1 Peter 1:7 - Ma Zhiklè

⁷ Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè mʼmbi holholaʼa, a fena guro, sei ta jkedèʼa aranta, a ndi a nshid gèɗ, a nslébèrdè nʼnjèl Yèsu Kristi a pats man a gudko va a dai.

Mofa New Testament

⁷ Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè m'mbi holhola'a, a fena guro, sei ta jkedè'a aranta, a ndi a nshid gèƌ, a nslébèrdè n'njèl Yèsu Kristi a pats man a gudko va a dai.

1 Peter 1:7 ပူးပေါင်းရင်းမြစ်များ

Job 23:10

Nengaʼa a sun civèɗ man i bizhè a pa. Aman a jkedyè, a ngatskayè ara guro ndaɓaiaʼa, mwosla a vogwa.

Job 28:1

A vava, a sam ngiɗè ta ngècè verzhègenè, a sam ngiɗè ta ngècè guro ndaɓalaʼa.

Psaumes 17:3

Ka jkeda ndav ga, ko a vaɗ ka rkaʼa. Ka wuzhè ndav ga, ka ngècè skwi ambaɓiaʼa a sam ga azɓai. Ma ga a gi mali azɓai.

Proverbes 16:16

Dara nga ngots maya, a gèɗ man nga ngots guro; dara man nga sun skwai, a géɗ man nga ngècè sulai.

Proverbes 17:3

Ara gezla a wèsl züdo a guro, lèmèlèmè arsa Ndo nzi pèc pècèk a jkeda ndav ndohai.

Proverbes 8:19

Skwi man a shkè auda te iyè a fena guro, guro ndaɓalaʼa; skwi man i ckoɗauda a fena sulai.

Ecclésiaste 5:14

Ara man a shkè auda tʼhwaɗ mam na, adai, a minè a deɓa a vèvèɗ, adai. Skwi man a ngots te mizlinè nengaʼa, ko staɗ ba, azɓai, aman a cè a rai.

Esaie 48:10

Na haha i wosl ka, aman ara mwèsl verzhè-genè ka ɓai; i jkede ka a matakwan, ara man ta wèsl züdo te gezla.

Jérémie 48:36

Gar haha gèɗ ga a tsi ganzavar a géɗ Moab, gèɗ ga a tsi ganzavar a géɗ Kir-Hérès, a géɗ man skwi tèlèba man ta ɓica, a nde na.

Jérémie 9:7

Gar haha Zhiklè bi mbiaʼa a gaɗa: I woya a i wosl ta ara züdo, a i jkede ta. I slaha a i gi skwi ngiɗè a géɗ ndohi ga dè?

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Mal. 3:3

Ndo nzi pèc pècèk a da nzi a hai, a wèsl skwi tèlèba, a pènè skwi tèlèba, a da til wudahi Lévi, a da wosl ta ara guro a verzhègenè, aman ta va na skwi a Zhiklè zuraʼa.

Nombres 5:28

Aman ngwoz nʼnga mali ɓai, va nengaʼa nlizhɓai, ar skwa a ga na azɓai, a slaha a ngècè kra.

Matthew 19:28

Yèsu a ngaɗa ta: A vava, i gaɗa kinè: Kinè, aman kin dzadzarkayè: a pats man herkeda a gi a mɓuaʼa, aman kra-ndo a nzi a géɗ sam nʼnzi bi nʼnjèl na, kinè ba kin da nzi a géɗ sam nʼnzi bi 12, a kin da ga ta kita a verzi ndohi Israel 12.

Matthew 25:21

Bi na a ngaɗa na: Ka gu amba, ɓèl ga nlèɓèslèʼa, man amba. Ka lèɓèsla a géɗ skwi nkèshèʼa. Anai i da ge ka a ndo mɓer skwi mbiaʼa. Do a sam mwuffe bi ngaya!

Matthew 25:23

Bi na a ngaɗa na: Ka gu amba, ka ɓèl ga nlèɓèslèʼa man amba. Ka lèɓèsla a géɗ skwi nkèshèʼa. I da ga ka a ndo mɓer skwi mbiaʼa. Do a sam mwuffè bi ngaya!

Luke 12:33

Va-preda skwi kinè a ma, va-va ta skwi a ndohai, va-doho gozhèm, man ta hèlè azɓai, a kin ɓüco skwi mèshèlè man a zi azɓai te zhiklè, a sam man ndo metsar a dè a pa azɓai, a pombok a ndiaʼa azɓai.

Luke 17:30

Lèmèlèmè a da gia a pats nasa, aman kra-ndo a gudko va a dai.

Jean 12:26

Ndo man a woya a ntakahayè, sèi a dzadzar-kayè. A sam man iyè a pa, ndo ntakahayè ba a pa. Ndo man a takahayè, Bab ga a slébèrdèʼa.

Jean 5:44

Aman kin woy aman ndohi ta slebarde kinè, kin woya man a Zhiklè ka ɓai, ncè-a-ndav kinè mè?

Actes 8:20

A Pierre a ngaɗa na: kinè a Suli ngaya sèi da gedas na, a gèɗ man ka huro, skwi man Zhiklè a viaʼa, ndo a ngècè a sulai.

Romans 2:10

Nslébèrdè a nʼnjèlè a gumai a sam ndohi man ta gi skwi man amba: nshèlèkuraʼa a sam ndohi Juif, te deɓaʼa a sam ndohi man Juif ka ɓi ba.

Romans 2:29

Aman nengaʼa ndo Juif nzuraʼa, man ndo Juif te ndav. Nengaʼa nʼngél ngwon nzuraʼa, man ndav ntila, man ndo a ngoɗ ka ɓai, aman Mèzhèɓ Zhiklè a ngau. Ndo arsa a ngècè nʼnjèlè a sam ndohi ka ɓai, aman a sam Zhiklè.

