1 Peter 1:2 - Ma Zhiklè

² man Zhiklè, Bab nga, a mpar ta ara man a hur halaʼa te Mèzhèɓ nengaʼa, a ta pi ndav a nengaʼa, ta pana a pombaz Yèsu Kristi. Zhiklè da va kinè pombai a gumi kumba!

Mofa New Testament

² man Zhiklè, Bab nga, a mpar ta ara man a hur hala'a te Mèzhèɓ nenga'a, a ta, pi ndav a nenga'a, ta pana a pombaz Yèsu Kristi. Zhiklè da va kinè pombai a gumi kumba!

1 Peter 1:2 ပူးပေါင်းရင်းမြစ်များ

Esaie 55:7

Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.

Esaie 65:22

Ta da rèm gi a ndohi ngiɗè ta nzi a pa azɓai. Ta gi gi lak a ndohi ngiɗè ta ndi nyiè azɓai. Mvi ndohi ga, a gi ara mvi wof, a ndohi man i par ta ta gi mizlinè a skwi man ri tengaʼa a ngau.

Esaie 65:9

I gi a ndohi ta shkè auda te verzi Jacob, a ndo nʼndi za ga te ndev ndohi Juda. Ndohi man i par ta ta ngècèʼa, a ɓèlèlihi ga ta nzi a pa.

Daniel 4:1

A bi Nebucadnetsar a nzlündo ma a sam ndohi tʼherkeda tèlèba, ndohi a nèʼèn tsaɗ tsaɗ tèlèba: Zhiklè da va kinè gumi a ma ma!

Daniel 6:25

Te deɓaʼa bi Darius a nzlündo ɗèlèwèr a sam ndohi tèlèba, te verzi tsaɗ tsaɗ, a nèʼèn tsaɗ tsaɗ a géɗ herkeda tèlèba:

Lèv. 1:5

Te deɓaʼa a zlaha zlè a sam di Ndo nzi pèc pècèk. A wudahi Aaron, ndohi mvi skwi a Zhiklè, ta cè Pombaz, a ta gucedahai a tsagi sam mvi skwi a Zhiklè, man a zhè a ntamagi gi mɓicè-va.

Matthew 24:22

Aman Zhiklè nda takossa patshi sa ɓai, ar ndo a mbélè azɓai. Aman a géɗ ndohi man Zhiklè a mpar ta, a da tokossa patshi sa.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèɗè, a ta ngreda skwi malwuɗi mbiaʼa, a nrkedai, aman ta pèkètède ta ndohi mparahiaʼa ba, man ta slaha.

Matthew 24:31

A nengaʼa a di a zlinde ta golahi nengaʼa, a ta tsi tolom mbiaʼa, a ta ɓic ta ndohi mparahiaʼa, te tsagi herkeda faɗ, te verzi gai, ndè a verzi gi ngiɗè.

Marc 13:20

Aman Zhikiè a ntakossa patshi sa ɓai, ar ndo a mbélè azɓai. Aman a géɗ ndohi man Zhiklè a mpar ta, a ntakossa patshi sa.

Marc 13:22

Aman Kristihi ncèkèlma, a ndohi nhadka ncèkèlma ta da slèmbèɗè, a ta da ngreda skwi malwuɗai a nrkedai, man ta pèkètèdè ndohi man Zhikiè a mpar ta, man ta slaha.

Marc 13:27

Te deɓaʼa a da zlinde ta golahi nengaʼa, a ta ɓic ta ndohi man a mpar ta te tsagi herkeda faɗ, te verzi zhikiè, a ndè a verzi zhikiè ngiɗè.

Luke 18:7

A Zhiklè a takaha ta ndohi man a parka ta, azɓi dè, man ta tsi riaʼa a pats a vaɗ? A gi ndawali a ntakaha ta dè?

Actes 15:18

Bi Zhiklè a goɗ ar haha, nengaʼa man a gi skwi haha tèlèba, a ngreda auda nʼnzi a zhè.

