1 John 2:27 - Ma Zhiklè

²⁷ A Mèzhèɓ Zhiklè man kin ngotso te ri nengaʼa a nzi a sam kinè; ko man ndo ngiɗè a slebda kinè ɓai, Mèzhèɓ man kin ngotso a senda kinè skwi tèlèba, zuraʼa, ncèkèlma ka ɓai. Ara man Mèzhèɓ Zhiklè a senda kinè, va-nza te nengaʼa!

Mofa New Testament

²⁷ A Mèzhèɓ Zhiklè man kin ngotso te ri nenga'a a nzi a sam kinè; ko man ndo ngiƌè a slebda kinè ɓai, Mèzhèɓ man kin ngotso a senda kinè skwi tèlèba, zura'a, ncèkèlma ka ɓai. Ara man Mèzhèɓ Zhiklè a senda kinè, vanza te nenga'a!

1 John 2:27 ပူးပေါင်းရင်းမြစ်များ

Proverbes 28:5

Ndohi ambaɓihiaʼa ta sun skwi nzura ɓai; aman ndohi man ta woy Ndo nzi pèc pècèk, ta sun skwi tèlèba.

Lèv. 7:35

Nasa skwi man Aaron a wudahi nengaʼa ta ngècè te va skwi man ndohi ta va na Zhiklè te vogwa, man ta ngots a pats man ta pe ta a mizlinè mvi skwi a Zhiklè.

Nombres 7:43

Skwi man a mva na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa: cèw cèw ba nʼndha a gufa dau, mbsoma a mbar, a nda va na Zhiklè a movar.

Matthew 13:11

A Yèsu a mʼmbeɗa ta a ma: Skwi man nʼngheda te kokwar-Bi-Zhiklè, a kinè. Aman a tengaʼa ka ɓai.

Jean 14:16

A i woy a i tsi ri a Bab ga, a va kinè ndo nʼnzaka kinè a deɓa, man a nzi a sam kinè a mèdèp,

Jean 14:17

Mèzhèɓ nzuraʼa, man herkeda a slaha a ncè ɓai, te man a rka bai, a sun bai. Aman kinè, kin sun nengaʼa, te man nengaʼa a nzi a sam kinè, a zhè te ndav kinè.

Jean 14:26

Ndo nʼnza kinè a deɓa, Mèzhèb Zhiklè nkezlaʼa, man Bab ga a da zlündkodai a nzlembaɗ ga, nengaʼa a da senda kinè skwi tèlèba. Ma man i gaɗa kinè, a da hodko kinè tèlèba a gèɗ.

Jean 16:13

Aman nengaʼa, Mèzhèɓ nzuraʼa nda shkè ma, a ngreda kinè ma nzuraʼa tèlèba. Aman nengaʼa a gèɗè ma te gèɗ na azɓai. Aman ma man a tsenaʼa, a gèɗèʼa; a ngreda kinè skwi man a di a shkè.

Jean 4:14

Aman ndo man a si iyam man i va na, iyam a da dza na te deɓaʼa asaɓai a mèdèp. Aman iyam man i viaʼa, a da gi te ndav nengaʼa ara nlèlè iyam nshèffè man ahi a mèdèp.

Jean 6:45

Ta Windo te ɗèlèwèr ndohi nhadka ma: Zhiklè a slebda ta tèlèba. Ndo man a tsena ma Zhiklè, a shindè ma nengaʼa, nengaʼa a shkè a sam ga.

1 Corinthians 2:12

Nga ngatsa Mèzhèɓ herkeda ka ɓai, aman Mèzhèɓ man a shkè te Bi Zhiklè, aman nga slaha nga sun skwi man Zhiklè a mva nga te pombi nengaʼa.

1 Corinthians 2:13

A nga ngreda skwi Mèzhèɓ haha a ma ndohi man ta ngots Mèzhèɓ Zhiklè; nga gèɗè azɓai a maya ndohai, aman ara Mèzhèɓ Zhiklè a senda nga.

2 Corinthians 1:21

Zhiklè, nengaʼa a ngu aman nga nzi taraʼa a nda kinè te Kristi; nengaʼa a nkezla ndav nga,

Ephésiens 4:21

kin tsena te nengaʼa tsaɗ, a kin slebau tsaɗ, ara ma Yèsu nzuraʼa a vava.

Colossiens 2:6

Ara man kin co Bai Yèsu Kristi, vo-do a ma ma te nengaʼa!

1 Thessalonians 2:13

Gar haha nga shid gèɗ a Zhiklè pèc pècèk, a géɗ man kin co ma Zhiklè, man nga njè kinè, a kin ngotso a sam nga, ara ma ndohi ka ɓai, aman a vava ma Zhiklè, man a gi mizlinè te ndav kinè, man kin co a ndav.

1 Thessalonians 4:9

A géɗ mwoy kramama, nga winda kinè ma azɓai. Zhiklè a senda kinè a ri na, aman kin woy va kinè, ngiɗè da woy ngiɗè, ngiɗè da woy ngiɗè a ndav na.

1 Timothy 2:7

Ta fiyè a ndo njè ma Zhiklè, a ndo sak, aman i senda ta ncè-a-ndav a ma nzuraʼa a ndohi herkeda – i gèɗè zuraʼa, i cèkèlma azɓai.

1 Peter 1:23

Kinè ndohi man ta yaka kinè macecèwaʼa, te tser skwi nhuslaʼa ka ɓai, aman te tser skwi man a huslè azɓai, nengaʼa ma nshèffè Zhiklè, man a nzi dai a mèdèp.

1 John 2:28

Anai wudahi ga, va-nza te Yèsu; aman a di a gudko va a dai, nga wuffè a nga ngècè hori a di a sam nengaʼa azɓai.

1 John 3:24

Ndo man a fi gèɗ a ma nkwèr nengaʼa, a nzi te nengaʼa, a nengaʼa a nzi te ndav na. A nga suna, a nzi te ndav nga, te Mèzhèɓ Zhiklè man a va nga.

2 John 1:2

te man ma nzuraʼa a nzi te ndav nga, a da nzi te ndav nga a mèdèp.