1 Peter 5:8 - Ma Zhiklè

⁸ Va-ciɗe dai, va-nza a dai – aman madzagai, ndo mayam kinè, a tèuda kinè a pa ara marizhèlè man a kuɗkaɗarai, a rka ndo man a slaha a ndiaʼa.

Mofa New Testament

⁸ VaciƋe dai, vanza a dai aman madzagai, ndo mayam kinè, a tèuda kinè a pa ara marizhèlè man a kuƋkaƋarai, a rka ndo man a slaha a ndia'a.

1 Peter 5:8 ပူးပေါင်းရင်းမြစ်များ

Esther 7:6

Esther a ngaɗa: Ndo mayam nga, ndo shèwa nga, Haman. Ndo ambaɓiaʼa, na haha! Haman a ngudzi a sam bai, a sam ngwoz bai.

Job 2:2

A Ndo nzi pèc pècèk a ngaɗa na madzagai: Ka shkè tema? A madzagi a ngaɗa na: I shèwèlè a géɗ herkeda tèlèba, i bizhè a ndev kokwar tèlèba.

Psaumes 104:21

Wud marizhèlèhai ta kuɗi zluèɗ, ta hèsh skwi nʼndi te ri Zhiklè.

Psaumes 109:6

Skwi ambaɓiaʼa da ngwoda na va a gèɗ a ndo mayam; ndo ngshèʼa da zlatsa a sám na te civèɗ ri mandai.

Proverbes 19:12

Aman bi a gi ndzoan, nara kuɗ ma-rizhelè; mwoy-ndo nengaʼa nara minmèn a kuza.

Proverbes 20:2

Aman bai a gi ndzoan, lèmèlèmè ara wud marizhèlè man ta kuɗkaɗai. Ndo man a mbedkoɗa a va, a goko na a géɗ a nshèffè na.

Proverbes 28:15

Ndo ambaɓiaʼa man a kwèr ndohi man wuɗi ta azɓai, lèmèlèmè ara marizhèlè man a kuɗkaɗai, a kokoya man mi a keɗaʼa.

Esaie 50:8

Nenga man a ckay auda a sam kita, a zhè ndul ndul. Nwoya a ngi ma a iyè wa? Ngo-do a pa cèw! Nwoya a mverslè ma a iyè wa? Da shkè!

Jérémie 2:15

Wud marizhèlèhai ta bebrè a géɗèʼa, ta kuɗi a vata, ta ndede kokwar na a hèshèkèd, man ndo a nza a pa azɓai.

Jérémie 51:38

Tèlèba ta da kuɗi ara marizhèlèhai, ta kuɗi ara wud marizhèlè.

Ezéchiel 19:7

A ngedassa gi bihi tengaʼa, a nduma kokwarhi ta. Kokwar tèlèba a skwi te pa tèlèba, ta gi zlau a géɗ mbebrè nengaʼa mbiaʼa.

Ezéchiel 22:25

Tsuvomhi kokwar ngaya ta ara marizhèlèhai man ta bebrè a ta cizlè ndo. Ta ndeda ndohi a ma, ta ngezlama ta skwi mèshèlè a skwi mbelaʼa tengaʼa a ma, a ngwozi kokwar kumba ta nde ta a ngwozi mazai.

Daniel 6:24

A bai a ngoɗa, aman ta hulko ndohi matsa, a nda ngwozi ta a wud ta, man ta pün Daniel, a ta wushede ta a gi marizhèlè. Ga ta ndikè a hwaɗaʼa, marizhèlèhi ta gs ta ma, a ta peɗ ta a ma a vatasla tèlèba.

Osée 11:10

i kezla, i gédèshè ndo ka ɓai. Ta da jèjèr Ndo nzi pèc pècèk man a kuɗi ara marizhèlè. Aman a kuɗai, wudahi tʼherkeda a ma woyam mbiaʼa ta gudzai.

Osée 13:8

I kala ta va ara nvalaval man ta helama na wud na, a i cizlèma ta ndav. A kdadihi ta ndiaʼa, a skwi dak a nde ta ma.

Joel 3:16

Ndo nzi pèc pècèk a bèhè a wuɗai te Sion. Te Jérusalem ta tsena daʼai nengaʼa. Gidfèk a herkeda ta gudzai. Aman Ndo nzi pèc pècèk, sam ndohi na nlèaʼa, gi ndakmaʼa a sam ndohi Israel.

