1 John 2:17 - Ma Zhiklè

¹⁷ Herkeda a di a ndiv na, a nda ntétékè nengaʼa tèlèba. Aman ndo man a gi skwi man Bi Zhiklè a woyaʼa, nengaʼa a nzi a mèdèp.

Mofa New Testament

¹⁷ Herkeda a di a ndiv na, a nda ntètèkè nenga"a tèlèba. Aman ndo man a gi skwi man Bi Zhiklè a woya'a, nenga'a a nzi a mèdèp.

1 John 2:17 ပူးပေါင်းရင်းမြစ်များ

Psaumes 102:26

Tʼhinkaɗ na ka gau herkeda. Giɗfèk, ri ngaya a ngau.

Psaumes 143:10

Sendayè, aman i gi skwi man ka woyaʼa; aman ka Zhiklè ga. Mèzhèɓ ngaya man amba da cèy ma a civèɗ fèhaʼa.

Psaumes 39:6

Na haha ka livay patshi ga a hwaɗ ri ngaya; nshèffè ga a sam di ngaya nara skwi ka ɓai. Halau, ko wawa man a zhè a nshèffè, nara kozlar genè.

Psaumes 90:9

Halau, pats nshèffè nga tèlèba ta ndev ta a sam ndzoan ngaya, mvi nshèffè nga a dè na ara ndo man a mèndè nshèffè na a hai.

Proverbes 10:25

Aman skwi mwuɗitpa a shkè, ndo ambaɓiaʼa klèng ma; aman ndo nzuraʼa a nzi gedeng-gedengaʼa a mèdèp.

Matthew 21:31

Te va wudahi ncèw a haha, a ngu skwi man bab tengaʼa a woyaʼa, wa? Ta gaɗa na: Macecèwaʼa. A Yèsu a ngaɗa ta: A vava i gaɗa kinè: Ndohi ncèkèlè skwai, a ngwozi man ta gi baki a dala, ta dè a kokwar Bi Zhiklè, ta da ngelka kinè a deɓa.

Matthew 24:35

Gidfèk a herkeda ta da ndiv ta. Aman ma ga a da ndiv azɓai.

Matthew 7:21

Ndohi man ta bahayè: Bai, Bai, ta dè tèlèba a kokwar-Bi-Zhiklè azɓai, sèi ndohi man ta gi skwi man Bab ga te zhiklè a woyaʼa.

Marc 3:35

Aman ko wawa man a gi skwi man Zhiklè a woyaʼa, nengaʼa kramam ga, demam ga, mam ga.

Jean 4:14

Aman ndo man a si iyam man i va na, iyam a da dza na te deɓaʼa asaɓai a mèdèp. Aman iyam man i viaʼa, a da gi te ndav nengaʼa ara nlèlè iyam nshèffè man ahi a mèdèp.

Jean 6:58

Na haha movar man a shkèhai te zhiklè. Ara man a bababhi kinè ka ɓai, man ta ndau, a ta bazl ta. Ndo man a ndi movar haha, a nzi a nshèffè a mèdèp.

Jean 7:17

Ndo man a woya a ngi skwi ara man nengaʼa a woyaʼa, a slaha a ndèlèʼa: Njè-ma haha a shkè te Zhiklè dè, dè i goɗ te ma ga dè?

Romans 12:2

Kin gu lèmèlèmè ara ndohi herkeda sata ɓai, aman va-gu aman nhér gèɗ kinè a gi a mɓuaʼa, aman kin slaha a kin ɗèl skwi man Zhiklè a woyaʼa, ara skwi man amba a skwi mbelaʼa a skwi njèlèlèʼa.

1 Corinthians 7:31

a ndohi man herkeda haha ambaha ta, ara man ambaha ta ɓai. Aman skwi herkeda, a maya herkeda haha, a di a ndiv na.

Colossiens 1:9

Gar haha nga ba, a pats man nga tsenaʼa, nga jèka ɓai, aman nga tsi ri a Zhiklè pèc pècèk a géɗ kinè: ndav kinè da ndha te nshin skwi man Zhiklè a woyaʼa, a maya, a nshin skwi te Mèzhèɓ Zhiklè tsaɗ tsaɗ,

Colossiens 4:12

Epaphras a ga kinè mbalai, gwoli kinè, ɓèl Yèsu Kristi, man a tsi ri a géɗ kinè pèc pècèk, a vazaza a va, a géɗ man kin zlatsa jèlèlèʼa, a kin shin skwi tèlèba man Zhiklè a woyaʼa, a vava.

1 Thessalonians 4:3

Aman na haha skwi man Zhiklè a woyaʼa: aman ndav kinè nkezla, a kin nzi dra a sam mphömè.

1 Thessalonians 5:18

Va-gu susai a géɗ skwi tèlèba. Aman skwi haha Zhiklè a woy kin giaʼa te Yèsu Kristi.

Hébreux 10:36

Aman skwi man a woy a zhè a sam kinè: Nzhèr skwia dai, nʼnzi taraʼa. Te deɓaʼa man kin gu skwi man Zhiklè a woyaʼa, kin ngècè skwi man Zhiklè a mpasla kinè ri a pa.

Jacques 4:14

a kin sun skwi man a da shkè angoslèm ɓai. Nshèffè kinè mè? Nara vodzok man a ɗüzhè, te deɓaʼa a ndev na.

1 Peter 1:5

a kinè man a géɗ ncè-a-ndav, wuɗi Zhiklè a ɓer kinè a sam mʼmbel ndo, man ntila, man a di a gudko va a dai a pats ndikèma skwai.

1 Peter 4:2

Te deɓaʼa, man a zhè tʼherkeda dai, a jèjèr ntétékè va na azɓai, aman a nzi a nshèffè, a gi skwi man Zhiklè a woyaʼa.