1 Peter 3:16 - Ma Zhiklè

¹⁶ Va-mbeɗa ta a ma a ndav nlüɓekwaʼa, a maya nlèɓèslè. Va-gu aman mèzhèɓ ndav kinè amba, a, tengahiaʼa man ta tsa kinè derngasl, man ta ngwossaha maya nshèffè kinè man amba te Kristi, ta ngècè hori a dai.

Mofa New Testament

¹⁶ Vambeda ta a ma a ndav nlüɓekwa'a, a maya nlèɓèslè. Vagu aman mèzhèɓ ndav kinè amba, a, tengahia'a man ta tsa kinè demgasl, man ta ngwossaha maya nshèffè kinè man amba te Kristi, ta ngècè hori a dai.

1 Peter 3:16 ပူးပေါင်းရင်းမြစ်များ

Daniel 6:4

Te deɓaʼa bihi kokwarhai ta woy a ta ngècè malai a sam Daniel te mizlinè man a ga na bai. Aman ta ngatsa skwa ɓai, ta ngatsa mali ɓai, te man nengaʼa nlèɓèslèʼa, a nhera na gèɗ a va miztinè pèc pècèk. Ta ngatsa skwa a sam na ɓai.

Matthew 5:11

Mwuffè a sam kinè, aman ta ga kinè ma a va, a ta paraha kinè, a ta cèkèlma ambaɓi tsaɗ tsaɗ a géɗ kinè, a géɗ ga.

Actes 24:16

Te deɓaʼa i ba i shindè aman mèzhèɓ ndav ga amba pèc pècèk a sam Zhiklè, a sam ndohai.

Actes 28:22

Aman nga woy a nga tsena ma man ka suna; nga sun skwi ngiɗè a géɗ civèɗ haha ɓai, sèi ara man ta gèɗe skwi ambaɓiaʼa a gèɗèʼa.

Romans 9:1

Iyè ndo Kristi, i gèɗ ma nzuraʼa, i cèkèlma azɓai, ara Mèzhèɓ Zhiklè nkezlaʼa man a gi malwuɗi te ndav ga.

2 Corinthians 1:12

Nga jégèr va a géɗ skwi haha: Mèzhèɓ ndav nga a gi malwuɗai, aman nga nza a maya te nshèffè nga tʼherkeda, holholaʼa a sam kinè: ndav nkezlaʼa, a ndav nzuraʼa, ara Zhiklè man a woyaʼa, a maya ndo ka ɓai, aman a pombi Zhiklè.

2 Corinthians 4:2

Nga kwola skwi man ndohi ta gau, a ta ngheda, te man ta gi hori a géɗèʼa. Nga gi skwi a maya vaya azɓai, nga ngwèɗè ma Zhiklè azɓai, aman nga ngreda mèzhèɓ ndav nga auda a ma nzuraʼa a sam di ndohi tèlèba, a sam di Zhiklè.

1 Timothy 1:19

ɓür ncè-a-ndav, ɓür mèzhèɓ ndav man amba! Skwi haha ndohi ngiɗè ta kwolaʼa, a ncè-a-ndav tengaʼa ngedas na.

1 Timothy 1:5

Ndikèma ma nkwèr Zhiklè: mwoyndo a ndav, man a shkè te ndav mpana, mèzhèɓ ndav man amba, ncè-a-ndav mberzlalahaʼa genè ka ɓai.

2 Timothy 1:3

I shid gèɗ a Zhiklè, nengaʼa man i jèjèrèʼa a mèzhèɓ ndav mpanaʼa, ara man babababhi ga ta gau, a i tsi ri a géɗ ngaya pèc pècèk, a pats a vaɗ.

Titus 2:8

A ma man ncèkèl-ma a te pa ɓai, nlèɓèslèa, man nzlerɗak a te pa ɓai, a nzuraʼa. A ndo mayam agi horai, a ngècè ma ambaɓiaʼa a géɗ nga azɓai.

Hébreux 13:18

Va-tsu rai a géɗ nga! Nga sun a vava mèzhèɓ ndav nga amba, a nga gi maya, aman nga gi zuraʼa te skwi tèlèba.

Hébreux 9:14

holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

1 Peter 2:12

Va-nza a maya te gèɗ, te ndev ndohi nte deɓa; a tengahia man ta tsa kinè derngasl, ara man kin ndohi malihai, ta rka skwi man amba man kin giaʼa, a ta slébèrdè Zhiklè, a pats man a ncko skwi tèlèba auda a sam nhél sam.

1 Peter 2:15

Gar haha Zhiklè a woyaʼa, aman kin pizlèma ta ma a ndohi nrzlaʼa, a ndohi man ta sun skwa ɓai, a skwi man amba man kin giaʼa.

1 Peter 2:19

Aman ndo man a si matakwan, a nzhüɓ skwi mwuɗitpa a géɗ man a hér Zhiklè, ambaha Zhiklè.

1 Peter 3:21

Iyam sa, skwi nlèmdè a sam kinè antanta a iyam baptême, a géɗ man nga mbel nga. Baptême a géɗ mpèn va genè ka ɓai, aman baptême a géɗ man Zhiklè a mva nga mèzhèɓ ndav man amba, skwi mʼmbel nga te nslambaɗkaɗ Yèsu Kristi auda, man a do a géɗèʼa, a zhiklè,

1 Peter 4:4

Aman antanta kin dè a nda tengaʼa a kin jèjèr maya tengaʼa man ambaɓi azɓai, ta rzl ta a ta derɗe kinè.