1 Peter 2:2 - Ma Zhiklè

² Va-gu ara wudahi man a wa: va-woy wa man amba zuraʼa, wa te Mèzhèɓ Zhiklè, aman a nengaʼa kin grè a ma ma a sam mʼmbél kinè,

Mofa New Testament

² Vagu ara wudahi man a wa: vawoy wa man amba zura'a, wa te Mèzhèɓ Zhiklè, aman a nenga'a kin grè a ma ma a sam m'mbél kinè,

1 Peter 2:2 ပူးပေါင်းရင်းမြစ်များ

II Samuel 23:5

Gi ga a sam di Zhiklè arsa. Nengaʼa a mpaslay ri a hai a mèdèp, ntila mbelembela tèlèba, a nengaʼa a ɓerèʼa; a nengaʼa a gi a skwi tèlèba a gi a skwi mʼmbelyè a skwi man ambahayè.

Job 17:9

Ndo nzuraʼa a nzi taraʼa a civèɗ na. Ndo man ri mpanaʼa a ngècè wuɗi a ma ma.

Proverbes 4:18

Civèɗ ndohi nzuraʼa, nara skwi nhél sam man a hél sam a ma ma, ha géɗ pats.

Osée 14:5

I woy a i gi a minmèn a sam Israel, da winè ma na ara nwurzhè, da tsu zluzlor ara wof te Liban.

Osée 14:7

Tengaʼa man ta nza a mèzhèɓ nengaʼa ta da menkada deɓa, a ta gi aman dau a grè, a ta wurzhè ara wof te gi lak, a ta wuffè a géɗèʼa ara iyam nyi wof te Liban.

Osée 6:3

Nga fa na gèɗ a pa a nga shin Ndo nzi pèc pècèk! Nga ngècèʼa a vava ara mvangkaɗ pats. A da shkè a sam nga ara iyam man a shkè, ara iyam nshèlèkuraʼa man a ruɓa herkeda.

Mal. 4:2

Aman a kinè, man kin slébèrdè nzlembaɗ ga, pats ngizuraʼa a vèngè, a skwi mʼmbel ndo te va sakaʼa. Kinè, kin dè auda a kin tsi ɓarwasl ara kra zlè man a hakaɗauda te kuɗom.

Matthew 18:3

a ngaɗa: A vava i gaɗa kinè, aman kin ngwèdè ndav kinè azɓai, a kin ndi ara wudahi ka ɓai, kin dè a kokwar-Bi-Zhi-klè azɓai.

Matthew 19:14

Aman Yèsu a gaɗa: Va-jèk ta wudahi aman ta shkè a sam ga. Kin gedassa civèɗ tengaʼa ɓai! Aman kokwar-Bi-Zhiklè a ndohi ara tengaʼa.

Marc 10:15

A vava i gaɗa kinè: ko wawa man a cè kokwar Bi Zhiklè ara kra azɓai, a dè a pa azɓi fèt.

Luke 18:17

A vava, i gaɗa kinè: Ko wawa man a cè kokwar Bi Zhiklè ara kra azɓai, a dè a pa azɓai.

Romans 6:4

Gar haha te baptême, nara man ta re nga a vèvèɗ a nda nengaʼa. Aman lèmèlèmè ara Kristi a nslambaɗkaɗauda te va ndohi mʼmetsaʼa, a sam nʼnjèl Bab na, lèmèlèmè nga, sèi nga dè te nshèffè mɓuaʼa.

1 Corinthians 14:20

Dalahimam ga, kin ndeda va kinè a wudahi a sam mʼmbeɗi a ma ɓai!

Ephésiens 2:21

A géɗ nengaʼa gi tèlèba a grè a ma ma. Nengaʼa a gshèʼa, aman a gi a gi Zhiklè nkezlaʼa te Bai Yèsu.

Ephésiens 4:15

Ngo-goɗokoy ma nzuraʼa te mwoy-ndo, ngo-grokoya te skwi tèlèba a sam Kristi, nengaʼa gèɗèʼa.

2 Thessalonians 1:3

Dalahimam nga, man nga woy kinè: Sèi nga shid gèɗ a Zhiklè pèc pècèk a géɗ kinè. Nasa amba. Aman ncè-a-ndav kinè a grè a ma ma a vata, lèmèlèmè mwoyndo a ndav kinè, ngiɗè a sam ngiɗè.

1 Peter 1:23

Kinè ndohi man ta yaka kinè macecèwaʼa, te tser skwi nhuslaʼa ka ɓai, aman te tser skwi man a huslè azɓai, nengaʼa ma nshèffè Zhiklè, man a nzi dai a mèdèp.

2 Peter 3:18

Va-gra a ma ma te pombai, te nshin Bi nga a Ndo mʼmbel nga Yèsu Kristi. Nʼnjèlè a nengaʼa antanta, a ma ma, a mèdèp! Amen!