1 John 5:16 - Ma Zhiklè

¹⁶ Ndo man a rka, kramam nengaʼa a gi malai, mali mʼmetsi ka ɓai, da tsu ri a Zhiklè, gar haha a di a va na nshèffè a nengaʼa man a gu malai, mali mʼmetsi ka ɓai. Mali mʼmetsai a zhè, a géɗ nengaʼa i gèɗè azɓai, aman ndo da tsu rai.

Mofa New Testament

¹⁶ Ndo man a rka, kramam nenga'a a gi malai, mali m'metsi ka ɓai, da tsu ri a Zhiklè, gar haha a di a va na nshèffè a nenga'a man agu malai, mali m'metsi ka ɓai. Mali m'metsai a zhè, a géƋ nenga'a i gèƋè azɓai, aman ndo da tsu rai.

1 John 5:16 ပူးပေါင်းရင်းမြစ်များ

Genèse 20:17

A Abraham a ntsu ri a Bi Zhiklè, a Bi Zhiklè a mʼmbel Abimélec, a ngwoz na, a ɓèlhi na, ta ngwozhai, te matakwan, a ta ngots kra.

Genèse 20:7

Gar haha va na ngwoz a deɓa a baki na, nengaʼa ndo nhadka ma. Nengaʼa a da tsi ri a géɗ ngaya, a ka nzi a nshèffè. Aman ka da va na a deɓa azbai, ka da metsi ngaya, a ndohi gi ngaya tèlèba.

Psaumes 106:23

Zhiklè a nhur a da gedas ta; aman Moise, ndo man a nʼngotskoɗauda, a nʼnza ta a deɓa a ndohai, dajèkeda ngi ndav, da gedas ta ɓai.

Exode 34:9

Ndo nzi pèc pècèk, man i ngots pombai a sam di ngaya, ka Ndo nzi pèc pècèk, do a nda nga. Aman ndohi haha ta tsena gèɗ bai. Pra nga mphömè a mali nga, ge nga a ndohi nʼndi gi ngaya!

Jérémie 11:14

Aman ka, ka tsu ri a gèɗ ndohi haha ɓai, ka gu mbuh mbuh ɓai, ka dzhoɗo a géɗ tengaʼa ɓai; aman i cinè ma tengaʼa azɓai, aman ta kuɗi a sam ga a pats matakwan.

Jérémie 14:11

Te deɓaʼa Ndo nzi pèc pècèk a ngaɗayè: Ka tsu ri a géɗ ndohi haha man a nga ta dara ɓai!

Jérémie 7:16

Zhiklè a ngaɗa na Jérémie: Aman ka, ka tsu ri a géɗ ndohi haha ɓai, ka gu mbuh mbuh a géɗ tenga ɓai, ka tsu ri kam kam ɓai, i cè ntsi ri ngaya azɓai.

Ezéchiel 22:30

A i hoss ndo man a zlècè ara zlazlar, man a nza na di a slrats a sam di ga, a kokwar a gédèshè azɓai. Aman i ngatsa ndo ɓai, ko staɗ.

Nombres 12:13

Te deɓaʼa Moise a nkudi a sam Ndo nzi pèc pècèk, a ngaɗa: Zhiklè, i tsi ri a ka, suɗa na hutsoɗ auda a va!

Nombres 15:30

Aman ndo ngiɗè a sun a ngaɗa malai, ko ndo kokwar, ko ndo mbrok, a ndurɗo Ndo nzi pèc pècèk. Ta da kéɗèʼa te ndev ndohi na.

Luke 12:10

Ko wawa man a gèɗè ma ambaɓiaʼa staɗ a gèɗ kra-ndo, mali nengaʼa a prè. Aman nengaʼa man a derɗa Mèzhèɓ Zhiklè nkezlaʼa, mali nengaʼa a prè azɓai.

Jean 17:9

I tsi ri a géɗ tengaʼa. I tsi ri a géɗ ndohi herkeda ka ɓai, aman a géɗ tengaʼa man ka payè, tengaʼa a ngaya.

2 Timothy 4:14

Alexandre, ngwozla, a ngay skwi man ambaɓi kumba. Bai Yèsu a da pela na ara skwi man a gau.

1 John 5:17

Skwi man zura ka ɓi tèlèba, nengaʼa malai. Aman mali ngiɗè a zhè, nengaʼa mali mʼmetsi ka ɓai.

I Samuel 12:19

Ndohi tèlèba ta gaɗa na Samuel: Tsu ri a Ndo nzi pèc pècèk ngaya a géɗ ɓèlèlihi ngaya, nga da bèzl nga. Nga gau skwi ambaɓiaʼa ngiɗè a va mali nga, a nga dzhoɗo bai.

I Samuel 2:25

Ndo man a gu mali a ndo ngiɗè, Zhiklè a bazla na kita. Aman ndo man a gi mali a sam Zhiklè, ndè bèzlè kita nengaʼa wa? Aman ta fa na zlembaɗ a ma bab ta ɓai; aman Ndo nzi pèc pècèk a nhur a ngaɗa i da bazl ta.