1 John 5:6 - Ma Zhiklè

⁶ Yèsu Kristi a mshkè a iyam a Pombaz. A iyam genè ka ɓai, aman a iyam a pombaz. A Mèzhèɓ Zhiklè a gi malwuɗai, te man Mèzhèɓ nengaʼa nzuraʼa.

Mofa New Testament

⁶ Yèsu Kristi a mshkè a iyam a pombaz. A iyam genè ka ɓai, aman a iyam a pombaz. A Mèzhèɓ Zhiklè a gi malwuƋai, te man Mèzhèɓ nenga'a nzura'a.

1 John 5:6 ပူးပေါင်းရင်းမြစ်များ

Ezéchiel 36:25

Te deɓaʼa i da pan kinè a iyam nkéɗècèʼa, a kin pana. I da pan kinè te skwi man a lizhè kinè tèlèba, te mʼmbèh skwi kinè tèlèba.

Lèv. 17:11

Aman nshèffè skwi a zhè te pombaz, a i va kinè a gèɗ sam mvi skwi a Zhiklè, a gi a skwi mpil gèɗ kinè. Pombaz a gi a skwi mpil gèɗ, a géɗ nshèffè man te pa.

Zacharie 9:11

I helka ta ndohi dangai ngaya auda te vèvèɗ, man iyam a te pa ɓai, a géɗ pombaz nderzlè-ma nga.

Matthew 26:28

Aman na haha Pombaz ga, Pombaz nderzlè-ma, man mbadahai, a mprè mali ndohi kumba.

Matthew 3:16

Aman Jean a nʼnga na baptême a Yèsu ma, a Yèsu a mshkè auda te iyam, na haha gidfèk a mwin na, a nrka Mèzhèɓ Zhiklè man a shkèhai a gèɗ na, ara nkuɗhom.

Marc 14:24

A ngaɗa ta: Na haha Pombaz ga, Pombaz nderzlè-ma, man mbadahai a géɗ ndohi kumba.

Luke 22:20

Lèmèlèmè kokwai, te deɓ skwi nʼndai, a ngaɗa: Kokwi haha, skwi nderzle nga mɓuaʼa te Pombaz ga, man a mbaɗa a géɗ kinè.

Jean 14:17

Mèzhèɓ nzuraʼa, man herkeda a slaha a ncè ɓai, te man a rka bai, a sun bai. Aman kinè, kin sun nengaʼa, te man nengaʼa a nzi a sam kinè, a zhè te ndav kinè.

Jean 14:6

A Yèsu a ngaɗa na: Iyè civèɗ, a ma nzuraʼa, a nshèffê; ndo ngiɗè a shkè a sam Bab ga azɓai, sèi a bezkaɗ a iyè.

Jean 15:26

Aman nengaʼa man a nzaka kinè a deɓa a shkè ma, nengaʼa man i woy a i zlinda kinè te Bab ga, Mè-zhèɓ nzuraʼa, man a shkè te Bab ga, a da gi malwuɗi a sam kinè a géɗ ga.

Jean 16:13

Aman nengaʼa, Mèzhèɓ nzuraʼa nda shkè ma, a ngreda kinè ma nzuraʼa tèlèba. Aman nengaʼa a gèɗè ma te gèɗ na azɓai. Aman ma man a tsenaʼa, a gèɗèʼa; a ngreda kinè skwi man a di a shkè.

Jean 3:5

A Yèsu a ngaɗa na: A vava, a vava i gaɗa ka: Sèi ndo a yakaɗi a iyam a Mèzhèɓ Zhiklè, man bai a slaha a ndè a kokwar-Bi-Zhiklè azɓai.

Jean 4:10

A Yèsu a mʼmbeɗa na a ma: Aman agassa ka sun skwi man Zhiklè a vi a ndohai, a ka sun nengaʼa man a gaɗa ka: Ɓedzay iyam a i siaʼa, ar ka jhèɗè nengaʼa, a nengaʼa a nva ka iyam nshèffè.

