1 Peter 1:15 - Ma Zhiklè

¹⁵ Aman ara man nengaʼa man a baha kinè, nkezlaʼa, kinè ba a woy kin kezla te maya nshèffè kinè tèlèba.

Mofa New Testament

¹⁵ Aman ara man nenga'a man a baba kinè, nkezla'a, kinè ba a woy kin kezla te maya nshèffè kinè tèlèba.

1 Peter 1:15 ပူးပေါင်းရင်းမြစ်များ

Esaie 35:8

Civèɗ mʼmbazla te pa, man ta baha na civèɗ nkezlaʼa. Ndo man ambaɓai a dè a pa azɓai. Civèɗ man ndohi nengaʼa ta da bizhè a pa. Ko ndo man maya na azɓai, a zi te pa azɓai.

Esaie 6:3

Ngiɗè a baha na ngiɗè, a ngaɗa: Zhiklè bi mbiaʼa, nkezlaʼa, nkezlaʼa, nkezlaʼa! Nʼnjèl nengaʼa a ndha herkeda tèlèba.

Matthew 5:48

Gar haha sèi kin ndikè a sam jèlèlèʼa, ara Bab kinè te zhiklè, jèlèlèʼa.

Romans 9:24

Nga tengaʼa man a baha nga te ndev ndohi Juif genè ka ɓai, aman te ndev ndohi nte deɓa ba.

2 Corinthians 7:1

Dalahimam ga, aman nga ngots ma mpèsl ri aranta, ngo-tülokoy va nga te skwi man a lizhè va a ndav tèlèba, a nga rufa skwi nkezla ndav nga te zlau Zhiklè.

Philippiens 1:27

Va-nza a maya te nshèffè kinè, aman kin nzala ma mbelaʼa te Kristi! Ko i dè a i rka kinè, ko i az a sam kinè ɓai, i da tsena ma kinè, kin nzi taraʼa te Mèzhèɓ nstaɗ, a kin gi var a nda nga a ndav staɗ, a géɗ ncè ma mbelaʼa a ndav.

Philippiens 3:14

a i hi a sam skwi man a zhè a ma, a sam nʼndikè-ma, a sam skwi ntulè, a sam man Zhiklè a baha nga a pa te Yèsu Kristi.

Philippiens 3:20

Aman nga ndohi kokwar Zhiklè te géɗèʼa, te nengaʼa nga zhèr ndo mʼmbel ndo, Bi Yèsu Kristi,

1 Thessalonians 2:12

A nga fa kinè ma a gèɗ, aman sèi kin nza a kin nzala Bi Zhiklè, man a baha kinè a sam kokwar-Bi nengaʼa, a sam nʼnjèl nengaʼa.

1 Timothy 4:12

Ndo da paraha ka ɓai, a da gaɗa wudahi di ɓai! Gau aman ndohi ngiɗè, man ta co Zhiklè a ndav ta, ta slaha ta lèmdè va ta a ka, a ma ngaya, a maya nshèffè ngaya, a mwoy-ndo a ndav ngaya, a ncè-a-ndav ngaya, a nʼnzi ngaya.

2 Timothy 1:9

Zhiklè, nengaʼa a mʼmbel nga, a mbaha nga, a géɗ skwi man nga gu ka ɓai, aman a géɗ man a hur te ndav na, a géɗ pombi man a va nga te Yèsu Kristi, man herkeda nʼnge di ɓai.

Titus 3:14

A woy ndohi nga ba da slebau, da gu mizlinè man amba, a ta takaha ta ndohi ngiɗè a vna, a skwi mbelaʼa a shkè auda te ncè-a-ndav tengaʼa.

Titus 3:8

Ma haha ma nzuraʼa a vava. I woy a ka njè ma haha a wuɗai, aman ta ngats ta ndohi man ta co Zhiklè a ndav te ngi skwi man amba. Na haha amba, a takaha ndo.

Hébreux 12:14

Va-woy gumi a nda ndohi tèlèba, va-woy nshèffe nkezlaʼa. Ndo man nshèffe na nkezle ɓai, a slaha a nrka Bi Zhiklè ɓai.

Hébreux 13:5

Mwoy Suli da gso ndav kinè ɓai; skwi man kin ngotso, da dèʼa kinè! Aman Bi Zhiklè a ngaɗa: I pra ka ma gèɗ azɓai, i jèke ka a géɗ ngaya azɓai.

Jacques 3:13

Te ndev kinè ndo man a ngots maya te gèɗ, a nshin skwi, wa? Da ngreda maya nshèffè man amba te skwi man amba man a giaʼa, a ndav nlüɓekwaʼa, man a shkè auda te maya.

1 Peter 2:12

Va-nza a maya te gèɗ, te ndev ndohi nte deɓa; a tengahia man ta tsa kinè derngasl, ara man kin ndohi malihai, ta rka skwi man amba man kin giaʼa, a ta slébèrdè Zhiklè, a pats man a ncko skwi tèlèba auda a sam nhél sam.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

1 Peter 3:16

Va-mbeɗa ta a ma a ndav nlüɓekwaʼa, a maya nlèɓèslè. Va-gu aman mèzhèɓ ndav kinè amba, a, tengahiaʼa man ta tsa kinè derngasl, man ta ngwossaha maya nshèffè kinè man amba te Kristi, ta ngècè hori a dai.

1 Peter 5:10

Aman Zhiklè pombi tèlèba, man a baha kinè a sam nʼnjèl nengaʼa man a nzi a mèdèp te Kristi, a di a til kinè, a nzal kinè, a va kinè wuɗai, a pi verzi nshèffè kinè man a gidè va azɓai, kinè man antanta skwa a dza kinè kèshkata.

1 John 3:3

Ndo staɗ staɗ man a zhèr skwi haha te ndav na, a til ndav na, ara ndav Yèsu ntilaʼa.

Apocalypse 3:7

Winda na tsuvom mpi ndohi Zhiklè te kokwar Philadelphie: Nengaʼa man nkezla, ndo nzuraʼa man a ngots skwi mwinè ntamagi man a David, man a winèʼa, ndo ngiɗè a slaha a mpizlè te deɓaʼa ɓai. Man a mpizlèa, ndo ngiɗè a slaha a mwinè te deɓaʼa ɓai. Nengaʼa a goɗ ar haha:

Apocalypse 4:8

Skwi faɗ staɗ staɗ tèlèba ta ngots kelpasl mokwa, a di kumba tʼhwaɗaʼa, a ta ngots sam nshèk va ɓai, a pats a vaɗ, a ta gaɗa: Nkezlaʼa, nkezlaʼa, nkezlaʼa, Bi Zhiklè, Bi wuɗi tèlèba, man a zhè zlèzlèa, man a zhè antanta, man a di a shkè.

Apocalypse 6:10

A ta boho a wuɗai, a ta gaɗa: Bai, ka ndo nkezlaʼa, ndo nzuraʼa, nʼnzi tèkè aman ka gi kita azɓai, ka pela Pombaz nga azɓai a sam tengaʼa tʼherkeda?