1 Peter 1:6 - Ma Zhiklè

⁶ Mwuffe kinè a zhè a géɗ nengaʼa, ko man antanta kin kuɗai a géɗ skwi tsaɗ tsaɗ man a pe kinè a wai.

Mofa New Testament

⁶ Mwuffè kinè a zhè a géƋ nenga'a, ko man antanta kin kuƋai a géƋ skwi tsaƋ tsaƋ man a pe kinè a wai.

1 Peter 1:6 ပူးပေါင်းရင်းမြစ်များ

Psaumes 119:28

Ndav ga a nʼndha a kuɗa a gèɗ nlèyè. Slambaɗdyè ara man ka goɗ te ma ngaya!

Psaumes 119:75

Ndo nzi pèc pècèk, i suna, kita ngaya kita nzuraʼa, a ka manday gèɗ a hi a vava.

Psaumes 34:19

Ndo nzi pèc pècèk a zhè ndul ndul a sam ndohi man ndav ta a mbeɗè, a taka-ha ta tengaʼa man ta kuɗi te ndav.

Psaumes 35:10

Nfèfèn va ga tèlèba ta da gèɗèʼa: Ndo nzi pèc pècèk, ntar ka wa? Man a mbél mbelawa te ri ndo mbiaʼa man a fena nengaʼa, a mbél ndo ntawassaʼa te ri ndo metsar?

Psaumes 69:20

Ka suna ara man ta derɗyè, hori a di ga, ta ngwossahayè. Ka rka ta ndohi nʼngay matakwan.

Psaumes 9:14

Ndo nzi pèc pècèk, i da se ka te va! Na haha i gi mbelawa a sam ndohi man ta gi shèwa a iyè. Ka ckay a deɓa a ntama-gi mʼmetsai,

Psaumes 95:1

Vo-washkè, ngo-slokoy dimèsh mwuffè a Ndo nzi pèc pècèk, a nga nzala za skwi mʼmbel nga!

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 61:3

A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Matthew 11:28

Vo-washkè a sam ga, kin tèlèba man ntulè a keɗ kinè, man skwi mwuɗitpa a ga kinè, a i da va kinè nshèk va.

Matthew 26:37

A nco Pierre a wudahi Zébédée cèw a nda nengaʼa, a hüno man a nkudi te ndav na, ndav nengaʼa a mbeɗè.

Matthew 5:12

Va-wuffa, va-gu langlangaʼa, aman skwi ntul kinè a gi a mbiaʼa te zhiklè, te géɗèʼa. Aman ta paraha ta ndohi nhadka ma halaʼa lèmèlèmè.

Luke 1:47

Mèzhèɓ ga a wuffè te Bi Zhiklè, Bi mʼmbelyè!

Luke 10:20

Aman kin wuffa ɓai, a gèɗ man mèzhèɓhi ambaɓihiaʼa ta tsena ma kinè; aman va-wuffa, a gèɗ man nzlembaɗ kinè mwindèʼa te zhiklè.

Luke 2:10

A gol Zhiklè a ngaɗa ta: Kin gu zlau ɓai! Na haha, i njè kinè ma mbelaʼa a mwuffe mbiaʼa, man a dè wuf-fedè ndohi tèlèba.

Jean 16:22

Kinè ba, antanta kin lèyè te ndav kinè. Aman nga da ngècè va zaʼa, a ndav kinè a da wuffè, ndo ngiɗè a da cè mwuffè auda te ndav kinè azɓai.

Jean 16:33

Na haha i gaɗa kinè a kin gumi te iye. Tʼherkeda matakwan a ga kinè. Aman va-gsa ndav kinè, i ngul herkeda.

Actes 14:22

a ta va ta wuɗi a golahi Yèsu, a ta bid ta, aman ta nzi taraʼa te ncè-a-ndav tengaʼa. Ta gaɗa, sèi nga bi-zhè a ndev skwi man wuɗitpa kumba, ga nga dè a kokwar Bi Zhiklè.

