1 Peter 5:4 - Ma Zhiklè

⁴ Gar haha a pats man ndo mɓer skwi mbiaʼa a da gudko va a dai, kin ngècè skwi mpèɗè gèɗ nʼnjèlè man a gédèshè azɓai.

Mofa New Testament

⁴ Gar haha a pats man ndo mɓer skwi mbia'a a da gudko va a dai, kin ngècè skwi mpèƋè gèƋ n'njèlè man a géƌèshè azɓai.

1 Peter 5:4 ပူးပေါင်းရင်းမြစ်များ

Psaumes 23:1

Dimèsh David. Ndo nzi pèc pècèk, nengaʼa ndo mberyè. Skwi ngiɗè a gay azɓai.

Esaie 40:11

A wèr rèwè na ara ndo mɓer skwai, a humbètè wud tambakihi a ndav nengaʼa, a tiɓish ta a sam staɗ, a lè ta mam tambakihi zhèhèɗ-zhèhèɗèa.

Ezéchiel 34:23

I woy a i va ta ndo mɓer ta staɗgenè, man a war ta: David, ɓèl ga, a da war ta, a gi a ndo mɓer ta.

Ezéchiel 37:24

David, ɓèl ga, a da gi bi tengaʼa. A ta ngècè ndo mɓer ta staɗgenè, a ta da jèjèr ma nkwèr ga a ma kita ga zuraʼa.

Daniel 12:3

Ndohi man maya ta zhè, ta da hel sam ara pats a giɗfèk; a ndohi man ta de ta ndohi kumba a sam ngi-zuraʼa, ta da hel sam ara bantihai, a ma ma a mèdèp.

Zacharie 13:7

Tsakwal, kala na va a ndo nwèr skwi ga, a ndo man ndo ga, Zhiklè bi mbiaʼa a gaɗa. I tsi ndo nwèr skwai, a tambakihi ta venda gèɗ ta, a i gedas ta, man wuɗi ta azɓai.

Jean 10:11

I ndo mɓer skwi man amba. Ndo mɓer skwi man amba a vi nshèffè na a géɗ tambakhi na.

1 Corinthians 9:25

Aman ndo staɗ staɗ tèlèba man a gi var, a ɓir va na te skwi tèlèba; tengahia ngiɗè, aman ta da pa ta skwi var a va man a gédèsh na, a tengahia ngiɗè skwi var man a gédèshè azɓai.

2 Timothy 4:8

anai skwi mpèɗè gèɗ ngi-zuraʼa ntila tʼhi a géɗ ga, nengaʼa man Bai Yèsu, man a gi kita zuraʼa a da vayè a pats nasa, a ga gene ka ɓai, aman a ndohi tèlèba, man ta woyaʼa, a pats man a da gudko va a dai.

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,

Jacques 1:12

Mwuffe a sam ndo man a nza taraʼa man ta pi a wai. Aman ndo man a tsoko gèɗ na auda a sam skwi mpeda a wi ma, a da ngècè skwi mpèɗè gèɗ nshèffè, man Zhiklè a pasla ta ri a ndohi man ta woyaʼa a ndav ta.

1 Peter 1:4

a skwi man nga ngècè te ri Zhiklè man a gedèshè azɓai, a lizhè azɓai, a zi azɓai, ta ɓera kinè te zhiklè te géɗèʼa,

1 Peter 2:25

Aman halaʼa kinè ara tambakihai, man ta zlak ta. Aman anai kin menkaɗa deɓa a sam ndo mɓer skwai, a ndo nwèr nshèffè kinè.

1 Peter 5:2

Va-war rèwè ndohi Zhiklè man ta va kinè a rai, ara Zhiklè man a woyaʼa, a ndav amba, te man ta fa kinè a gèɗ ka ɓai, a géɗ Suli ka ɓai, aman a géɗ man kin woya a ndav kinè;

1 John 3:2

A géɗ nasa herkeda a sen nga ɓai, te man a sun Zhiklè ɓai. Dalahimam ga, nga wudahi Zhiklè a vava. A skwi man nga da ndi a pa te deɓaʼa, a ngudko va a di di ɓai. Aman nga suna, aman a gudoko nga va a dai, nga da gi lèmèlèmè ara nengaʼa, te man nga da rkaʼa ara ngi na.

Apocalypse 1:7

Na haha, nengaʼa a shkè te va vanai, a di staɗ staɗ tèlèba ta da rkaʼa; a ndohi ntuzo ba, a verzi ndohi herkeda tèlèba ta da gi wobau a géɗ nengaʼa. A vava, amen.

Apocalypse 2:10

Ka gu zlau matakwan man ka da sia ɓai! Na haha bi madzagai a da pe ta matrehiaʼa te ndev kinè a dangai, aman a jkédè kinè, a kin si matakwan mʼmèn kula. Nza a nlèɓèslè, ha ka metsi ngaya, a i da va ka mpèɗè gèɗ nshèffè.

Apocalypse 3:11

Na haha, i shkè ndul ndul; ɓür skwi man ka ngotso, ndo ngiɗè da cèma ka mpèɗè gèɗ ngaya ɓai!