1 Timothy 2:5 - Ma Zhiklè

⁵ Zhiklè staɗgenè, ndo mbezda ta skwi Zhiklè a ri a ndohai, staɗgenè, nengaʼa Kristi Yèsu, ndo.

Mofa New Testament

⁵ Zhiklè staƋgenè, ndo mbezda ta skwi Zhiklè a ri a ndohai, staƋgenè, nenga'a Kristi Yèsu, ndo.

1 Timothy 2:5 ပူးပေါင်းရင်းမြစ်များ

Job 9:33

Ndo mbazla nga kita azɓai, man a pa nga ri a gandaf.

Esaie 44:6

Ndo nzi pèc pècèk, bi Israel, ndo mʼmbel nengaʼa, Zhiklè ndohi var, a gada: I ndo nshèlèkuraʼa, ndo nʼndikèma skwai; Zhiklè ngiɗè azɓai, sèi iyè.

Matthew 1:1

Ɗèlèwèr nzlembaɗ ndohi te verzi Yèsu Kristi, kra David, kra Abraham.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Luke 14:22

A ɓèl nengaʼa a ngaɗa: Bai, nga gu arsa, aman sam nʼnzi a zhè genè.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Actes 4:12

Skwi mʼmbel ndo te ndo ngiɗè azɓai, tʼhwaɗ giɗfèk nzlembaɗ ngiɗè azɓai, man ta vi a ndohai, aman nga mbel nga.

Romans 1:3

Ma mbelaʼa sa a géɗ kra nengaʼa (man ta yu ara ndo, te verzi David;

Romans 10:12

A haha tsaɗ tsaɗ azɓai, ko ndohi Juif, ko ndohi man Juif ka ɓai. A géɗ tengaʼa tèlèba Bi staɗgenè, ndo mèshèlè a géɗ ndohi tèlèba man ta baha na a nzlembaɗ na.

1 Corinthians 8:4

A géɗ nʼndi zluèɗ mbèh skwai nga suna, mʼmbèh skwai, skwi ambalai tʼherkeda. Zhiklè ngiɗè azɓai, na staɗgenè.

1 Corinthians 8:6

nga ngots Bi Zhiklè nga staɗgenè, Bab nga, te nengaʼa skwi tèlè a shkè, a nga a sam nengaʼa. Bi nga staɗgenè, Yèsu Kristi, te nengaʼa skwi tèlè a zhè, a nga te nengaʼa.

Galates 3:20

Aman Zhiklè, nengaʼa staɗgenè. Man na staɗ a géɗ na, ndo mbezda na skwi a ri azɓai.

Ephésiens 4:6

Zhiklè staɗ, Bab ndo tèlè, nengaʼa man a zhè a géɗ skwi tèlèba, a sam skwi tèlèba, te skwi tèlèba.

Deutéronome 6:4

Israel, tsenaʼa! Ndo nzi pèc pècèk, Zhiklè nga, Ndo nzi pèc pècèk staɗgenè.

1 Timothy 6:13

I fa ka maya a gèɗ, a sam di Zhiklè, nengaʼa man a vi nshèffè a skwi tèlèba, a sam di Yèsu Kristi, nengaʼa man a ngreda ma nengaʼa auda amba a sam Pilate:

Hébreux 12:24

a sam Yèsu, man ta bezda na nderzlè-ma mɓuaʼa a rai, a sam pombaz man nguca a pa, man a gèɗè amba holholaʼa, a fena pombaz Abel.

Hébreux 7:25

Gar haha a slaha a mʼmbel ta tengaʼa man ta shkè a sam Zhiklè a nzlembaɗ nengaʼa, a mèdèp, te man nengaʼa a nzi a nshèffè a mèdèp, aman a tsi ri a géɗ tengaʼa.

Hébreux 8:6

Aman antanta Yèsu a ngots mizlinè amba holholaʼa, lèmèlèmè ara nderzlèma mɓuaʼa man a bezda na rai, a ma mpèsl ri nengaʼa, man ta amba holholaʼa.

Hébreux 9:15

Ar haha nengaʼa ndo mbezda nga nderzlè-ma mɓuaʼa; aman a géɗ mʼmetsi nengaʼa, skwi mbel ndo te malai a sam nderzlè-ma mʼmovaʼa a zhè, a ndohi man Bi Zhiklè a baha ta, ta ngècè mpèsl rai a nʼndi skwi gi a mèdèp.

1 John 2:1

Wudahi ga, i windè kinè ma haha, aman a kin gi mali azɓai. Aman ndo ngiɗè a gi mali genè, nga ngots ndo nʼnza nga a deɓa a sam Bab nga, Yèsu Kristi, ndo nzuraʼa.

Apocalypse 1:13

te ndev sam nfi vogwahai, ndo staɗ, va na lèmèlèmè ara krando, sajibèr a va, guro mʼmana te ndav.