1 John 5:20 - Ma Zhiklè

²⁰ Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.

Mofa New Testament

²⁰ Aman nga suna, kra Zhiklè a mshkè, a mva nga maya, aman nga sun nenga'a, man nzura'a a vava. Nga te nenga'a man nzura'a a vava, te Yèsu Kristi, kra nenga'a. Nenga'a Zhiklè nzura'a, nenga'a nshèffè a mèdèp.

1 John 5:20 ပူးပေါင်းရင်းမြစ်များ

Esaie 44:6

Ndo nzi pèc pècèk, bi Israel, ndo mʼmbel nengaʼa, Zhiklè ndohi var, a gada: I ndo nshèlèkuraʼa, ndo nʼndikèma skwai; Zhiklè ngiɗè azɓai, sèi iyè.

Esaie 54:5

Nengaʼa man a nge ka, baki ngaya; nzlembaɗ na Zhiklè bi mbiaʼa, Zhiklè Israel nkezlaʼa, man a mbel ka. Ta baha na Zhiklè herkeda tèlèba.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Jérémie 10:10

Aman Ndo nzi pèc pècèk, nengaʼa Zhiklè nzuraʼa, Zhiklè man a zhè a nshèffè, bi a mèdèp. Te ri ndzoan nengaʼa herkeda a gudzai, ndohi herkeda ta slaha ta dishè ndzoan nengaʼa ɓai.

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Matthew 13:11

A Yèsu a mʼmbeɗa ta a ma: Skwi man nʼngheda te kokwar-Bi-Zhiklè, a kinè. Aman a tengaʼa ka ɓai.

Luke 21:15

Aman i da va kinè ma a maya, aman ndohi mayamhi kinè ta slaha ta mbeɗa kinè a ma ɓai, a ta shèl va a sam kinè azɓai.

Luke 24:45

Te deɓaʼa a winè maya ta, aman ta sun ma Zhiklè, a ngaɗa ta:

Jean 1:18

Ko ndo staɗ a nrka Zhiklè di ɓai. Kra nengaʼa staɗgenè, man a nzi a sam Bab na, nengaʼa nʼngreda nga.

Jean 10:30

Nga a Bab ga, nga staɗgenè.

Jean 14:20

A pats nasa kin da suna, i te Bab ga, a kinè te iyè, a iyè te kinè.

Jean 14:23

A Yèsu a mʼmbeɗa na a ma: Ndo man a woy iyè a ndav na, a fi gèɗ a ma ga. Bab ga a da woyaʼa a ndav na. A nga da shkè a sam na, a nga da nzi a sam na.

Jean 14:6

A Yèsu a ngaɗa na: Iyè civèɗ, a ma nzuraʼa, a nshèffê; ndo ngiɗè a shkè a sam Bab ga azɓai, sèi a bezkaɗ a iyè.

Jean 14:9

Yèsu a ngaɗa na: Nʼnzi ga a sam kinè kumba, a ka senyè ɓi dè, Philippe? Ndo man a rkayè, a rka Bab ga ma, a ka gad kè: Ngra nga Bab nga?

Jean 15:4

Lèmèlèmè ara ri wof a slaha a nyi wuda a ri na azɓai, sèi man na godozlom wof, lèmèlèmè kinè ba, sèi kin nzi te iyè.

Jean 17:14

A i va ta ma ngaya; a ndohi herkeda ta ga ta shèwa, te man tengaʼa ta a herkeda ka ɓai, lèmèlèmè ara iyè a herkeda ka ɓai.

Jean 17:25

Bab nzuraʼa! Herkeda a sen ka ɓai; aman iyè i sen ka, a tengaʼa ba ta suna, ka nzlindekayè.

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Jean 20:28

A Thomas a mʼmbeɗa na a ma: Bi ga, Zhiklè ga!

Jean 8:42

A Yèsu a ngaɗa ta: Aman agassa Zhiklè Bab kinè, ar kin woy iyè a ndav kinè. I shkè te Bab Zhiklè, i shkè a ri ga ka ɓai. Aman nengaʼa a nzlinde-kayè.

Actes 20:28

Anai sèi kin gi maya a géɗ va kinè, a géɗ rèwè tèlèba, te ndev tengaʼa Mèzhèɓ Zhiklè nkezlaʼa a nʼnge kinè a ndohi nwar ta, aman kin wèr mpi ndohi Zhiklè, man a sumkaɗa deɓa a Pombaz va nengaʼa.

Romans 9:5

Bababhi nte verzi tengaʼa. Te tengaʼa Kristi a nshkè, man a gu ara ndo; nengaʼa man a zhè a géɗ skwi tèlèba; nslébèrdè a Zhiklè a mèdèp. Amen.

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

2 Corinthians 5:17

Gar haha man ndo a zhè te Kristi, nʼngaʼa a ndo mɓuaʼa, skwi mʼmovaʼa kala a deɓa ma, na haha skwi tèlèba nʼnga a mɓuaʼa.

