1 John 1:9 - Ma Zhiklè

⁹ Aman nga ngreda mali nga auda, nengaʼa nlèɓèslèa a nzuraʼa, aman a pra nga mali nga, a pan nga te skwi man nzura ka ɓai tèlèba.

Mofa New Testament

⁹ Aman nga ngreda mali nga auda, nenga'a nlèɓèslèa a nzura'a, aman a pra nga mali nga, a pan nga te skwi man nzura ka ɓai tèlèba.

1 John 1:9 ပူးပေါင်းရင်းမြစ်များ

I Rois 8:30

Sèi ka tsena ntsi ri ɓèl ngaya, a ndohi Israel, ndohi ngaya, man ta tsi ri a ka, a sam na haha. A vava sèi ka cèʼa, a sam nʼnzi ngaya te zhiklè te géɗèʼa. Ka da tsenaʼa a ka da pra nga mali nga.

I Rois 8:47

a ta hér mali ta te kokwar man ta gi ɓèlè te pa, a ta ngwoda ndav ta, a ta tsi ri a ka, te kokwar ndohi ndum ta, a ta gada: Nga gu malai, nga gau ambaɓai, nga gau skwi man ambaha Zhiklè ɓai!

Néhémie 1:6

Foko zlembaɗ, poko dai, tsena ntsi ri ɓèl ngaya, man i tsi ri a ka a pats a vaɗ a géɗ ndohi Israel, ɓèlèlihi ngaya, a i njè ma mali ndohi Israel. Nga gu mali a sam ngaya. Ko i ba a ndohi gi bab ga, nga gu malai.

Psaumes 19:12

Ɓèl ngaya ba a nʼngots maya te pa. Ndo man a jèjèrèʼa, skwi ntul nengaʼa a zhè a vata.

Psaumes 32:5

Te deɓaʼa i ngreda ka mphömè ga auda, i ngheda mali ga ɓai. I gaɗa: I woy a i ngreda na maharam ga a Ndo nzi pèc pècèk. A ka, ka pray mphömè mali ga.

Exode 34:7

man pombi na a zhè a verzi ndohi gozhèm gozhèm kumba, man a pra ta mphömè a maharam a malai a ndohai, aman a pra ta ambali ka bai, aman a gi kita a sam wudahi a géɗ mali bab ta, te verzi bab ta, te mamakaraʼa, te mafaɗaʼa.

Proverbes 28:13

Ndo man a ngheda mali na, a grè a ma ma azɓai; aman ndo man a ngreda auda, a jèkeda, a si Zhiklè te va.

Esaie 45:21

Vo-godo, va-ngreda, a ta cèmma a va ta. Nʼngreda ma haha halaki wa? Nʼnju ma haha halaʼa wa? Iyè Ndo nzi pèc pècèk ka ɓi ɗè? Iyè Zhiklè, ngiɗè azɓai, Zhiklè nzuraʼa, Zhiklè mʼmbel ndo, sèi iyè, ngiɗè az a tsagi ga ɓai.

Jérémie 3:13

Aman a woy ka suna, ka gu malai, ka kwola Ndo nzi pèc pècèk, Zhiklè ngaya, a ka va na va ngaya a zhiklèhi ngiɗè, a verzi wof ndizlimaʼa tèlèba kin tsena ma ga ɓai, Ndo nzi pèc pècèk a gaɗa.

Jérémie 33:8

I da pan ta te mali tengaʼa tèlèba, man ta gu mali a sam ga; i da pra ta mali tengaʼa tèlèba, man ta gu mali a sam ga, a ta jèkyè.

Lamentations de Jérémie 3:23

A nciɗ sam a nciɗ sam nga sia te va zaʼa, nlèɓèslè nengaʼa mbiaʼa.

Ezéchiel 36:25

Te deɓaʼa i da pan kinè a iyam nkéɗècèʼa, a kin pana. I da pan kinè te skwi man a lizhè kinè tèlèba, te mʼmbèh skwi kinè tèlèba.

