1 John 3:5 - Ma Zhiklè

⁵ Km suna, Yèsu a shkè, aman a cè mali auda; mali a te nengaʼa ɓai.

Mofa New Testament

⁵ Km suna, Yèsu a shkè, aman a cè mali auda; mali a te nenga'a ɓai.

1 John 3:5 ပူးပေါင်းရင်းမြစ်များ

Osée 14:2

Va-nju ma mali kinè, va-menkaɗa a deɓa a sam Ndo nzi pèc pècèk, va-gaɗa na: Pra mali nga tèlèba, a nga ngècè pombai, a nga slébèrde ka a ma, te di man a marai.

Matthew 1:21

A da yi kra nguraʼa, a ka da va na nzlembaɗ nengaʼa Yèsu, aman nengaʼa a da mbel ta ndohi nengaʼa te mali tengaʼa.

Luke 23:41

Nga, ta ga nga kita zuraʼa a géɗ skwi man nga gau. Aman nengaʼa a nʼnga mali bai.

Luke 23:47

Aman bi sojè a rka skwi man a ga, a nslubordo Zhiklè, a ngaɗa: A vava, ndo haha ndo nzuraʼa.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Jean 1:31

Te va nasa i sun nengaʼa ɓai. Aman i shkè, a i gi baptême te iyam, aman ndohi Israel a ta shinèʼa.

Jean 14:30

Anai i gèɗè ma kumba a sam kinè azɓai. Bi herkeda a da shkè, a ngècè skwi a sam ga azɓai.

Jean 8:46

Ndo wa te ndev kinè, man a slaha a ngray mali ga? Aman i gaɗa kinè ma nzuraʼa, kin ciyè a ndav kinè azɓai èhèmè?

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

1 Timothy 1:15

Nasa ma nzuraʼa, amba aman nga cèʼa: Yèsu Kristi a mshkè a herkeda, aman a mbel ta ndohi malihai man i tsuvom tengaʼa.

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 1:3

Nengaʼa a ngreda nʼnjèl Zhiklè auda; nengaʼa mèzhèɓ va na, a gshè skwi tèlèba a ma wuɗi nengaʼa; te deɓaʼa man a mpana ta ndohi te mali ta ma, a nʼnza hai te ri mandi Bi mbiaʼa te géɗèʼa.

Hébreux 4:15

Nga, wuɗi nga azɓai; aman nga ngots bi ndohi mvi skwi a Zhiklè man a ngaka nga auda. Skwi a mpeda a wi lèmèlèmè ara nga, a sam tèlèba, aman nengaʼa a nʼnga mali ɓai.

Hébreux 7:26

A vava, sèi bi ndohi mvi skwi a Zhiklè aranta ambaha nga: ndo man a gi skwi ambaha Zhiklè, malai, a derɗa, az a sam na ɓai, va nkezla a sam ndohi malihai, a ta daʼa a géɗèʼa, a zhiklè.

Hébreux 9:26

Man ar haha, ar a nsu matakwan te nhinkaɗ herkeda pats ngiɗè pats ngiɗè kumba. Aman antanta, man patshi herkeda ta woy a ta ndiv ta, a ngudko va a di sak staɗ, a mvau nshèffè a ri na a skwi mpil gèɗ mali nga.

Hébreux 9:28

ara man Kristi a mvau nshèffe na sak staɗ, te deɓaʼa klèng, aman a ncè malihi ndohai kumba. Macecèwaʼa a di a gudko va a di a géɗ mali ka ɓai, aman a géɗ man a da hel ta ndohi man ta zhèrèʼa.

1 Peter 1:18

Kin suna, skwi man a sumka kinè a deɓa te maya nshèffè bababhi kinè nhalaʼa, man skwi ambalai: ara verzhè-gènè a guro man a di a gédèsh na ka ɓai;

1 Peter 1:20

Zhiklè a nʼngatseda nengaʼa a hai, ga herkeda a gai, nengaʼa man a ngud-koɗauda tok-tok haha a géɗ kinè.

1 Peter 2:22

Nengaʼa a nʼnga mali ɓai, a ntsakala ma ɓai.

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

1 John 1:2

A nshèffè a ngudko va a dai, a nga rkaʼa, a nga gi malwuɗi nengaʼa, a nga njè kinè nshèffè mbiaʼa man a ndivè azɓai, a mèdèp, man a zhè a sam Bab nga, a ngudoko nga va a dai.

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

1 John 2:1

Wudahi ga, i windè kinè ma haha, aman a kin gi mali azɓai. Aman ndo ngiɗè a gi mali genè, nga ngots ndo nʼnza nga a deɓa a sam Bab nga, Yèsu Kristi, ndo nzuraʼa.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

1 John 2:29

Kin suna, nengaʼa nzuraʼa; a ndo man a gi zuraʼa, sèi kin sun ba, a shkè te nengaʼa.

1 John 3:8

Ndo man a gi malai, nengaʼa ndo bi madzagai, aman bi madzagai ndo mali te nhinkaɗ na. Kra Zhiklè a shkè, aman a ngedassa mizlinè bi madzagai.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,