Ephésiens 3:18

A kin slaha kin suna, a nda ndohi Zhiklè tèlèba, mwoy-ndo man a zhè te Kristi: nguzlöhna, njüv na, ngür na, a nkèl na;

Philippiens 3:9

a ta da ngatsyè te nengaʼa. I ga a ndo nzuraʼa ga a géɗ man i fu gèɗ a ma kita Zhiklè ka ɓai; aman ngi-zuraʼa man a shkè te ncè Yèsu Kristi a ndav, ngi-zuraʼa man a shkè te Bi Zhiklè a géɗ ncè-a-ndav.

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

Titus 2:13

a wuffedè ndav nga, a nga zhèr pats man Bi mʼmbel nga Yèsu Kristi a ngudko va a di a nʼnjèl Zhiklè mbiaʼa.

Hébreux 1:8

Aman a géɗ kra na: Zhiklè, sam nʼnzi bi ngaya a nzi a mèdèp. A va zaʼa: Gada-bi ngi zuraʼa, nengaʼa gada-bi kokwar-bi ngaya.

1 John 2:23

Ko wawa man a cèkèlma a géɗ kra Zhiklè, a nʼngatsa bab Zhiklè ɓai lèmèlèmè. Ko wawa man a ngreda kra Zhiklè auda, a nʼngots Bab Zhiklè ba.

1 John 2:24

Skwi man kin tsena te nhinkaɗ na, da nza te ndav kinè! Aman skwi man kin tsena te nhinkaɗ na a nzi te ndav kinè, kin nzi te kra Zhiklè, te bab Zhiklè lèmèlèmè.

1 John 2:6

Ndo man a gaɗa, i nzi te nengaʼa, sèi da gu lèmèlèmè ara man nengaʼa a gokoɗai.

1 John 4:14

A nga rkaʼa a di nga, a nga gi malwuɗai, Bab Zhiklè a nzlündo kra nengaʼa a ndo mbél herkeda.

1 John 4:16

A nga suna, a nga co a ndav, Bi Zhiklè a woy nga. Bi Zhiklè, nengaʼa mwoy-ndo, a ndo man a nzi te mwoy-ndo, a nzi te Bi Zhiklè, a Bi Zhiklè a nzi te nengaʼa.

1 John 4:2

Kin sun Mèzhèɓ Zhiklè ar haha: mèzhèɓ staɗ staɗ tèlèba man a ngrédè, Yèsu Kristi a shkè, a ngu ara ndo, nengaʼa a shkè te Bi Zhiklè;

1 John 5:1

Ndo man a nco a ndav, Yèsu, nengaʼa Kristi, nengaʼa nyaka te Bi Zhiklè. Ara man mwoy Zhiklè man a yaka nga, lèmèlèmè mwoy nengaʼa man Zhiklè a yau.

1 John 5:15

Lèmèlèmè ara man nga suna, a tsenaʼa, aman nga tsi rai, lèmèlèmè nga suna, skwi man nga dzhoɗo, nga co te ri nengaʼa.

1 John 5:18

Nga suna, ndo man a yaka te Bi Zhiklè a gi mali azɓai. Aman ndo man a yaka te Bi Zhiklè, Zhiklè a ɓirèʼa, a nengaʼa man ambaɓai a da lama na azɓai.

1 John 5:5

Ngaʼa a ngul herkeda wa? Sèi nengaʼa man a nco a ndav, Yèsu nengaʼa kra Zhiklè.

Apocalypse 15:3

a ta slu dimèsh Moise, ɓèl Zhiklè, a dimèsh kra tambak, a ta gaɗa: Skwi man ka gau, skwi mbiaʼa, skwi nrkedai, Bi Zhiklè, Bi wuɗi tèlèba! Civèɗ ngaya nzuraʼa a vava, ka Bi ndohi herkeda.

Apocalypse 19:11

A i rka zhiklè mwinèa: na haha, plèsh nslekaɗaʼa. Nzlembaɗ ndo plèsh: ‘nlèɓèslèʼa a nzuraʼa’, man a gi kita, a gi var te ngi-zuraʼa.

Apocalypse 3:14

Winda na tsuvom mpi ndohi Zhiklè te kokwar Laodicée: Nengaʼa man zlembaɗ na Amen, ndo malwuɗi nlèɓèslèa a nzuraʼa, nhinkaɗ skwi man Zhiklè a gau, a goɗ ar haha:

Apocalypse 3:7

Winda na tsuvom mpi ndohi Zhiklè te kokwar Philadelphie: Nengaʼa man nkezla, ndo nzuraʼa man a ngots skwi mwinè ntamagi man a David, man a winèʼa, ndo ngiɗè a slaha a mpizlè te deɓaʼa ɓai. Man a mpizlèa, ndo ngiɗè a slaha a mwinè te deɓaʼa ɓai. Nengaʼa a goɗ ar haha:

Apocalypse 6:10

A ta boho a wuɗai, a ta gaɗa: Bai, ka ndo nkezlaʼa, ndo nzuraʼa, nʼnzi tèkè aman ka gi kita azɓai, ka pela Pombaz nga azɓai a sam tengaʼa tʼherkeda?