Actes 2:23

Te deɓaʼa, aman ta feda a kita ma, ara Zhiklè a nhur zlèzlèa a woya a ngiaʼa, kin gezlalaʼa, a kin va ta a ri a ndohi malihai a ta keɗaʼa.

Actes 20:32

Anai, i pe kinè a ri Zhiklè, a ma pombi nengaʼa. Nengaʼa a nʼngots wuɗai, man a nzal kinè a ma ma, a mva ta skwi man ta da ngècè te ri Zhiklè a ndohi tèlèba man ndav ta nkezla a nengaʼa.

Romans 1:5

A géɗ Yèsu Kristi, Bi nga, nga ngots pombai, nga ngots mizlinè ndo sak, aman a nzlembaɗ nengaʼa ndohi herkeda tèlèba ta cè a ndav, a ta fi gèɗèʼa.

Romans 1:7

Zhiklè a woy kinè tèlèba, a baha kinè a ndohi nengaʼa nkezlaʼa: Pombai a nda kinè, a gumi te Zhiklè, Bab nga, a Bi Yèsu Kristi.

Romans 11:2

Zhiklè a nkwol ndohi nengaʼa man a par ta halaʼa ɓai. Aman kin sun ɓi ɗè, ɗèlèwèr Zhiklè a goɗ a géɗ Elie – ara man Elie a ntsu ri a sam Zhiklè a géɗ Israel, a ngaɗa:

Romans 11:28

A sam mizlinè ma mbelaʼa, ndohi Juif ara mayamhi Zhiklè a géɗ kinè. Aman a géɗ pombi Zhiklè man a par ta, ta mandala, a géɗ bababhi ta.

Romans 15:16

Pombi nengaʼa a ngyè a ndo mizlinè Yèsu Kristi te ndev ndohi nte deɓa, a i gi mizlinè Zhiklè te ma mbelaʼa, aman ndohi nte deɓa ta ndi a skwi mvi a Zhiklè, man ambaha Zhiklè, ndohi nkezlaʼa te Mèzhèɓ Zhiklè nkezlaʼa.

Romans 16:19

Aman labar ma kinè, ara man kin fa na gèɗ a ma Zhiklè, a zlèzlèmè, a ndohi tèlèba ta suna. Gar haha i wuffè a géɗ kinè, i woy aman kin gi maya a sam skwi man amba, a kin kwol skwi man ambaɓai.

Romans 16:26

nʼngreda auda a ɗèlèwèr ndohi nhadka ma antanta. Bi Zhiklè man a nzi a mèdèp a goɗ aman ta senda ta ndohi nte deɓa, aman ta cè a ndav a ta fi gèɗèʼa.

Romans 8:13

Aman kin jèjèr ntétékè nte va kinè, kin da metsi kinè. Aman kin gedassa ntétékè nte va kinè a Mèzhèɓ, kin da nzi a nshèffè.

Romans 8:33

Nwoya man a pin ta ndohi man Zhiklè a mpar ta wa? Zhiklè, nengaʼa a nge ta a ndohi nzuraʼa.

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

1 Corinthians 6:11

Ndohi tsaɗ tsaɗ te ndev kinè ta gu arsa zlèzlèa. Aman kin pana, kin kezla, kin gaʼa a ndohi nzuraʼa te nzlembaɗ Bi Yèsu Kristi, te Mèzhèɓ Zhiklè nga ma.

2 Corinthians 10:5

Nga gédèshè skwi man amba man ta huro amba man a woya a gre gèɗ na a sam nshin Zhiklè, a nga gseda nhér gèɗ ndohi tèlèba a hai a ta fi gèɗ a ma Kristi.

Deutéronome 7:6

Aman kinè ndohi nkezlaʼa a sam Ndo nzi pèc pècèk, Zhiklè ngaya. Kinè man Ndo nzi pèc pècèk a mpar kinè auda a kin gi a ndohi na te va ndohi herkeda ngidè tèlèba.

