1 Peter 4:11 - Ma Zhiklè

¹¹ Ndo man a gèɗ ma, da goɗo ara ma Zhiklè. Ndo man a ngots mizlinè Zhiklè, da gau ara man a slaha, ara man Zhiklè a va na wuɗai. Te skwi tèlèba, va-gau aman kin slébèrdè Zhiklè te Yèsu Kristi. Nʼnjèlè a wuɗai a nengaʼa, te nhinkaɗ na a ma ma a mèdèp. Amen.

Mofa New Testament

¹¹ Ndo man a gèƌ ma, da goƌo ara ma Zhiklè. Ndo man a ngots mizlinè Zhiklè, da gau ara man a slaha, ara man Zhiklè a va na wuƌai. Te skwi tèlèba, vagau aman kin slébèrdè Zhiklè te Yèsu Kristi. N'njèlè a wuƋai a nenga'a, te nhinkaƋ na a ma ma a mèdèp. Amen.

1 Peter 4:11 ပူးပေါင်းရင်းမြစ်များ

Psaumes 145:13

Kokwar-bi ngaya, kokwar-bi man a nzi a mèdèp. Ngi-bi ngaya a dè a ma ma ha verzi wud wuda. Ndo nzi pèc pècèk nlèɓèslèa te ma nengaʼa tèlèba, a woy ndo te skwi man a gia tèlèba.

Esaie 8:20

Ndohi maya tengaʼa a ndohi mal-wuɗi tengaʼa a vava ta da gèɗè arsa, man ɓai di tengaʼa nciɗ ɓai.

Jérémie 23:22

Aman agassa ta nza a sam ncèmma ga, ar ta menda ta ma ga a nɗohi ga, a ta helka ta a deɓa a civèɗ tengaʼa man ambaɓai, te maya tengaʼa man ta gu ambaɓai.

Daniel 4:3

Skwi man a ngreda auda mbiaʼa, a nrkedi nengaʼa wuɗitpa! Kokwar-bi nengaʼa, kokwar-bi a mèdèp, ngi-bi nengaʼa a dè a ma ma, te verzi wud wuda.

Daniel 4:34

Te deɓ mvi tsaraɗ, iyè Nebucadnetsar, i pu di a zhiklè, a maya ga a mʼmenkaɗ na a deɓa. I shüd gèɗ a Zhiklè te géɗèʼa, i slébèrdèʼa, a i nzalaʼa, nengaʼa man a nzi a mèdèp, man kokwar-bi nengaʼa a dè a ma ma te verzi wud wuda.

Daniel 7:14

A ta va na wuɗai a nʼnjèlè a wuɗi bai, a ndohi herkeda te verzi tsaɗ tsaɗ a nèʼèn tsaɗ tsaɗ tèlèba ta gu mizlinè nengaʼa. Wuɗi nengaʼa, wuɗi man a nzi a mèdèp, man a ndev azɓai, kokwar-bi nengaʼa a gédèshè azɓai.

Matthew 6:13

Ka de nga a sam man a pe nga a wi ɓai, aman ɓer nga te ri nengaʼa man ambaɓai. Aman kokwar-bi a ngaya, a wuɗai, a nʼnjèlè, pèc pècèk a mèdèp ba. Amen.

Jean 13:31

Aman a nʼndo auda ma, Yèsu a ngaɗa: Antanta kra-ndo nʼnzalaʼa, a nʼnjèlè Zhiklè a gudoko na va a di te nengaʼa.

Actes 7:38

Nengaʼa man a zhè a sam mɓicè ndo tʼhèshèkèɗ, a nda gol Zhiklè, man a gaɗa na a géɗ za Sinai, a nda bababhi nga.

Romans 11:36

Aman te nengaʼa, a géɗ nengaʼa, a sam nengaʼa, skwi tèlèba a zhè. Nʼnjèlè a nengaʼa a mèdèp! Amen.

Romans 12:3

Aman te pombi man Zhiklè a mvayè, i gaɗa kinè staɗ staɗ tèlèba, aman kin gra gèɗ kinè ɓai, a kin gaɗa: I mbiaʼa, i fenaʼa. Aman staɗ staɗ da nza a maya maya, staɗ staɗ te skwi man Zhiklè a mva na te ncè-a-ndav.

Romans 16:27

A Zhiklè man maya na zhè staɗgenè, nʼnjèlè te Yèsu Kristi, te nhinkaɗ na a ndè a ma ma a mèdèp. Amen.

Romans 3:2

Amba te skwi tsaɗ tsaɗ. Nshèlèkuraʼa: Zhiklè a mva ta ma nengaʼa a ri a ndohi Juif.

1 Corinthians 10:31

Ko kin ndi skwai, ko kin si skwai, skwi ko mèmè man kin giaʼa, va-gau tèlèba, aman kin slébèrdè Zhiklè.

1 Corinthians 12:4

Skwi nte Mèzhèɓ Zhiklè, tsaɗ tsaɗ; aman Mèzhèɓ staɗgenè.

1 Corinthians 3:10

Te pombi man Zhiklè a mvayè, i pau verzi gi ara ndo nrèm gi nzuraʼa. Ndo ngiɗè a ɗizlè a géɗèʼa. Staɗ staɗ da gu maya, ara man a ɗizlè a géɗèʼa.

1 Corinthians 6:20

Aman Zhiklè a sumka kinè a deɓa a gani kumba. Gar haha vo-slubordo Zhiklè te va kinè!

