1 John 2:13 - Ma Zhiklè

¹³ Babhai, i windè kinè, te man kin sun nengaʼa man a zhè te nhinkaɗ na. Golahai, i windè kinè, te man kin gaʼa a ngul nengaʼa man ambaɓai.

Mofa New Testament

¹³ Babhai, i windè kinè, te man kinsun nenga'aman azne te nhinkaƋ na. Golahai, i windè kinè, te man kin ga'a a ngul nenga'a man ambaɓai.

1 John 2:13 ပူးပေါင်းရင်းမြစ်များ

Psaumes 148:12

golahai a dalahai tèlèba, a babgihai a wudahi ba!

Psaumes 90:2

Aman za az di ɓai, a herkeda a skwi herkeda az di ɓai, te nhinkaɗ na ka Zhiklè ka zhè, pèc pècèk a ma ma ba a mèdèp.

Psaumes 91:14

Te man a gso va a iyè, i woy a i mbelkaɗauda; i da ɓerèʼa, a gèɗ man a sun nzlembaɗ ga.

Proverbes 20:29

Njèzl va golahai, wuɗi ta. Njèzl va babgihai, mokozlar ta.

Joel 2:28

Te deɓaʼa a da gi aman i bèdè Mè-zhèɓ ga a géɗ ndohi tèlèba, a wudahi kinè a dalahi kinè sèi ta hodko ma Zhiklè; ndohi kinè nhalaʼa ta ngècè nshunè, a golahi kinè sèi ta rka skwi man a ma.

Zacharie 9:17

Mwuffè a zhè, a gi amba! Dau a zom a zhè a pa. Golahi a dalahi ta ara kwahi mbelaʼa man ta si dai.

Matthew 11:27

Skwi tèlèba Bab ga a mvay a rai. Ndo ngiɗè a sun kra ɓai, sèi Bab kra a suna a vava. Ndo ngiɗè a sun bab kra ɓai, sèi kra a suna a vava, a ndohi man kra a ngreda ta.

Matthew 13:19

Ko wawa man a tsena ma kokwar-Bi-Zhiklè, aman a sun ɓai, ndo ngedassa ndo a ngezlda ma man ta wusheda a ndav na, a ma; nengaʼa nara skwi man a wushahai a civèɗ.

Matthew 13:38

Gi dau, nengaʼa herkeda. Tser skwi mbelaʼa, nasa ndohi kokwar-Bi-Zhiklè. Dau zizlè, nasa wud ndo ngedassa ndo.

Matthew 5:37

Va-gu aman halau kinè, a gi a halau; a aʼai kinè, a gi a aʼai; skwi man kin gèɗè a vaʼa, ambaɓai.

Luke 10:22

A ngaɗa ta golahi nengaʼa: Skwi tèlèba Bab ga a mvay a rai. Ndo ngiɗè a sun kra ɓai sèi bab na a suna a vava. A ndo ngiɗè a sun Bab kra ɓai, sèi kra na a suna a vava, a ndo man kra a ngreda na.

Jean 14:7

Aman kin senyè, kin sun Bab ga ba. A hinè antanta kin sun nengaʼa, a kin rka nengaʼa ma.

Jean 14:9

Yèsu a ngaɗa na: Nʼnzi ga a sam kinè kumba, a ka senyè ɓi dè, Philippe? Ndo man a rkayè, a rka Bab ga ma, a ka gad kè: Ngra nga Bab nga?

Jean 16:3

Skwi ar haha ta da giaʼa, te man ta sun Bab ga ɓai, a ta senyè ɓai, cèw ba.

Jean 16:33

Na haha i gaɗa kinè a kin gumi te iye. Tʼherkeda matakwan a ga kinè. Aman va-gsa ndav kinè, i ngul herkeda.

Jean 17:21

Aman ta tèlèba ta gi a nstaɗ, lèmèlèmè ara nga, ka Bab ga, te iyè, a iyè te ka, a tengaʼa ba, ta te nga; a herkeda da co a ndav na, ka nzlindekayè.

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Jean 8:19

A ta gaɗa na: Bab ngaya tema? A Yèsu a ngaɗa ta: Kin senyè bai, kin sun Bab ga ɓai. Aman agassa kin senyè, ar kin sun Bab ga ba.

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

1 Timothy 5:1

Ka gaɗa na a wuɗi a ndo nhalaʼa ɓai; rka ara bab ngaya! Golahai, rka ta ara kramamhi ngaya!

Titus 2:6

Lèmèlèmè golahai: fa ta ma a gèɗ, aman ta hér skwi nzuraʼa.

1 John 1:1

Nasa skwi man a zhe te nhinkaɗ na, a géɗ ma nshèffè, man nga tsenaʼa, man nga rka a di nga, man nga wora, man nga lama na a ri nga.

1 John 2:1

Wudahi ga, i windè kinè ma haha, aman a kin gi mali azɓai. Aman ndo ngiɗè a gi mali genè, nga ngots ndo nʼnza nga a deɓa a sam Bab nga, Yèsu Kristi, ndo nzuraʼa.

1 John 2:12

Wudahi ga, i windè kinè, te man malihi kinè ta pra ma, a géɗ nzlembaɗ nengaʼa.

1 John 2:14

Wudahai, i windè kinè te man kin sun Bab Zhiklè. Babhai, i windè kinè, te man kin sun nengaʼa man a zhè te nhinkaɗ na. Golahai, i windè kinè, te man wuɗi kinè a zhè, ma Zhiklè a nzi te ndav kinè, a kin ga a ngul nengaʼa man ambaɓai.

1 John 3:12

ara Cain ka ɓai. Nengaʼa nte ndo man ambaɓai, a nkeɗa kramam nengaʼa. A keɗaʼa èhèmè? A géɗ skwi man a gau, ambaɓai, a skwi man kramam nengaʼa a gau, zuraʼa.

1 John 4:4

Wudahi ga, kinè ndohi Bi Zhiklè, a kin fen ta ndohi nhadka ncèkèlma haha. Aman Mèzhèɓ man a zhè te ndav kinè a fena nengaʼa man a zhè tʼherkeda.

1 John 5:18

Nga suna, ndo man a yaka te Bi Zhiklè a gi mali azɓai. Aman ndo man a yaka te Bi Zhiklè, Zhiklè a ɓirèʼa, a nengaʼa man ambaɓai a da lama na azɓai.

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.

Apocalypse 12:11

A ta gaʼa a ngulaʼa a Pombaz kra tambak, a ma malwuɗi tengaʼa, a ta woy a ta ɓir nshèffe ta azɓai, ha ta bazl ta.

Apocalypse 2:7

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, a da ndi wof nshèffè man a zhè a sam Bi Zhiklè mbelaʼa.