Colossiens 3:12

Gar haha kin ndohi man Zhiklè a mpar ta, ndohi nkezlaʼa, ndohi man a woy ta, va-feda skwi haha a va: nsi ndo te va, ndav nlüɓekwaʼa, mʼmèndè gèɗ a hai, ndav amba, nzhèr skwia dai.

2 Thessalonians 2:13

Aman sèi nga shid gèɗ a Zhiklè pèc pècèk a géɗ kinè, dalahimam nga, man Bi Zhiklè a woy kinè, man Zhiklè a mpar kinè te nhinkaɗ na, a kin ndikè a sam mʼmbel ndo, a sam nkezlaʼa te Mèzhèɓ Zhiklè, te ncè ma nzuraʼa a ndav.

2 Timothy 2:10

Gar haha i zuɓ skwi tèlè, a géɗ ndohi man Zhiklè a mpar ta, aman tengaʼa ba ta ndikè a sam mbelaʼa a nʼnjèlè man a ndivè azɓai a mèdèp, te Yèsu Kristi.

Titus 1:1

Paul ɓèl Zhiklè, ndo sak Yèsu Kristi, aman i de ta ndohi man Zhiklè a mpar ta, a civèɗ Zhiklè, a ta cè a ndav, a ta shin ma nzuraʼa man a de nga,

Hébreux 10:22

Gar haha ngo-herdokoy va a ndav nzuraʼa, a ncè-a-ndav tèlèba, mèzhèɓ ndav nga man ambaɓai ngucaʼa, a va mpanaʼa a iyam nkéɗècèʼa.

Hébreux 11:28

A géɗ ncè-a-ndav nengaʼa a ngu ngolala Pâque, a nguceda pombaz, aman gol Zhiklè, man a bèzlè ndo, a slaha a mbazl ta tsuvomhi Israel ɓai.

Hébreux 12:24

a sam Yèsu, man ta bezda na nderzlè-ma mɓuaʼa a rai, a sam pombaz man nguca a pa, man a gèɗè amba holholaʼa, a fena pombaz Abel.

Hébreux 5:9

Te deɓaʼa man nʼngaʼa jèlèlèʼa ma, nʼngaʼa a verzi skwi mbél ndohi man ta fa na gèɗ, a mèdèp,

1 Peter 1:14

Skwi haha va-gu ara wudahi man ta fi gèɗ a ma Zhiklè, kin tütüke skwi nhalaʼa ɓai, ara man kin gau, te va man kin sun maya di ɓai.

1 Peter 1:19

aman pombaz Kristi nzalaʼa, nara kra tambak man mohtsomb skwi ka ɓai.

1 Peter 1:20

Zhiklè a nʼngatseda nengaʼa a hai, ga herkeda a gai, nengaʼa man a ngud-koɗauda tok-tok haha a géɗ kinè.

1 Peter 1:22

A géɗ man ndav kinè mpana, va-fu gèɗ a ma nzuraʼa, va-woy kramam kinè te Kristi! Va-woy va kinè, ngiɗè a ngiɗè, pèc pècèk a ndav tèlè!

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

2 Peter 1:2

Pombai a gumi kumba da zhe a nda kinè te nshin Zhiklè a Bi nga Yèsu!

2 John 1:1

Iyè, ndo mɓer ndohi Zhiklè, a sam Kyria, man Zhiklè a ngotskoɗauda, a sam wudahi na ba, man i woy ta te ma nzuraʼa, iyè staɗgenè ka ɓai, aman ndohi tèlèba man ta sun ma nzuraʼa;

2 John 1:13

Wudahi demam ngaya, nengaʼa man Zhiklè a ngotskoɗauda, ta ga kinè mbalai.

Jude 1:2

Kin da su Zhiklè te va kumba! A gumi a mwoy-ndo a ndav da zhè kumba a sam kinè!