Amos 1:2

A gaɗa: Ndo nzi pèc pècèk a bèhè a wuɗai te Sion. Te Jérusalem a gèɗè a wuɗai. Sam man ndohi nwèr skwai ta wèr skwi a pa, a lèyè; géɗ za Carmel a ngwor na.

Amos 3:4

Marizhèlè tʼhèshèkèɗ a bebrè ambalai, man a ngsa skwi ɓi dè? Kra marizhèlè a goɓa man a ngsa skwi ɓi dè?

Amos 3:8

Aman marizhèlè a kuɗai, ngi zlau azɓi wa? Bi Zhiklè, Ndo nzi pèc pècèk, a goɗa, nhèdè ma azɓi wa?

Zacharie 11:3

Tsenaʼa! Ndohi nwèr skwai ta kuɗai, aman nʼnjèl tengaʼa ngedas na. Tsenaʼa! Marizhèlèhai ta kuɗai, aman nʼnjèl Jourdain ngedas na.

Zacharie 3:1

Te deɓaʼa a ngrayè, ara man Josuè, ndo mvi skwi a Zhiklè mbiaʼa, a nzlatsa a sam gol Ndo nzi pèc pècèk. Sadan a nzlatsa na a tsagai, te civèɗ ri mandai, a mpinèʼa.

Matthew 13:39

Ndo mayam man a wushe dau zizlè, nasa bi-madzagai. Pats man nsla, nengaʼa pats man herkeda a ndev na. Ndohi ntsi dau, tengaʼa golahi Zhiklè.

Matthew 24:42

Gar haha vo-zhoro, aman kin sun pats man Bi kinè a shkè, ɓai. Aman skwi haha va-suna:

Matthew 25:41

Te deɓaʼa a da gaɗa ta tengahi ba man ta te civèɗ ri gula: Kinè ndohi mphomdaʼa, vo-do vogwa, man ntila a gèɗ bi-madzagai a golahi na, man a mbècè azɓai a mèdèp.

Matthew 4:1

Te deɓaʼa Mèzhèɓ Zhiklè a nʼnda Yèsu a hèshèkèɗ, aman bi madzagai a mpi a wai.

Matthew 4:11

Te deɓaʼa bi madzagai a njèkeda Yèsu a pa. Na haha, golahi Zhiklè ta shkè a sam Yèsu, a ta takaha.

Marc 4:15

Tengahi ngiɗè, ta ara zolom civèɗ, man a wusheda ma Zhiklè a pa. A ta tsena ma, aman tsam tsam Sadan a shkè, a helama ta maʼa man nwusha a ndav ta.

Luke 21:34

Aman kinè, va-gu maya a géɗ va kinè, ndav kinè da ndha ɓai a ntétékè skwi nʼndai, a zom, a zlau a géɗ nshèffè kinè tʼherkeda, a pats nasa a shkè a géɗ kinè tsam tsam,

Luke 21:36

Anai va-nza a dai, va-tsu ri pèc pècèk, aman kin zli va kinè auda a sam skwi haha tèlèba man a di a shkè, a kin slaha a kin zlècè a sam kra-ndo.

Luke 22:31

A Yèsu a ngaɗa: Simon, Simon! Na haha, Sadan a woy kinè, a woya mpèvè kinè ara dau.

Jean 8:44

Kinè wudahi bi madzagai, bab kinè, a kin jèjèr ntétékè nengaʼa. Nengaʼa ndo nkeɗe ndo te nhinkaɗ na, a nzi te ma nzuraʼa azɓai, a ma nzuraʼa a te ndav na ɓai. Aman a cèkèlma, di man a na. Nengaʼa ndo ncèkèlma, bab ncèkèlma.

2 Corinthians 2:11

aman Sadan a da ngècè skwi te pa azɓai! Aman nga sun skwi man a woyaʼa.

Ephésiens 4:27

Kin va na civèɗ a bi madzagi ɓai!

Ephésiens 6:11

Va-feda skwi var Zhiklè tèlèba a va, aman kin slaha a kin zlècè a sam man bi madzagai a pe kinè a wai a maya na.

1 Timothy 2:15

Aman te deɓaʼa a da mbél na, man a yi wuda, te maya nlèɓèslè, te ncè-a-ndav, te mwoy-ndo a ndav, a ndav nkezlaʼa.

1 Timothy 2:9

Lèmèlèmè ngwozi ba, i woya aman ta cückwo va ta, a ta vi maslaka a va a di na a di na, a ta til va ta a maya, ta fi va a géɗ ncèffè gèɗ ka ɓai, a guro a skwi wi ka ɓai, a nhèsh maslaka man gani a pa kumba ka ɓai.

