1 John 4:7 - Ma Zhiklè

⁷ Dalahimam ga, ngo-woyokoy va nga, ngiɗè a ngiɗè, ngiɗè a ngiɗè; aman mwoy-ndo a shkè te Bi Zhiklè, a ndo man a woy ndo, a nyaka te Bi Zhiklè, a sun Bi Zhiklè.

Mofa New Testament

⁷ Dalahimam ga, ngowoyokoy va nga, ngiƋè a ngiƋè, ngiƋè a ngiƋè; aman mwoy-ndo a shkè te Bi Zhiklè, a ndo man a woy ndo, a nyaka te Bi Zhiklè, a sun Bi Zhiklè.

1 John 4:7 ပူးပေါင်းရင်းမြစ်များ

Jean 13:34

I va kinè ma nkwèr mɓuaʼa: Va-woy va kinè, ngiɗè da woy ngiɗè, lèmèlèmè ara man i woy kinè a ndav ga. Aman kinè ha, va-woy va kinè, ngiɗè da woy ngiɗè, ngiɗè da woy ngiɗè a ndav na.

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

1 Corinthians 8:3

Aman ndo man a woy Bi Zhiklè, Zhiklè a sun nengaʼa.

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

Galates 4:9

man ɓai Zhiklè a sen kinè, kin men kinè a deɓa zaʼa a sam skwi man wuɗi na azɓai, ntawassaʼa, a kin woy a kin gi ɓèl tengaʼa zaʼa èhèmè?

Galates 5:22

Skwi man a shkè auda te Mèzhèɓ: Mwoy ndo a ndav, mwuffe, gumai, nzhèr skwi a ma ma, ndo a se ka te va, ndav amba, nlèɓèslèa,

Deutéronome 30:6

Ndo nzi pèc pècèk, Zhiklè ngaya, a da va ka ndav mɓuaʼa, kinè a ndohi te verzi ngaya, ndav mɓuaʼa te nʼngél ngwon genè ka ɓai, te ntil ndav ngaya. A ka da woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a ka da nzi a nshèffè.

2 Timothy 1:7

Zhiklè a mva nga Mèzhèɓ zlau ka ɓai, aman Mèzhèɓ wuɗai a mwoyndo, a nga gshè va nga.

1 Peter 1:22

A géɗ man ndav kinè mpana, va-fu gèɗ a ma nzuraʼa, va-woy kramam kinè te Kristi! Va-woy va kinè, ngiɗè a ngiɗè, pèc pècèk a ndav tèlè!

1 John 2:10

Ndo man a woy kramam nengaʼa, a nzi a sam nhelaʼa; a gi a skwi nslèfèɗè sak a ndo ngiɗè azɓai.

1 John 2:29

Kin suna, nengaʼa nzuraʼa; a ndo man a gi zuraʼa, sèi kin sun ba, a shkè te nengaʼa.

1 John 2:3

Aman nga fi gèɗ a ma nkwèr nengaʼa, nga slaha nga gèɗèʼa, a nga sun nengaʼa a vava.

1 John 2:4

Ndo man a gaɗa: I sun nengaʼa, aman a fi gèɗ a ma nkwèr nengaʼa azɓai, ndo ncèkèlma, ma nzuraʼa a te nengaʼa ɓai.

1 John 2:7

Dalahimam ga, i winda kinè ma nkwèr mɓuaʼa ka ɓai, sèi ma nkwèr nzlèzlèa, man kin ngots ma, man kin tsena te nhinkaɗ na.

1 John 3:9

Ndo man a yaka te Bi Zhiklè, a gi mali azɓai, te man skwi man a ngotso te ri Zhiklè a nzi te nengaʼa, a slaha a ngi mali azɓai, te man a ye te Bi Zhiklè.

1 John 4:11

Dalahimam ga; aman Zhiklè a woy nga aranta, nga ba sèi nga woy va nga, ngiɗè da woy ngiɗè, ngiɗè da woy ngiɗè.

1 John 4:12

Ko ndo staɗ a nrka Bi Zhiklè ɓai. Aman nga woy ndo, ngiɗè a woy ngiɗè, Zhiklè a nzi te ndav nga, a mwoy-ndo nengaʼa nʼngaʼa jèlèlèʼa te ndav nga.

1 John 4:16

A nga suna, a nga co a ndav, Bi Zhiklè a woy nga. Bi Zhiklè, nengaʼa mwoy-ndo, a ndo man a nzi te mwoy-ndo, a nzi te Bi Zhiklè, a Bi Zhiklè a nzi te nengaʼa.

1 John 4:20

Ndo man a gaɗa: I woy Zhiklè, aman a gi shèwa a kramam nengaʼa, ndo ncè-kèlma. Ndo man a woy kramam nengaʼa, man a rkaʼa a di ɓai, a slaha a nwoy Zhiklè, man a rkaʼa ʼbi ɗè?

1 John 4:8

Ndo man a woy ndo ɓai, a sun Bi Zhiklè ɓai, te man Zhiklè, nengaʼa mwoy-ndo.

1 John 5:1

Ndo man a nco a ndav, Yèsu, nengaʼa Kristi, nengaʼa nyaka te Bi Zhiklè. Ara man mwoy Zhiklè man a yaka nga, lèmèlèmè mwoy nengaʼa man Zhiklè a yau.

2 John 1:5

Anai i dzhaɗ ka, Kyria, ara man i winda ka ma nkwèr mɓuaʼa ka ɓai, aman ara man nga ngotso te nhinkaɗ na: ngo-woyokoy va nga, ngiɗè da woy ngiɗè!