Romans 2:7

Nshèffè a mèdèp a sam ndohi man ta nza taraʼa te mizlinè man amba, a ta zhèr I nslébèrdè, a nʼnjèlè, a skwi man a gédèshè azɓai.

Romans 8:19

Aman skwi man Zhiklè a gu tèlèba a zhèrèʼa, aman nʼnjèl wudahi Zhiklè a gedkaɗauda.

1 Corinthians 3:13

mizlinè ndo staɗ staɗ a di a ngredè auda. Pats nʼndikèma skwai a da ngredè auda; mizlinè a da ngredè va na auda te vogwa, a mizlinè ndo staɗ staɗ, ko mizlinè mèmè, vogwa a jke-dèʼa.

1 Corinthians 4:5

Gar haha kin bazla na mali a gèɗ a ndo ngiɗè tsam tsam ɓai, sèi Bai Yèsu a shkè, nengaʼa a di a cko skwi tèlè auda a sam nhélaʼa, ko skwi man nʼnghedaʼa te ruva, a ngrédè skwi man ndohi ta hérè te ndav ta, auda. Te deɓaʼa Bi Zhiklè a slébèrdè ndo staɗ staɗ, ara man a ngècè a géɗ skwi man a gau.

Jacques 1:12

Mwuffe a sam ndo man a nza taraʼa man ta pi a wai. Aman ndo man a tsoko gèɗ na auda a sam skwi mpeda a wi ma, a da ngècè skwi mpèɗè gèɗ nshèffè, man Zhiklè a pasla ta ri a ndohi man ta woyaʼa a ndav ta.

1 Peter 1:13

Gar haha va-dzawa va te nhér gèɗ kinè, va-nza a maya, va-ciɗe dai, va-gso va a pombi man kin zhèrè te ndav, a wuɗi tèlè; pombi man kin ngècèʼa, a pats man Yèsu Kristi a da shkè.

1 Peter 1:5

a kinè man a géɗ ncè-a-ndav, wuɗi Zhiklè a ɓer kinè a sam mʼmbel ndo, man ntila, man a di a gudko va a dai a pats ndikèma skwai.

1 Peter 2:4

Va-herda na va, ara a sam kwa nshèffè man ndohi ta kwolaʼa, man Zhiklè a nco a skwi mbelaʼa a sam di na.

1 Peter 2:7

Nengaʼa kwa mbelaʼa a sam kinè, man kin co a ndav. Aman a sam ndohi nca a ndav ɓai, kwa man ndohi nɗizlè gai ta kwolaʼa.

1 Peter 4:12

Kinè dalahimam ga, kin rzl kin ɓai a géɗ skwi mwuɗitpa man a ga kinè antanta, aman ta pe kinè a wi tsaɗ tsaɗ. Kin hur ɓai: skwi haha nkèkèkè?

1 Peter 4:13

Aman va-wuffa, te man kin si matakwan a nda Kristi, aman a pats nda gudko va a nʼnjèl nengaʼa, kin da wuffè a kin gi langlangaʼa.

1 Peter 5:1

I bid ta ndohi mɓer ndohi Zhiklè te ndev kinè, iyè ndo mɓer ndohi Zhiklè a nda tengaʼa ba, ndo malwuɗi matakwan Kristi, ndo man i ngècè skwi nʼnjèlè man a da gudko va a dai.

2 Peter 1:1

Simon Pierre, ɓèlè, ndo sak Yèsu Kristi, a sam tengahi man ta ngots ncè-a-ndav mbelaʼa lèmèlèmè ara nga, te ngi-zura Bi Zhiklè a Ndo mʼmbel nga Yèsu Kristi.

2 Peter 1:4

Te nʼnjèlè a wuɗi nengaʼa nga ngots skwihi man a mpasla nga rai, mbelaʼa mbiaʼa holholaʼa, a géɗ tengaʼa kin slaha kin mbel kinè te ri ntétékè tʼherkeda man a gédèshè ndo, a nge kinè ara Zhiklè.

2 Peter 3:14

Gar haha, dalahimam ga, va-gu maya a vata, aman a da ngats kinè te gumai a sam di na, ma az a gèɗ kinè ɓai, te mali ka ɓai.

Jude 1:24

A nengaʼa, man a slaha a mɓer kinè, aman kin kèlèhi a mali azɓai, aman a zlatsede kinè a sam di na a nʼnjèl na, jè-lèlèʼa, a mwuffe,

Apocalypse 1:7

Na haha, nengaʼa a shkè te va vanai, a di staɗ staɗ tèlèba ta da rkaʼa; a ndohi ntuzo ba, a verzi ndohi herkeda tèlèba ta da gi wobau a géɗ nengaʼa. A vava, amen.

Apocalypse 2:10

Ka gu zlau matakwan man ka da sia ɓai! Na haha bi madzagai a da pe ta matrehiaʼa te ndev kinè a dangai, aman a jkédè kinè, a kin si matakwan mʼmèn kula. Nza a nlèɓèslè, ha ka metsi ngaya, a i da va ka mpèɗè gèɗ nshèffè.

Apocalypse 3:10

A géɗ man ka ɓür ma ga, a ka zhèr skwi a dai, i ba i woy a i ɓir ka a sam njkédè ndo, man a di a shkè a géɗ ndohi herkeda tèlèba.

Apocalypse 3:18

I gaɗa ka ma maya staɗ: sèi ka shum guro man vogwa a mwoslaʼa, a ka ndi a ndo mèshèlè; a ka shum maslaka nslekaɗaʼa, a ka feda a va, a hori ngaya man ka adai a gidè auda azɓai; a ka shum madzaf dai, a ka da geda a di ngaya, a ka rka di zuraʼa.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.