Ezéchiel 37:23

Ta da lizhè va ta a skwi mbèh skwi tengaʼa, a skwi hori tengaʼa a mali tengaʼa asaɓai. A i helka ta auda te skwi man ta kwolyè te pa tèlèba a ta gi mali a vna; a i da pana mali ta, a i ge ta a ndohi ga, a i gi a Zhiklè ta.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Matthew 3:6

A Jean a nʼnga ta baptême te woyam Jourdain, a ta ngreda mali ta auda.

Marc 1:5

A kokwar Judée tèlèba, a ndohi kokwar Jérusalem tèlèba, to do a sam nengaʼa, a Jean a nʼnga ta baptême te woyam Jourdain, a ta ngrede mali ta.

Luke 22:57

A Pierre a ntsokol ma, a ngaɗa: Ngwoz, i sun nengaʼa ɓai!

Jean 17:25

Bab nzuraʼa! Herkeda a sen ka ɓai; aman iyè i sen ka, a tengaʼa ba ta suna, ka nzlindekayè.

Actes 19:18

A ndohi kumba te ndev ndohi man ta co Yèsu a ndav, a ta shkè, a ta ngreda malai a skwi man ta gau, auda.

Romans 3:26

Aman a patsna a ngreda ngi-zuraʼa nengaʼa, ara man nengaʼa nzuraʼa; ko wawa man a cè Yèsu a ndav na, nʼnga a ndo nzuraʼa.

1 Corinthians 1:9

Aman Zhiklè nlèɓèslèa, nengaʼa man a baha kinè, man kin humda a Yèsu Kristi, kra na, Bi nga.

1 Corinthians 6:11

Ndohi tsaɗ tsaɗ te ndev kinè ta gu arsa zlèzlèa. Aman kin pana, kin kezla, kin gaʼa a ndohi nzuraʼa te nzlembaɗ Bi Yèsu Kristi, te Mèzhèɓ Zhiklè nga ma.

Ephésiens 5:26

a nkezlaʼa, a mpanaʼa, a iyam a ma Zhiklè,

Deutéronome 7:9

Gar haha sèi kin suna, Ndo nzi pèc pècèk, Zhiklè kinè, nlèɓèslèa, man a jèjèr nderzlè-ma nengaʼa. A tengaʼa man ta woyaʼa, a ta jèjèr ma nkwèr nengaʼa, a va ta pombai, ha a ndikè a verzi wud wud ta a gi 1.000.

1 Timothy 1:15

Nasa ma nzuraʼa, amba aman nga cèʼa: Yèsu Kristi a mshkè a herkeda, aman a mbel ta ndohi malihai man i tsuvom tengaʼa.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 10:23

Ngo-nzokoy taraʼa te nʼngrédè skwi man nga zhèrè te ndav; aman nengaʼa man a mpasla nga rai, nengaʼa nlèɓèslèa.

Hébreux 11:11

A géɗ ncè-a-ndav na, Sara a nʼngots wuɗai man a ngècè kra, ko nhala ma, te man a gaɗa: nengaʼa man a mpaslay rai, nlèɓèslèa.

Hébreux 6:10

Aman Zhiklè nzuraʼa, a mizlinè kinè tèlèba, man kin gau a nzlembaɗ na, mwoy-ndo kinè man kin takaha ta ndohi Zhiklè a vna, ko ani ba kin takaha ta dai, a pca na a gèɗ azɓai.

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

Apocalypse 15:3

a ta slu dimèsh Moise, ɓèl Zhiklè, a dimèsh kra tambak, a ta gaɗa: Skwi man ka gau, skwi mbiaʼa, skwi nrkedai, Bi Zhiklè, Bi wuɗi tèlèba! Civèɗ ngaya nzuraʼa a vava, ka Bi ndohi herkeda.