1 Peter 4:16 - Ma Zhiklè

¹⁶ Aman ndo ngiɗè a si matakwan, a géɗ man nengaʼa ndo Kristi, da gu hori ɓai, aman da ngreda nzlembaɗ nengaʼa a nslébèrdè Zhiklè.

Mofa New Testament

¹⁶ Aman ndo ngiƋè a si matakwan, a géƌ man nenga'a ndo Kristi, da gu hori ɓai, aman da ngreda nzlembaƋ nenga'a a nslébèrdè Zhiklè.

1 Peter 4:16 ပူးပေါင်းရင်းမြစ်များ

Esaie 24:15

Gar haha vo-slubordo Ndo nzi pèc pècèk a géɗ herkeda te civèɗ mvèng pats, vo-slubordo nzlembaɗ Ndo nzi pèc pècèk, Zhiklè Israel, a géɗ herkeda nte ndev iyam!

Esaie 50:7

Aman Bi Zhiklè a takahayè. Gar haha i ngècè hori a di azɓai. I gwora di ga ara kwa; i suna, Zhiklè a ngwodyè azɓai.

Esaie 54:4

Ka gu zlau ɓai, ka da ngècè hori a di azɓai; ka hur gèɗ ɓai, ka da gi hori azɓai. Hori ngaya man ka bidalai, a da pca ka a gèɗ. Matakwan ngaya man ka ngwoz mazai ka da hérè azɓai.

Actes 11:26

Aman a ngotso, a ndaʼa a kokwar Antioche. Mvi staɗ ta ɓica ndohi Zhiklè te pa, a ta senda ta ndohi kumba. Te Antioche ta hüno a mbèhè golahi Yèsu ndohi Kristi (chrétien).

Actes 26:28

Bi Agrippe a ngaɗa na Paul: Njèkè kètè, ma ngaya a dè a ndav ga, a i gi a ndo Kristi.

Actes 28:22

Aman nga woy a nga tsena ma man ka suna; nga sun skwi ngiɗè a géɗ civèɗ haha ɓai, sèi ara man ta gèɗe skwi ambaɓiaʼa a gèɗèʼa.

Actes 5:41

A ndohi sak to do auda a sam ncèmma a mwuffe, a gèɗ man ta slaha a ta si matakwan a nzlembaɗ Yèsu.

Philippiens 1:20

A i zhèrè te ndav, a i hérèʼa, i woy a i ngècè hori a di azɓai, ko te skwi staɗ. Pèc pècèk, ko antanta ba, i slébèrdè Kristi te va ga, a i fi gèɗ a vna, ko man i zhè a nshèffè, ko i metsi ga.

Philippiens 1:29

Aman kin ngots pombai te Kristi, a kin cè nengaʼa a ndav, a kin si matakwan a géɗ Kristi ba.

2 Timothy 1:12

A géɗ nengaʼa i si matakwan aranta. Aman i gi hori azɓai, te man i sun nengaʼa man i co a ndav, a i sun a vava, nengaʼa a slaha man a ɓeray skwi man a mvay a rai, ha pats ndikèma skwai.

Jacques 2:7

Ta derɗe nzlembaɗ mbelaʼa man Zhiklè a baha kinè a vna, ka ɓi ɗè?

1 Peter 2:12

Va-nza a maya te gèɗ, te ndev ndohi nte deɓa; a tengahia man ta tsa kinè derngasl, ara man kin ndohi malihai, ta rka skwi man amba man kin giaʼa, a ta slébèrdè Zhiklè, a pats man a ncko skwi tèlèba auda a sam nhél sam.

1 Peter 4:11

Ndo man a gèɗ ma, da goɗo ara ma Zhiklè. Ndo man a ngots mizlinè Zhiklè, da gau ara man a slaha, ara man Zhiklè a va na wuɗai. Te skwi tèlèba, va-gau aman kin slébèrdè Zhiklè te Yèsu Kristi. Nʼnjèlè a wuɗai a nengaʼa, te nhinkaɗ na a ma ma a mèdèp. Amen.

1 Peter 4:14

Mwuffe a sam kinè, aman ta derɗe kinè a géɗ nzlembaɗ Kristi; aman Mèzhèɓ Zhiklè, Mèzhèɓ Zhiklè nʼnzalaʼa, a nzi a géɗ kinè.

1 Peter 4:19

Gar haha, tengahiaʼa man ta si matakwan ara Zhiklè man a woyaʼa, sèi ta dè a ma ma a ta gi skwi man amba, a ta vi nshèffè ta a ri a nengaʼa man a ge ta, man nlèɓèslèa.