1 Timothy 3:11

Ngwozi tengaʼa lèmèlèmè arsa genè, sèi ta gi zuraʼa, ta tsi derngasl azɓai, zom a te gèɗ ɓai, nlèɓèslèa a géɗ skwi tèlèba.

1 Timothy 3:2

Ndo mɓer mizlinè Zhiklè, sèi ndo man ma az a géɗ na ɓai, ndo man ngwoz na staɗgenè, ndo man zom a te gèɗ ɓai, a maya te gèɗ, skwi nengaʼa tèlè ntila amba, a fi ndo a gai, a slaha a nsenda ta ndohai,

2 Timothy 4:17

Aman Bai Yèsu a ntakahayè, a mvay wuɗai, aman i slaha a i njè ma kumba, a ndohi nte deɓa tèlèba ta tsenaʼa. Gar haha i mbelkaɗauda te ma marizhèlè.

Titus 1:8

Aman ndo man a fi ndo a gai, mandai skwi man amba, a ndav amba, ndo nhér skwi nzuraʼa, a gi skwi man Zhiklè a woyaʼa, a gshè va na,

Titus 2:12

a ngatsa nga maya, aman nga jèkeda skwi man ambaha Zhiklè ɓai, a ntétékè herkeda, a nga nzi a nshèffè a géɗ herkeda haha, a nga hér skwi nzuraʼa, a maya, a nga gi zlau Zhiklè;

Titus 2:2

Gaɗa ta ndohi nhalaʼa, aman ta hér skwi man ta giaʼa, aman ta nzi lèɓèslèa, a maya, a ncè-a-ndav nzuraʼa, te mwoy-ndo a ndav, a ta zhèr skwia dai.

Titus 2:4

a ta njè ta dalahi ngwozai, aman ta woy baki ta, ta woy wudahi ta, a ndav amba,

Titus 2:6

Lèmèlèmè golahai: fa ta ma a gèɗ, aman ta hér skwi nzuraʼa.

Jacques 4:7

Gar haha va-fa na gèɗ a Zhiklè. Va-sala va a sam madzagai, a nengaʼa a hi na auda a sam kinè.

1 Peter 1:13

Gar haha va-dzawa va te nhér gèɗ kinè, va-nza a maya, va-ciɗe dai, va-gso va a pombi man kin zhèrè te ndav, a wuɗi tèlè; pombi man kin ngècèʼa, a pats man Yèsu Kristi a da shkè.

1 Peter 4:7

Ndikè-ma skwi tèlèba a herdeka nga va ma. Gar haha, va-nza a nshèffè a maya, a ntsi rai.

Apocalypse 12:10

A i tsena ngèɗè ngiɗè mbiaʼa man a gaɗa te zhiklè: Antanta skwi mʼmbel ndo a wuɗai a kokwar-bai a Zhiklè nga a zhè, a wuɗi-bai a sam Kristi nengaʼa, a géɗ man ta kalda ndo mpin ta kramamhi nga, man a pin ta a pats a vaɗ a sam Zhiklè nga.

Apocalypse 12:12

Gar haha va-wuffa, giɗfèkihai, a kinè man kin te pa! Aman wobau a géɗ herkeda, a géɗ iyam mbiaʼa! Aman bi madzagai a shkèhai a sam kinè, a gi shèwa mbiaʼa, a suna, njèkè patshi nengaʼa kèshkata mènè.

Apocalypse 12:9

A ta kalda skwi man nara kedam matsa aussa, zhüzhok nzlèzlèa, man nzlembaɗ na madzagai a Sadan, man a peda herkeda tèlèba a wai. Ta kalda a herkeda a nda golahi nengaʼa.

Apocalypse 20:10

A bi madzagai man a pe ta a wai, ta kalda a vogwa mbiaʼa, a skwi nvècè vogwa te pa, a sam man skwi dak a ndo nhadka ncèkèlma ba nte pa, a ta ga ta matakwan a pats ba a vaɗ ba a mèdèp.

Apocalypse 20:2

A ngso skwi man nara kedam, zhüzhok zlèzlèa, nengaʼa bi madzagai a Sadan, a ndzawaʼa mvi gozhèm staɗ,

Juges 14:5

Samson a ndo Thimna, a verzi bab na a mam na, a ta zhè te dak Thimna. Gol marizhèlè a hakaɗi a bebrè a ta zli gèɗ.