1 Corinthians 4:6 - Ma Zhiklè

⁶ Dalahimam ga, skwi haha i ngreda kinè a géɗ va ga, a géɗ Apollos, a kin shindè a sam nga, ara man ɗèlèwèr Zhiklè a gaɗa: Sèi ara man ta Windo, kin pa na va ɓai! Aman ndo te ndev kinè da dzugor va a géɗ ndo njènga na ɓai!

Mofa New Testament

⁶ Dalahimam ga, skwi haha i ngreda kinè a géƋ va ga, a géƋ Apollos, a kin shindè a sam nga, ara man âèlèwèr Zhiklè a gaƋa: Sèi ara man ta windo, kin pa na va ɓai! Aman ndo te ndev kinè da dzugor va a gèƋ ndo njènga na ɓai!

1 Corinthians 4:6 ပူးပေါင်းရင်းမြစ်များ

Psaumes 146:3

Kin pu ndav kinè a bihi ɓai! Kin pu ndav kinè a ndo ɓai! Ndo a slaha a mbel kinè ɓai.

Psaumes 8:4

Aman i pi di a zhiklè, man ri ngaya a gau, a kia a bantihai man ka ge ta a pa:

Esaie 2:22

Kin fu gèɗ a ndo ɓai, man a shèffè tʼhtsan gene; nengaʼa kala mè!

Actes 18:24

Ndo Juif ngiɗè, nzlembaɗ nengaʼa Apollos, a mshkè a kokwar Ephèse, ta yau te kokwar Alexandrie, ndo man a sun ngèɗè ma amba, a sun ɗèlèwèr Zhiklè a vata.

Actes 19:1

Te deɓaʼa aman Apollos a zhè te kokwar Corinthe, Paul a shèwèlè te kokwarhi te géɗèʼa, a mshkè a ma kokwar Ephèse, a nʼngats ta golahi Yèsu kètè,

Romans 12:3

Aman te pombi man Zhiklè a mvayè, i gaɗa kinè staɗ staɗ tèlèba, aman kin gra gèɗ kinè ɓai, a kin gaɗa: I mbiaʼa, i fenaʼa. Aman staɗ staɗ da nza a maya maya, staɗ staɗ te skwi man Zhiklè a mva na te ncè-a-ndav.

1 Corinthians 1:12

I huro, aman ndo ngiɗè te ndev kinè a gaɗa: I ndo Paul; ngiɗè a gaɗa: I ndo Apollos; ngiɗè a gaɗa: I ndo Céphas; ngiɗè a gaɗa: I ndo Kristi.

1 Corinthians 1:19

Aman ɗèlèwèr Zhiklè a gaɗa: I woy aman i gedassa maya ndohi maya; a maya ndohi nwoslaʼa i woy aman i kwolaʼa.

1 Corinthians 1:31

gar haha, ara man ɗèlèwèr Zhiklè a gaɗa: Ndo man a woya a njégèr va, sèi a jégèr va a géɗ Bi Yèsu.

1 Corinthians 13:4

Mwoy-ndo a ndav a zhèr skwia dai, a ndav amba. Mwoy-ndo a ndav a tétékè skwi azɓai. Mwoy-ndo a ndav a grè gèɗ azɓai, a fi va azɓai,

1 Corinthians 3:19

Aman maya herkeda haha, nengaʼa nrzlè a sam Zhiklè. Ɗèlèwèr Zhiklè a gaɗa: A gs ta ndohi maya a géɗ maya ta.

1 Corinthians 3:21

Gar haha kin dzugor va a géɗ ndo ɓi fèt. Skwi tèlèba a kinè:

1 Corinthians 5:2

A kin fi va, a kin kuɗi azɓai, a kin cka ndo man a gu mali arsa auda te ndev kinè ɓai.

1 Corinthians 5:6

Nfi va kinè, ambaɓai. Kin sun ɓi ɗè? Movar mɓeslaʼa kèshkata a ɓesla movar tèlèba.

1 Corinthians 8:1

A géɗ nʼndi zluèɗ mbèh skwai, nga tèlèba nga sun maya. Nshin skwai a grè gèɗ ndo, aman mwoy-ndo a ndav a gi aman a grè a ma ma.

1 Corinthians 9:23

Skwi tèlèba i gia a géɗ ma mbelaʼa, aman i ngècè skwi mbelaʼa te pa.

2 Corinthians 10:12

Nga gi zlau aman nga ngré va nga a va ndohi man ta slébèrdè va ta a ri ta, a nga lèmdè va nga a tengaʼa. Ta rzla, a géɗ man ta ɗèl skwi ta a ri ta, a ta lèmdè va ta a va tengaʼa.

2 Corinthians 10:15

Nga jégèr va a géɗ mizlinè ndo ngiɗè azɓai; aman nga zhèrè te ndav, ara man ncè-a-ndav kinè a grè a ma ma, kin slebarde nga ba, ara mizlinè man nga gau.

2 Corinthians 10:7

Kinè, kin dèl skwi ma a deɓa genè! Ndo man a huro, iyè a Kristi, da suna, nga a Kristi lèmèlèmè.

2 Corinthians 11:4

Aman ndo a dè a sam kinè, a njè kinè Yèsu ngiɗè, man nga njè kinè ɓai, a kin ngècè mèzhèɓ ngiɗè, man kin ngots ka ɓai, a ma mbelaʼa ngiɗè tsaɗ, man kin co ka ɓai, tsam tsam kin fi gèɗèʼa.

2 Corinthians 12:19

Gar kin hérèʼa, nʼnzi a zhè nga goɗ ma man nga tsoko gèɗ nga auda a sam kinè genè. Aman nga gèɗè te Kristi a sam di Zhiklè. Dalahimam ga, skwi tèlèba a gi aman a kin grè a ma ma.

2 Corinthians 12:20

I gi zlau man i da shkè, i da ngats kinè ɓai, ara man i woyaʼa. A kinè ba, kin da ngatsyè azɓai, ara man kin woyaʼa: ngi ndav, srak, shèwa, ndzoan, ntsi derngasl, ngre ndo, nfi va, skwi ndzakaɓaʼa, a zhè.

2 Corinthians 12:6

Ko i wasl te ma ɓai, aman i sun skwi te gèɗ, a géɗ man i goɗ a nzuraʼa. Aman i gèɗè azɓai. Ndo ngiɗè man a tsena ma ga, da rkayè ara ndo mbia ɓai.

2 Corinthians 4:15

Skwi tèlèba a gi a géɗ kinè, aman pombi mbiaʼa te ndohi kumba a gi a nshid gèɗ kumba a nʼnjèl Zhiklè.

Colossiens 2:18

Va-gu maya, ndo da bezlamda kinè skwi ntul kinè ɓai, – ndo man a ga va ara man a manda gèɗ na a hai, a slébèrdè golahi Zhiklè, a jégèr va ambalai te nhér ntétékè va na, a fi va a géɗ skwi man a rka na dai.

1 Thessalonians 1:5

Nga njè kinè ma mbelaʼa a ma genè ka ɓai, aman a wuɗi ha, a Mèzhèɓ nkezlaʼa, a nfi gèɗèʼa. Kin suna nga gu arsa a sam kinè, a géɗ kinè.

2 Timothy 2:10

Gar haha i zuɓ skwi tèlè, a géɗ ndohi man Zhiklè a mpar ta, aman tengaʼa ba ta ndikè a sam mbelaʼa a nʼnjèlè man a ndivè azɓai a mèdèp, te Yèsu Kristi.