Romans 12:12

Va-wuffa te nzhèrè te ndav, vo-zhor skwi a dai te matakwan, va-tsu rai, kin ndeva ɓai!

Romans 5:11

Aman klèng di ka ɓai. Aman nga wuffè a géɗ Zhiklè te Bi nga Yèsu Kristi, te nengaʼa nga ngots skwi mʼmindè gumi a hai.

Romans 5:2

Te Yèsu, a ncè-a-ndav, nga ngots civèɗ pombi haha. Nga-wuffokoya, a nga zhèr nʼnjèl Zhiklè te ndav, man a di a shkè, man Zhiklè a da va nga.

Romans 9:2

Nlèyè mbiaʼa a keɗyè, ndav ga a mbeɗè pèc pècèk.

2 Corinthians 4:17

Aman skwi nga mwuɗitpa haha nkèshèa, a nzi a vata azɓai, a gi a nʼnjèl mbiaʼa man amba holholaʼa a mèdèp, te ndav nga,

2 Corinthians 6:10

Nga ndohi man nga kuɗai, aman nga wuffè pèc pècèk ba. Nga ndohi ntawassaʼa, aman nga ga ta ndohi kumba a ndohi mèshèlè genè. Nga ndohi man nga ngatsa skwi ɓi fèt, aman skwi tèlè a nga genè.

Galates 5:22

Skwi man a shkè auda te Mèzhèɓ: Mwoy ndo a ndav, mwuffe, gumai, nzhèr skwi a ma ma, ndo a se ka te va, ndav amba, nlèɓèslèa,

Philippiens 2:26

Mpataka kinè tèlèba a keɗaʼa, a ndav nengaʼa mʼmbeɗa, a géɗ man kin tsenaʼa, ara man nengaʼa mbelakaɓai.

Philippiens 3:3

Aman nga ngots nʼngél ngwon nzuraʼa, nga man nga gi mizlinè Zhiklè te Mèzhèɓ nengaʼa, a njégèr va nga a zhè, nengaʼa Yèsu Kristi; nga fi gèɗ a ndo ara nyakaɗ na ka ɓai.

Philippiens 4:4

Va-wuffa te Bai Yèsu pèc pècèk, a i gaɗa kinè zaʼa: Va-wuffa!

1 Thessalonians 1:6

A kin lèmdè va kinè a nga, a Bai Yèsu. A kin co ma mbelaʼa te va man matakwan a zhè, a kin wuffa te Mèzhèɓ Zhiklè nkezlaʼa.

Jacques 1:2

Dalahimam ga, aman skwi tsaɗ tsaɗ a pe kinè a wai, va-rka ara mwuffè genè!

Jacques 1:9

Kramam nkèshèa, mohova ndo, da dzugor va a géɗ man Bi Zhiklè a slambaɗda na gèɗ.

Jacques 4:9

Va-hur mali kinè, va-loyo, va-kuɗau! Nʼngwèshè kinè da ngwode na a kuɗa; mwuffe kinè da ngwode na a nlèyè.

1 Peter 3:17

Dara man kin si matakwan a géɗ skwi man amba, aman Zhiklè a woyaʼa, a géɗ man kin si matakwan a géɗ skwi man ambaɓai.

1 Peter 4:7

Ndikè-ma skwi tèlèba a herdeka nga va ma. Gar haha, va-nza a nshèffè a maya, a ntsi rai.

1 Peter 5:10

Aman Zhiklè pombi tèlèba, man a baha kinè a sam nʼnjèl nengaʼa man a nzi a mèdèp te Kristi, a di a til kinè, a nzal kinè, a va kinè wuɗai, a pi verzi nshèffè kinè man a gidè va azɓai, kinè man antanta skwa a dza kinè kèshkata.

I Samuel 2:1

Anne a ntsu ri a Zhiklè, a ngaɗa: Ndav ga a wuffè te Ndo nzi pèc pècèk. Zhiklè a nslambaɗday gèɗ, a ndzegaryè a vata. Ma ga a winè twèng a sam mayamhi ga, aman i wuffè a gèɗ skwi man a takahayè a vna.