1 Peter 1:19 - Ma Zhiklè

¹⁹ aman pombaz Kristi nzalaʼa, nara kra tambak man mohtsomb skwi ka ɓai.

Mofa New Testament

¹⁹ aman pombaz Kristi nzala'a, nara kra tambak man mohtsomb skwi ka ɓai,

1 Peter 1:19 ပူးပေါင်းရင်းမြစ်များ

Exode 12:5

Skwi slavslav kata, man mvi stadgenè, ko kra tambak, ko kra ɓok.

Esaie 44:22

I kalda mali ngaya ara vanai man kozlar a nkalda; i hela mphömè ngaya ara ndodok. Menkaɗa deɓa a sam ga; aman i sumka ka deɓa ma.

Esaie 53:7

Aman ta ɓurto na, nengaʼa a mco genè; a mʼmbeɗa a ma ɓai, ara tambak man ta dè a sam man ta zli daiaʼa a pa, ara tambak man ta zli mamliaʼa.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Lèv. 1:10

Aman a ndara na skwi nkèshèa, ko tambak, ko ɓok, da vau te va mazawalaʼa, suɗekɗekaʼa.

Lèv. 22:20

Kin va na mohtsomba skwi bai, man bai Zhiklè a wuffè a gédèʼa azbai.

Zacharie 13:7

Tsakwal, kala na va a ndo nwèr skwi ga, a ndo man ndo ga, Zhiklè bi mbiaʼa a gaɗa. I tsi ndo nwèr skwai, a tambakihi ta venda gèɗ ta, a i gedas ta, man wuɗi ta azɓai.

Nombres 7:27

Matsaraɗ marai, drok staɗ, kra tambak, mvi staɗ, man ta ndara na Zhiklè.

Nombres 7:39

Matsaraɗ marai, drok staɗ, kra tambak mvi staɗ, man ta ndara na Zhiklè.

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Matthew 26:28

Aman na haha Pombaz ga, Pombaz nderzlè-ma, man mbadahai, a mprè mali ndohi kumba.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Jean 1:36

Aman a rka Yèsu man a shèwèlè, a ngaɗa: Na haha, kra tambak Zhiklè!

Actes 20:28

Anai sèi kin gi maya a géɗ va kinè, a géɗ rèwè tèlèba, te ndev tengaʼa Mèzhèɓ Zhiklè nkezlaʼa a nʼnge kinè a ndohi nwar ta, aman kin wèr mpi ndohi Zhiklè, man a sumkaɗa deɓa a Pombaz va nengaʼa.

Romans 3:25

Nengaʼa Zhiklè a fu a skwi mpil gèɗ te Pombaz nengaʼa, man nga ngècè te ncè-a-ndav. Zhiklè a woya a ngredè ngi-zuraʼa nengaʼa auda a vna. Te nzhèr skwi nengaʼa dai, a nzuɓ malihi nhalaʼa.

Ephésiens 1:7

Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

Colossiens 1:14

te nengaʼa gèɗ nga mpela, mali nga mpraʼa.

1 Peter 1:2

man Zhiklè, Bab nga, a mpar ta ara man a hur halaʼa te Mèzhèɓ nengaʼa, a ta pi ndav a nengaʼa, ta pana a pombaz Yèsu Kristi. Zhiklè da va kinè pombai a gumi kumba!

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

Apocalypse 14:1

A i rka kra tambak nzlatsa a géɗ za Sion, a nda ndohi 144.000, nzlembaɗ nengaʼa, a nzlembaɗ Bab na, mwindèʼa a medi tengaʼa.

Apocalypse 14:5

Te ma tengaʼa ncèkèlma azɓai, mali az a gèɗ tengaʼa ɓai.

Apocalypse 5:6

A i rka kra tambak te ndev sam nʼnzi bai a skwihi faɗ a nshèffè, a ndohi nhalaʼa; kra tambak sa ara man ta zlama na daʼai ma, a drom tsaraɗ, a di tsaraɗ. Nasa Mèzhèɓhi Zhiklè tsaraɗ man ta zlinde ta a herkeda tèlèba.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,

Apocalypse 7:14

A i gaɗa na: Bi ga, ka, ka suna. A nengaʼa a ngaɗayè: Tengaʼa man ta shkè auda te matakwan mbiaʼa, a ta pana maslaka tengaʼa, a ta slekaɗa maslaka tengaʼa te Pombaz kra tambak.