Jean 4:14

Aman ndo man a si iyam man i va na, iyam a da dza na te deɓaʼa asaɓai a mèdèp. Aman iyam man i viaʼa, a da gi te ndav nengaʼa ara nlèlè iyam nshèffè man ahi a mèdèp.

Jean 6:55

Zluèd va ga, skwi nʼndi nzuraʼa; Pombaz va ga, skwi nsi nzuraʼa.

Actes 8:36

Aman ta dè a civèɗ, ta shkè a ma woyam; a ndo mɓer gi bai a ngaɗa: Na haha, iyam a zhè; ka gay baptême azɓi èhèmè?

Romans 3:25

Nengaʼa Zhiklè a fu a skwi mpil gèɗ te Pombaz nengaʼa, man nga ngècè te ncè-a-ndav. Zhiklè a woya a ngredè ngi-zuraʼa nengaʼa auda a vna. Te nzhèr skwi nengaʼa dai, a nzuɓ malihi nhalaʼa.

Ephésiens 1:7

Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

Colossiens 1:4

te man nga tsenaʼa, ara man kin co Yèsu Kristi a ndav, ara man kin woy ta ndohi Zhiklè tèlèba,

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

Titus 3:5

Zhiklè a mʼmbel nga, a géɗ skwi nzuraʼa man nga gu ka ɓai, aman a géɗ man ndo a sia te va. A mʼmbel nga, a mpan nga, a nye nga mɓuaʼa a wuɗi Mèzhèɓ Zhiklè nkezlaʼa,

Hébreux 10:29

Va-huro, kita mbiaʼa holholaʼa ndo a ngècèʼa, aman a mbatsaha kra Zhiklè a sak, a nrka Pombaz nderzlè-ma, te nengaʼa man a gaʼa a ndo nkezlaʼa, ara skwi nlizhèa, a nderɗe Mèzhèɓ pombi Zhiklè.

Hébreux 12:24

a sam Yèsu, man ta bezda na nderzlè-ma mɓuaʼa a rai, a sam pombaz man nguca a pa, man a gèɗè amba holholaʼa, a fena pombaz Abel.

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,

Hébreux 9:14

holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

Hébreux 9:7

Aman a gi te civèɗ ndzeɓa ngiɗè, sèi bi ndohi mvi skwi a Zhiklè a mdo a pa, a mvi a mvai sak staɗgenè. A dè azɓai, man Pombaz a te ri na ɓai, Pombaz skwi man a zlau a géɗ va nengaʼa, a géɗ ndohi ba, a géɗ mali man ta senaha ɓai.

1 Peter 1:2

man Zhiklè, Bab nga, a mpar ta ara man a hur halaʼa te Mèzhèɓ nengaʼa, a ta pi ndav a nengaʼa, ta pana a pombaz Yèsu Kristi. Zhiklè da va kinè pombai a gumi kumba!

1 Peter 3:21

Iyam sa, skwi nlèmdè a sam kinè antanta a iyam baptême, a géɗ man nga mbel nga. Baptême a géɗ mpèn va genè ka ɓai, aman baptême a géɗ man Zhiklè a mva nga mèzhèɓ ndav man amba, skwi mʼmbel nga te nslambaɗkaɗ Yèsu Kristi auda, man a do a géɗèʼa, a zhiklè,

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

1 John 4:10

Mwoy-ndo te man nga nwoy Bi Zhiklè ka ɓai, aman a géɗ man nengaʼa a nwoy nga, a nzlündo kra nengaʼa a skwi mpil gèɗ mali nga.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,

Apocalypse 7:14

A i gaɗa na: Bi ga, ka, ka suna. A nengaʼa a ngaɗayè: Tengaʼa man ta shkè auda te matakwan mbiaʼa, a ta pana maslaka tengaʼa, a ta slekaɗa maslaka tengaʼa te Pombaz kra tambak.