wai, man ta hér mali ta azɓai.

Ephésiens 5:18

Kin dzodzor zom ɓai, aman ndav ndzakaɓa a shkè te pa. Aman va-ndha a Mèzhèɓ.

1 Thessalonians 5:14

Aman nga fa kinè ma a gèɗ, dalahimam nga, va-ngatsa ta maya a ndohi ndzakaɓahiaʼa, va-bid ta ndohi zlau, va-takaha ta ndohi man wuɗi ta azɓai, va-zhèr ta ndohi tèlèba a rai.

1 Timothy 3:8

Ndohi ntakaha ba, ta arsa genè, ndohi nzuraʼa, man ta pi nèʼèn cèw azɓai, ndo njèjèr zom ka ɓai, ndohi man ta hèsh Suli a ngi ri ka ɓai,

2 Timothy 3:2

Ndohi ta hér va ta genè, ta woy Suli genè, ta jégèr va, ta fi va, ta derɗe ndo, ta fi gèɗ a ma bab ta a mam ta azɓai, a ta shid gèɗ te skwa azɓai, ta woy skwi Zhiklè ɓai;

Titus 1:11

Aman sèi nga tseda ta ma a pa, man ɓai ta gedassa gihi tèlèba a njè-ma tengaʼa ambaɓiaʼa, a njè-ma a géɗ man ta woy skwi te pa.

Titus 1:7

Aman ndo mɓer ndohi mizlinè Zhiklè, nengaʼa ara ndo mɓer skwi Zhiklè. Gar haha sèi man ma az a gèɗ na ɓai, ndo man a hér skwi nengaʼa genè ka ɓai, ndo man ndav a va ka ɓai, ndo njèjèr zom ka ɓai, ndo man a woy ma a ndo azɓai, ndo man a gi ri te skwi azɓai.

Titus 2:3

Gaɗa ta ngwozi nhalaʼa, aman ta nzi ara ndohi Zhiklè nzuraʼa: ta jèjèr madzagi azɓai, ta ɓèlèlihi zom ka ɓai, aman ta senda ta ndohi skwi man amba,

Titus 3:2

ta dérɗè ndo azɓai, ta gi ndav azɓai, ta woy va ta, ta ngreda ndav nlüɓekwaʼa auda a sam ndohi tèlèba.

Hébreux 13:5

Mwoy Suli da gso ndav kinè ɓai; skwi man kin ngotso, da dèʼa kinè! Aman Bi Zhiklè a ngaɗa: I pra ka ma gèɗ azɓai, i jèke ka a géɗ ngaya azɓai.

Jacques 4:1

Mbezl va a var te ndev kinè ta shkè te mè? Te ntétékè kinè, man ta bèzl va te va kinè ka ɓi ɗè?

1 Peter 5:2

Va-war rèwè ndohi Zhiklè man ta va kinè a rai, ara Zhiklè man a woyaʼa, a ndav amba, te man ta fa kinè a gèɗ ka ɓai, a géɗ Suli ka ɓai, aman a géɗ man kin woya a ndav kinè;

2 Peter 2:3

A géɗ ntétékè Suli tengaʼa ta da mbeɗ kinè. Kita tengaʼa ntila ma, daga zlèzlèa, a skwi ngedas ta a zhèr ta.

Jude 1:11

Wobau a géɗ tengaʼa! Ta beza a civèɗ Cain, a ta gu mali ara Balaam a géɗ sulai, a ta bazl ta lèmèlèmè ara ndohi nrubi Coré.

Apocalypse 1:9

I, Jean, kramam kinè, ndo man nga mbi a matakwan, a kokwar-bai, a nzhèr skwia dai te Yèsu a nda kinè. I nza te Patmos, herkeda nte ndev iyam, a géɗ ma Zhiklè a ma malwuɗi Yèsu.

I Samuel 8:3

Aman wudahi nengaʼa ta gsa civèɗ bab ta ɓai, aman ta woy sulai. Aman ndohi ta ruɓ ta, ta co, a ta ngwoda kita.