1 Peter 3:4 - Ma Zhiklè

⁴ Aman a woy va kinè ntila tʼhwaɗaʼa, a skwi te ndav man a gédè-shè azɓai, a mèzhèɓ nlüɓekwaʼa, a gumai. Nasa skwi mbiaʼa a sam di Zhiklè.

Mofa New Testament

⁴ Aman a woy va kinè ntila t'hwaƋa'a, a skwi te ndav man a géƌèshè azɓai, a mèzhèɓ nlüɓekwa'a, a gumai. Nasa skwi mbia'a a sam di Zhiklè.

1 Peter 3:4 ပူးပေါင်းရင်းမြစ်များ

Psaumes 131:2

A vava, ndav ga a nʼnza, a kuɗi azɓai, ara kra man a njèkeda wa mam na a kuɗi wa asaɓai.

Psaumes 147:6

Ndo nzi pèc pècèk a slambaɗda ta gèɗ a ndohi man ta manda ta gèɗ a hai, a wushede ta ndohi ambaɓihiaʼa a hai.

Psaumes 149:4

Aman Ndo nzi pèc pècèk a wuffè a géɗ ndohi nengaʼa. A mbel ta ndohi nengaʼa man ta manda ta gèɗ a hai.

Psaumes 25:9

A ngra ta civèɗ a ndohi man ta manda gèɗ a hai, a ta jèjèr ma kita nengaʼa, a slebda ta civèɗ nengaʼa a ndo-hai man ta manda gèɗ a hai.

Psaumes 45:13

A ndohi Tyr ta da shkè a skwi mbali te rai, ndohi mèshèlè mbibihiaʼa te kokwar ta da shkè a ta woy a ta gaɗaha bai.

Psaumes 51:6

I gu mali a sam ngaya staɗgenè, i gau skwi man ambaha ka ɓai. Kita man ka ngélèʼa, kita nzuraʼa. Aman ka gi kita, ndo a slaha a nfa ka mali a gèɗ ɓai.

Esaie 11:4

A da gi kita ndohi ntawassaʼa zuraʼa. Aman ndohi mbelawa ta dè kita, a ga ta kita a di na a di na. Ma nengaʼa nara gada ntsi ndo shèwa. Nshèffè man a shkè auda te ma nengaʼa a bazl ta ndohi ambaɓihiaʼa.

Esaie 29:19

Mbela-wahai ta da wuffè zaʼa, a géɗ Ndo nzi pèc pècèk, a ndohi ntawassa holholaʼa ta slébèrdè Zhiklè Israel nkezlaʼa.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 61:1

Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Jérémie 51:59

Ma man Jérémie, ndo nhadka ma, a ngaɗa na Seraja, kra Nérija, kra Machsé-ja, aman a ndo a kokwar Babylone a nda Sédécias, bi Juda, te ngi bi na, mvi mafadaʼa. Seraja, ndo mɓer gi na.

Matthew 11:29

Va-kelawda wof nte daʼai ga a daʼai kinè, va-slebau a sam ga! Aman iyè, i ndo man ndav lüɓekwaʼa, a i manda gèɗ ga a hi a sam tèlèba; a ndav kinè a ngècè nshèk va.

Matthew 21:5

Va-gaɗa na kokwar Sion: Na haha Bi ngaya a shkè a sam ngaya, a ndav amba, a deɓ kɗèh, man a zhüɓ skwai, gol kɗèh.

Matthew 23:26

Kinè ndohi pharisie man kin rka di ɓai! Va-pana hwaɗ kokwi a gandaf, ko deɓa ba a pènè.

Matthew 5:5

Mwuffè a sam ndohi man ndav lübekwaʼa; aman ta da gi a ndohi-nʼndi-herkeda.

Luke 11:40

Ndohi nrzlaʼa! Ndo nʼnga deɓ skwai, a gu ga deɓaʼa a hwaɗaʼa ka ɓi dè?

Luke 16:15

A ngaɗa ta: Kinè ndohi man kin tsoko gèɗ kinè auda a ri kinè, a kin gaɗa: nga ndohi nzuraʼa. Aman Zhiklè a sun ndav kinè. Skwi man ndohi ta fu a skwi mbiaʼa, a ndara na Zhiklè.

Romans 1:23

a ta ngwoda nʼnjèl Bi Zhiklè man a ngwèdè azɓai, a skwi man lèmèlèmè ara ndo man a gédèsh na, ara ɗiakihai, a skwi ndzhamhai, a skwi nda a hwaɗhai.