2 Corinthians 2:17

Nga ara tengahia ngiɗè man ta gi gani a ma Zhiklè ka ɓai. Aman nga gèɗè ma Zhiklè, nga gèɗèʼa, a ndav nzuraʼa te Zhiklè, a sam di Zhiklè, ara ndohi Kristi.

2 Corinthians 9:13

Mizlinè kinè haha a gi malwuɗai, a ndohi kumba ta slébèrdè Zhiklè, aman ta rka, ara man kin fi gèɗ a ma nengaʼa, a kin njè ma mbelaʼa te Kristi. A ta shid gèɗ a nengaʼa, a géɗ man kin takaha ta te skwi man ta ngatsa ɓai,

Ephésiens 1:19

A kin shin wuɗi mbiaʼa a sam nga, man nga co a ndav, ara wuɗi nʼnjèl na man a sam nga,

Ephésiens 4:29

Va-gu aman ma ambaɓiaʼa da shkè auda te ma kinè ɓai, sèi ma mbelaw, man a gi aman kin grè a ma ma a vna. Vo-goɗ ma, aman a takaha ta ndohi man ta cinèʼa.

Ephésiens 5:20

Va-shüd gèɗ pèc pècèk a géɗ skwi tèlèba, a sam Bab Zhiklè, a nzlembaɗ Bi nga Yèsu Kristi.

Ephésiens 6:10

Te deɓaʼa: Va-nzala va kinè te Bi Zhiklè, a wuɗi nʼnjèl na!

Philippiens 1:11

a nyiè kinè ngutsuɓaʼa te ngi-zuraʼa man a shkè te Yèsu Kristi, a da zhè a nslébèrdè a nshid gèɗ a Bi Zhiklè a vna.

Philippiens 2:11

A nèʼèn tèlè ta ngrédèʼa, Yèsu Kristi Bai, a nʼnjèl Zhiklè, Bab na.

Colossiens 4:6

Va-goɗ te pombi pèc pècèk, wotataʼa ara boma, a kin sun ma man kin mbeɗi a pa a ndo staɗ staɗ tèlèba.

1 Thessalonians 2:4

Aman ara ndohi man Zhiklè a jkede nga, man a mva nga ma mbelaʼa a rai, nga gèɗè arsa: nga woy a nga gi ambaha ta ndohi genè ka ɓai, aman nga gi ambaha Zhiklè man a wèr ndav nga.

1 Timothy 1:17

A sam Bi Yèsu man a zhè a mvi a mvai, man a ndivè azɓai, man nga rka a di ɓai, Zhiklè, man maya na zhè staɗgenè, nslébèrdè a nʼnjèlè pèc pècèk a mèdèp! Amen!

1 Timothy 6:16

nengaʼa staɗgenè, man a metsi azɓai, nengaʼa man a nzi a sam nhélaʼa, man nga slaha nga dè a pa azɓai, man ndo a nrka di ɓai, man ndo a slaha a nrka ɓai, nslébèrdè a wuɗai pèc pècèk a mèdèp. Amen.

Titus 2:1

Aman ka, goɗ skwi ara njè-ma man nzlerɗak a te pa ɓai!

Titus 2:15

Gaɗa ta ma haha, a ka fa ta a gèɗ. Ndo da rka ka ara ndo ambali ɓai!

Hébreux 13:7

Va-hur ndohi ncè kinè ma nhalaʼa man ta njè kinè ma Zhiklè. Va-pu di a ndikèma nshèffè tengaʼa, va-dzodzor ncè-a-ndav tengaʼa.

Hébreux 5:12

Aman kinè, ar amba aman kinè ndohi njèngè ma; aman a woy sèi ndo da slebda kinè skwi nshè-lèkuraʼa te ma Zhiklè di zaʼa; da va kinè wa dai, ɗaf di ka ɓai.

Jacques 1:19

Dalahimam ga, va-suna, ndo staɗ staɗ tèlèba da wosla va a ncinè ma, da goɗ ngèɗè tsam tsam ɓai, da gu ndav tsam tsam ɓai.

Jacques 1:26

Ndo man a huro a jèjèr Bi Zhiklè, aman a jèwè nèʼèn nengaʼa azɓai, a pi ndav na a wi a ri na; njèjèr Zhiklè nengaʼa, skwa ambalai.

1 Peter 2:12

Va-nza a maya te gèɗ, te ndev ndohi nte deɓa; a tengahia man ta tsa kinè derngasl, ara man kin ndohi malihai, ta rka skwi man amba man kin giaʼa, a ta slébèrdè Zhiklè, a pats man a ncko skwi tèlèba auda a sam nhél sam.

1 Peter 2:5

Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezlaʼa, man ta zli skwi te Mèzhèɓ a Zhiklè, man te Yèsu Kristi ta ambaha Zhiklè.

1 Peter 4:10

Skwi mèmè ndo a nʼngotso, da takaha ta ndohi ngiɗè a vna, ara ndohi mɓer skwai man amba, man ta gi mizlinè a pombi Zhiklè tsaɗ tsaɗ.

1 Peter 4:16

Aman ndo ngiɗè a si matakwan, a géɗ man nengaʼa ndo Kristi, da gu hori ɓai, aman da ngreda nzlembaɗ nengaʼa a nslébèrdè Zhiklè.

1 Peter 5:11

Wuɗai a nengaʼa te nhinkaɗ na a mèdèp. Amen.

Jude 1:25

a Zhiklè staɗgenè man a mbel nga te Yèsu Kristi, Bi nga, nʼnjèlè nslébèrdè, wuɗai a wuɗi-bai, te nhinkaɗ na, antanta, a ndè a ma ma a mèdèp. Amen.