Romans 2:29

Aman nengaʼa ndo Juif nzuraʼa, man ndo Juif te ndav. Nengaʼa nʼngél ngwon nzuraʼa, man ndav ntila, man ndo a ngoɗ ka ɓai, aman Mèzhèɓ Zhiklè a ngau. Ndo arsa a ngècè nʼnjèlè a sam ndohi ka ɓai, aman a sam Zhiklè.

Romans 6:6

Aman nga suna, nshèffè nga nzlèzlèa ngezlala a Yèsu, aman mali nga a ndev na, a nga gi ɓèl mali a ma ma asaɓai.

Romans 7:22

Ma kita Zhiklè te ndav ga a woy a ngi skwi man amba;

2 Corinthians 10:1

Iyè, Paul, i bid kinè a ri ga a ndav nlüɓekwaʼa, a maya man amba te Kristi. Aman i a sam kinè, i gi huyo kokoʼa; aman i dra a sam kinè, i gèɗè a wuɗai.

2 Corinthians 4:16

Gar haha nga ngézhè azɓai; aman ko va nga a gédèsh na, ndav nga a gi a mɓuaʼa pèc pècèk.

Galates 5:23

ndav nlüɓekwaʼa, ngshè va; ma kita Zhiklè a gedassa skwi haha azɓai!

Ephésiens 4:2

Va-manda gèɗ a hai, a ndav nlüɓekwaʼa, vo-zhor skwi a ma ma, va-lèɓèslè a va kinè, ngiɗè a sam ngiɗè, te mwoy-ndo.

Colossiens 3:12

Gar haha kin ndohi man Zhiklè a mpar ta, ndohi nkezlaʼa, ndohi man a woy ta, va-feda skwi haha a va: nsi ndo te va, ndav nlüɓekwaʼa, mʼmèndè gèɗ a hai, ndav amba, nzhèr skwia dai.

Colossiens 3:3

Aman kin mets kinè ma, nshèffè kinè nʼngheda te Kristi, te Bi Zhiklè.

1 Thessalonians 4:11

a kin gi maya holholaʼa, aman kin nzi tètè, a kin gi mizlinè kinè a ri kinè, ara man nga gaɗa kinè;

2 Thessalonians 3:12

A sam tengaʼa nga fa ta ma a gèɗ, a nga bid ta te Bi Yèsu Kristi, da gu mizlinè, da nza ɓislèʼa, a ta ngècè skwi nʼndi a ri ta.

1 Timothy 2:2

a géɗ bihai, a géɗ ndohi mbibihia tèlè, aman nga nzi te nshèffè a gumai, aman nga gi zlau Zhiklè, a nga nzi lèɓèslèʼa.

2 Timothy 2:25

a ngatsa ta maya a ndav nlüɓekwaʼa a ndohi man ta Sala na va a dai. A zhèrè te ndav, wa ngiɗè ba Zhiklè a takaha ta a ta ngwèdè ndav ta genè, a ta shin ma nzuraʼa;

Titus 3:2

ta dérɗè ndo azɓai, ta gi ndav azɓai, ta woy va ta, ta ngreda ndav nlüɓekwaʼa auda a sam ndohi tèlèba.

Jacques 1:21

Gar haha, va-suɗa skwi nlizhèa, a maya ambaɓiaʼa tèlèba auda a va. Vo-co ma mbelaʼa man ta zlekeda a ndav kinè, a ndav nlüɓekwaʼa. Aman nengaʼa a slaha a mbela nshèffe kinè.

1 Peter 1:23

Kinè ndohi man ta yaka kinè macecèwaʼa, te tser skwi nhuslaʼa ka ɓai, aman te tser skwi man a huslè azɓai, nengaʼa ma nshèffè Zhiklè, man a nzi dai a mèdèp.

1 Peter 3:15

Aman va-kezla ndav kinè, va-nza a ndav ntila pèc pècèk te Bi Yèsu Kristi, aman kin slaha kin mbeɗa ta a ma a ndohi tèlèba, man ta dzhaɗ kinè a géɗ skwi man kin zhèrè te ndav.

I Samuel 16:7

Aman Ndo nzi pèc pècèk a ngaɗa na Samuel: Ndo da ga ka di ɗokɗoka ɓai! Ka hur a géɗ ndo ngurèa ɓai! I woy nengaʼa ɓai. Zhiklè a woy ndo te di azɓai, ara man ndohi ta woyaʼa. Ndohi ta woy ndo te dai; aman Zhiklè a pi di a ndav.